ଅନେକ ଦୋକାନୀ ସେମାନଙ୍କ ଦୋକାନ ସମ୍ମୁଖରେ ‘ଗରାଖ ଈଶ୍ୱର’ ବୋଲି ଲେଖୁଥିବାବେଳେ ସେଭଳି ଭାବର ବିଶ୍ୱାସ ପ୍ରକଟ କରିବା ଲକ୍ଷ୍ୟ କରାଯାଏନି। କିନ୍ତୁ ମିଜୋରାମ ରାଜଧାନୀଠାରୁ ୬୫ କିି.ମି ଦୂର ଶେଲିଂ ରାଜପଥ କଡ଼ରେ ଥିବା ଦୋକାନୀମାନେ ସେମାନଙ୍କ ଗରାଖମାନଙ୍କୁ ଈଶ୍ୱର ମଣିଥାନ୍ତି। ସେମାନଙ୍କ ଉପରେ ପୂର୍ଣ୍ଣ ବିଶ୍ୱାସ ପ୍ରକଟ କରି ଦୋକାନରେ କେହି ଦୋକାନୀ ରହନ୍ତିନି। ମୁଖ୍ୟତଃ କୃଷକମାନେ ହିଁ ଏହି ଦୋକାନଗୁଡ଼ିକର ମାଲିକ। ଏହାକୁ ‘ନଘା ଲାଉ ଦ୍ୱାର କଲଚର ଅଫ୍ ମିଜୋରାମ’ ଅର୍ଥାତ୍ ବିନା ଦୋକାନୀରେ ଦୋକାନ’ ବୋଲି କୁହାଯାଏ। ରାଜପଥ କଡ଼ ଆଦିବାସୀ ଗାଁଗୁଡ଼ିକରେ ଏହି ପରମ୍ପରା ବହୁ ଦିନରୁ ଚଳିଆସୁଛି। କୃଷକମାନେ ବାଉଁଶରେ ଦୋକାନ କରିଥାନ୍ତି। ପ୍ରତିଦିନ ସକାଳେ ସେମାନେ ପରିବା, ଫଳ, ଶୁଖୁଆ, ସ୍ବାଦିଷ୍ଠ ଗେଣ୍ଡା ଓ ଫଳରସ ବୋତଲ ଏଥିରେ ରଖନ୍ତି। ଏକ ସାଇନ୍ବୋର୍ଡରେ ପ୍ରତ୍ୟେକ ଜିନିଷର ନାମ ଓ ତା’ ମୂଲ୍ୟ ଚକ୍ରେ ଲେଖି ଦୋକାନରେ ଝୁଲାଇଦେଇ ଚାଷ ଖେତକୁ ଚାଲିଯାଆନ୍ତି। ଲୋକମାନେ ଦୋକାନକୁ ଆସନ୍ତି ଓ ଆବଶ୍ୟକ ଜନିଷ ନିଅନ୍ତି। ଦୋକାନରୁ ଜିନିଷ ନେବା ପରେ ମୂଲ୍ୟସୂଚୀରୁ ମୂଲ୍ୟ ଦେଖି ଦେୟ ଦେକାନରେ ଥିବା ଜମା ବାକ୍ସରେ ରଖିଦିଅନ୍ତି। ସେଥିରେ ବି କିଛି ଖୁଚୁରା ଥାଏ ଓ ଲୋକମାନଙ୍କର ଯାହା ଫେରିପାଇବାର ଥିବ ତାହାକୁ ସେଥିରୁ ନେଇଥାନ୍ତି। ସେମାନେ ସାଧୁତାର ପରିଚୟ ପ୍ରଦାନ କରିଥାନ୍ତି। କେବେ ବି କୃଷକମାନଙ୍କୁ ଠକନ୍ତିନି।
