ଓ୍ବାଶିଂଟନ୍,୧୩।୧୦: ବିଶ୍ୱ ବ୍ୟାଙ୍କ ପରେ ବର୍ତ୍ତମାନ ଆଇଏମଏଫ ଅର୍ଥାତ୍ ଅନ୍ତର୍ଜାତୀୟ ମୁଦ୍ରା ପାଣ୍ଠି ମଧ୍ୟ ମୋଦି ସରକାରଙ୍କ କ୍ୟାଶ୍ ଟ୍ରାନ୍ସଫର ଯୋଜନାକୁ ପ୍ରଶଂସା କରିଛି। ଆଇଏମଏଫ ଭାରତର ଡାରେକ୍ସ ବେନିଫିଟ୍ ଟ୍ରାନ୍ସଫର ଏବଂ ଅନ୍ୟାନ୍ୟ ସାମାଜିକ କଲ୍ୟାଣ କାର୍ଯ୍ୟକ୍ରମକୁ ପ୍ରଶଂସା କରି ଏହାକୁ ଏକ ଚମତ୍କାର ବୋଲି କହିଛି। କେବଳ ଏତିକି ନୁହେଁ, ଆଇଏମଏଫ ସମଗ୍ର ବିଶ୍ୱକୁ ଭାରତରୁ ଏହା ଶିଖିବାକୁ ପରାମର୍ଶ ଦେଇଛି। ପୂର୍ବରୁ ବିଶ୍ୱ ବ୍ୟାଙ୍କ ମଧ୍ୟ କରୋନା ଅବଧି ବେଳେ କ୍ୟାଶ୍ ଟ୍ରାନ୍ସଫର ଯୋଜନା ପାଇଁ ଭାରତକୁ ପ୍ରଶଂସା କରିଥିଲା।
ଆଇଏମଏଫର ଆର୍ଥିକ ବ୍ୟାପାର ବିଭାଗର ଡେପୁଟି ଡାଇରେକ୍ଟର ପାଓଲୋ ମାରୋ ଭାରତରେ କ୍ୟାଶ୍ ଟ୍ରାନ୍ସଫର ଯୋଜନାକୁ ପ୍ରଶଂସା କରି କହିଛନ୍ତି, ଭାରତରୁ ଅନେକ କିଛି ଶିଖିବାକୁ ଅଛି। ବିଶ୍ୱର ଅନ୍ୟ କିଛି ଉଦାହରଣରୁ ଆମକୁ ଅନେକ କିଛି ଶିଖିବାକୁ ଅଛି। ଯଦି ମୁଁ ଭାରତର ମାମଲାକୁ ଦେଖେ, ତେବେ ଏହା ବାସ୍ତବରେ ବହୁତ ପ୍ରଭାବଶାଳୀ। ମହିଳା, ବୃଦ୍ଧ ଓ କୃଷକମାନଙ୍କୁ ଦୃଷ୍ଟିରେ ରଖି ସରକାରଙ୍କ ଏହି କାର୍ଯ୍ୟକ୍ରମଗୁଡିକ ପ୍ରସ୍ତୁତ କରାଯାଇଛି ବୋଲି ସେ କହିଛନ୍ତି।
