ଓ୍ବାଶିଂଟନ, ୫।୧ : ଭାରତରେ କରୋନା ମହାମାରୀର ନୂଆ ଭାରିଆଣ୍ଟ୍ ଓମିକ୍ରନ୍ ସଂକ୍ରମଣ ଜାନୁୟାରୀରେ ଶୀର୍ଷ ଛୁଇଁବ। ଇନଷ୍ଟିଚ୍ୟୁଟ ଫର୍ ହେଲଥ ମେଟ୍ରିକ୍ସ ଆଣ୍ଡ ଇଭାଲୂ୍ୟଏଶନ (ଆଇଏଚଏମଇ) ର ନିର୍ଦ୍ଦେଶକ ତଥା ହେଲଥ ମେଟ୍ରିକ୍ସ ସାଇନ୍ସ ୟୁନିଭରସିଟିର ଅଧ୍ୟକ୍ଷ ଡାକ୍ତର ଖ୍ରୀଷ୍ଟୋଫର୍ ମୁରେ ଏଭଳି କହିଛନ୍ତି।
ସେ କହିଛନ୍ତି ଯେ, ଡେଲ୍ଟା ଲହର ଭଳି ଭାରତରେ ଓମିକ୍ରନ ମାମଲା ଅଧିକ ଦ୍ରୁତ ବେଗରେ ବ୍ୟାପିବାର ଆଶଙ୍କା ରହିଛି। ଭାରତ ସରକାର ଅନ୍ୟ ଦେଶ ତୁଳନାରେ କେରୋନା ମହାମାରୀ ପରିଚାଳନାରେ ନିଶ୍ଚିତ ଭାବେ ଶ୍ରେଷ୍ଠ ପ୍ରଦର୍ଶନ କରିଛନ୍ତି।
ତେବେ ଚଳିତ ଜାନୁୟାରୀରେ ଭାରତରେ ଓମିକ୍ରନ୍ ସଂକ୍ରମଣ ସର୍ବାଧିକସ୍ତରରେ ପହଞ୍ଚିବାର ଆଶଙ୍କା ରହିଥିବା ସେ ଚେତାବନୀ ଦେଇଛନ୍ତି। ଜାନୁଆରୀ ଶେଷ କିମ୍ବା ଫେବୃଆରୀ ଆରମ୍ଭରେ ଭାରତରେ ସଂକ୍ରମଣ ସଂଖ୍ୟା ସର୍ବାଧିକ ହୋଇପାରେ । ତେବେ ଓମିକ୍ରନ୍ ଯୋଗୁ ଡାକ୍ତରଖାନାରେ ଭର୍ତ୍ତି ହେବା ଏବଂ ମୃତ୍ୟୁ ସଂଖ୍ୟା ରିପୋର୍ଟ ପୂର୍ବ ତୁଳନାରେ କମ ହେବାର ଆଶଙ୍କା ରହିଛି ବୋଲି ସେ କହିଛନ୍ତି।
ସେ କହିଛନ୍ତି ଯେ ଟିକାକରଣ ଯୋଗୁ ଲକ୍ଷଣ ସାମାନ୍ୟ ରହିବ। ତେବେ ଓମିକ୍ରନ ଦ୍ୱାରା ବହୁ ସଂଖ୍ୟକ ଲୋକ ଆକାନ୍ତ ହେବେ। ଏହାକୁ କୌଣସି କଟକଣା ରୋକି ପାରିବ ନାହିଁ। ଏକ ସ୍ବତନ୍ତ୍ର ସାକ୍ଷାତକାରରେ ଏଭଳି କହିଛନ୍ତି ।
ଓମିକ୍ରନ ଭାରିଆଣ୍ଟ ମାତ୍ର ଦୁଇମାସ ମଧ୍ୟରେ ସାରା ବିଶ୍ୱରେ ତିନି ବିଲିୟନ ଲୋକଙ୍କୁ ଆକ୍ରାନ୍ତ କରିବାର ଯଥେଷ୍ଟ ଆଶଙ୍କା ରହିଛି।
ଜାନୁଆରୀ ମଧ୍ୟଭାଗରେ ଓମିକ୍ରନ୍ର ସଂକ୍ରମଣ ବୃଦ୍ଧି ପାଇବ ବୋଲି ସେ ଆଶଙ୍କା ବ୍ୟକ୍ତ କରିଛନ୍ତି। ସେ କହିଛନ୍ତି ଯେ ଏହା ଯୋଗୁ ପୃଥିବୀରେ ଦିନକୁ ୩୫ ମିଲିୟନରୁ ଅଧିକ ଲୋକ ଆକ୍ରାନ୍ତ ହେବାର ଆଶଙ୍କା ରହିଛି। ସେ କହିଛନ୍ତି ଯେ ୨୦୨୧ ଏପ୍ରିଲରେ ଡେଲ୍ଟା ଲହର ଶୀର୍ଷରେ ପହଞ୍ଚିଥିଲା। ତେବେ ଓମିକ୍ରନ୍ ଆକାନ୍ତଙ୍କ ସଂଖ୍ୟା ଏହାର ତିନି ଗୁଣା ଛୁଇଁବ ବୋଲି ସେ କହିଛନ୍ତି।
