ଗାର୍ବେଜ କ୍ଲିନିକ୍ ବା ବର୍ଜ୍ୟ କ୍ଲିନିକ୍ କଥା ଶୁଣିଛନ୍ତି କି। ହଁ, ଏମିତିକା କ୍ଲିନିକ୍ ଚାଲିଛି ଦିଲ୍ଲୀରେ। ପ୍ରବୀଣ ନାୟକ ଇଞ୍ଜିନିୟରିଂ କ୍ୟାରିୟର ଛାଡ଼ି ଦିଲ୍ଲୀକୁ ସବୁଜ ଓ ସ୍ବଚ୍ଛ କରିବା ସକାଶେ ଗାର୍ବେଜ କ୍ଲିନିକ୍ ଆରମ୍ଭ କରିଛନ୍ତି। ଏହି କ୍ଲିନିକ୍ ଦ୍ୱାରା ବିଦ୍ୟୁତ୍ଚାଳିତ ରିକ୍ସା (ଇ-ରିକ୍ସା)ରେ ଦିଲ୍ଲୀର ବିଭିନ୍ନ ସ୍ଥାନରୁ ବର୍ଜ୍ୟ ସଂଗ୍ରହ କରାଯାଉଛି। ଫଳରେ ସେହିସବୁ ସ୍ଥାନରେ ଅଳିଆ ଗଦା ଦେଖିବାକୁ ମିଳୁନାହିଁ। ପ୍ରବୀଣ ପଢା ଛାଡ଼ିଦେବା ସମୟରେ ତାଙ୍କ ପରିବାର ଏହି କାର୍ଯ୍ୟକୁ ବିରୋଧ କରୁଥିଲେ। ଏବେ ପୂରା ପରିବାର ପ୍ରବୀଣଙ୍କ କାର୍ଯ୍ୟ ସହ ସାମିଲ ହୋଇଯାଇଛନ୍ତି। ପ୍ରବୀଣଙ୍କୁ ଏହି କାର୍ଯ୍ୟରେ ତାଙ୍କ ସ୍ତ୍ରୀ ବି ସହଯୋଗ କରୁଛନ୍ତି। ବଡ଼ କଥା ହେଉଛି, ଏହି କ୍ଲିନିକ୍ ଆରମ୍ଭ କରିବା ସମୟରେ ଆବଶ୍ୟକ ଅଥର୍ର୍ ପାଇଁ ତାଙ୍କ ସ୍ତ୍ରୀ ଗହଣା ବିକ୍ରି କରିଦେଇଥିଲେ। ଗାର୍ବେଜ କ୍ଲିନିକ୍ ୨୦୧୮ରେ ଆରମ୍ଭ କରାଯାଇଥିଲା। ଏବେ ଦିଲ୍ଲୀରେ ମୋଟ ୧୮ଟି ଏମିତିକା କ୍ଲିନିକ୍ ରହିଛି। ବର୍ଜ୍ୟ ସଂଗ୍ରହକରି ରିସାଇକ୍ଲିଂ ପାଇଁ ପଠାଯାଉଛି ଏବଂ ବ୍ୟବସାୟିକ କାରବାର ବାର୍ଷିକ ୧.୫ କୋଟି ଟଙ୍କାରେ ପହଞ୍ଚିଛି।
