ୱାଶିଂଟନ,୭ ।୧୦: ବିଶ୍ୱର ପ୍ରାୟ ଏକ ତୃତିୟାଂଶ ଦେଶ ୨୦୨୩ରେ ବିମୁଦ୍ରିକରଣର ସାମ୍ନା କରି ପାରନ୍ତି ବୋଲି କହିଛନ୍ତି ଆନ୍ତର୍ଜାତୀୟ ମୁଦ୍ରା ପାଣ୍ଠିର ମୁଖ୍ୟ କ୍ରିଷ୍ଟାଲିନା ଜର୍ଜିଆଭା ଚେତାବନୀ ଦେଇଛନ୍ତି । ସେ କହିଛନ୍ତି ଆସନ୍ତା ବର୍ଷ ଏକ ତୃତିୟାଂଶ ଦେଶ ଦୁଇ ଚତୁର୍ଥାଂଶ ପାଇଁ ବିମୁଦ୍ରିକରଣ ଭଳି ପରିସ୍ଥିତି ଉପୁଜିପାରେ । ଏଭଳି ପରିସ୍ଥିତିରେ ଆଇଏମଏଫ ଏହାର ଆର୍ଥିକ ଆକଳନକୁ ହ୍ରାସ କରିବାକୁ ପ୍ରସ୍ତୁତ ହେଉଛି ।
ଆଇଏମଏଫ ଓ ବିଶ୍ୱ ବ୍ୟାଙ୍କର ବାର୍ଷିକ ବୈଠକ ପୂର୍ବରୁ କ୍ରିଷ୍ଟାଲିନା ଜର୍ଜିଆଭା କହିଛନ୍ତି, ଲୋକଙ୍କ ଆୟର ହ୍ରାସ ଏବଂ ମୁଦ୍ରାସ୍ଫିତିର ବୃଦ୍ଧି ହେଉଛି ଏହାର ମୁଖ୍ୟ କାରଣ ।
ରୁଷିଆ-ୟୁକେନ୍ ଯୁଦ୍ଧ ଯୋଗୁ ଉଚ୍ଚ ଶକ୍ତି ମୂଲ୍ୟ ଏବଂ ଖାଦ୍ୟ ବସ୍ତୁର ମୂଲ୍ୟ ବୃଦ୍ଧି ମୁଦ୍ରା ସ୍ଫିତିର ଚାପକୁ ବଢାଉଛି । ସେ କହିଛନ୍ତି ବିଶ୍ୱର ସମସ୍ତ ଅର୍ଥବ୍ୟବସ୍ଥାର ବିକାଶର ଗତି ମନ୍ଥର ହୋଇଯାଇଛି । ତେଣୁ ଖୁବ୍ କମ ସମୟ ମଧ୍ୟରେ ଅବସ୍ଥା ଖରାପରୁ ଖରାପ ହୋଇପାରେ । ଚାଇନାର ପ୍ରପଟି ମାର୍କେଟରେ ଯେଉଁ ଆର୍ଥିକ ବିପଦ ସୃଷ୍ଟି ହୋଇଛି ସେ ଏହାକୁ ନେଇ ଚିନ୍ତା ପ୍ରକଟ କରିଛନ୍ତି ।
