ମୁମ୍ବାଇ,୯।୫: ମହାରାଷ୍ଟ୍ର ଉପମୁଖ୍ୟମନ୍ତ୍ରୀ ଅଜିତ ପାୱାର ଗୁରୁବାର ଏକ ବଡ଼ ବୟାନ ଦେଇଛନ୍ତି। ସେ କହିଛନ୍ତି ଯେ ସେ ଏନସିପି (ଏସପି) ମୁଖ୍ୟ ଶରଦ ପାୱାରଙ୍କ ପୁଅ ନୁହଁନ୍ତି ତେଣୁ ତାଙ୍କୁ ରାଜନୈତିକ ସୁଯୋଗ ମିଳିନଥିଲା। ମାମୁଁ ଶରଦ ପାୱାରଙ୍କ ବୟସ ସମ୍ପର୍କରେ ସୂଚନା ଦେଇ ସେ କହିଛନ୍ତି ଯେ ୮୦ବର୍ଷ ବୟସ ପରେ ନୂଆ ଲୋକଙ୍କୁ ଏକ ସୁଯୋଗ ମିଳିବା ଉଚିତ।
ପୁଣେ ଜିଲାର ଶିରୁରରେ ଏକ ସମାବେଶକୁ ସମ୍ବୋଧିତ କରି ଅଜିତ ପାୱାର କହିଛନ୍ତି, ମୋର ମଧ୍ୟ ବୟସ ୬୦ ବର୍ଷରୁ ଅଧିକ। ଆମ ପାଖରେ ସୁଯୋଗ ଅଛି କି ନାହିଁ। ଆମକୁ ଭୁଲ ବ୍ୟବହାର କରାଯାଉଛି କି। ସେଥିପାଇଁ ଆମେ ଭାବପ୍ରବଣ ହୋଇଯାଉଛୁ। ପାୱାର ସାହେବ ମଧ୍ୟ ଆମର ‘ଦେବତା’ (ଭଗବାନ) ଏବଂ ଏଥିରେ କୌଣସି ସନ୍ଦେହ ନାହିଁ, କିନ୍ତୁ ୮୦ ଅତିକ୍ରମ କରିବା ପରେ ପ୍ରତ୍ୟେକ ବ୍ୟକ୍ତିଙ୍କର ନିଜର ସମୟ ଅଛି, ନୂତନ ଲୋକଙ୍କୁ ଏକ ସୁଯୋଗ ଦିଆଯିବା ଉଚିତ।
ଅଜିତ ପାୱାର ଆହୁରି କହିଛନ୍ତି ଯେ ଯଦି ମୁଁ ଏନସିପି (ଏସପି) ମୁଖ୍ୟ ଶରଦ ପାୱାରଙ୍କ ପୁଅ, ତେବେ ମୋତେ ସୁଯୋଗ ଦିଆଯାଇ ଥାନ୍ତା। ହଁ, ମୋତେ ଏକ ସୁଯୋଗ ମିଳିଥାନ୍ତା । ଯେହେତୁ ମୁଁ ସେମାନଙ୍କ ପୁଅ ନୁହେଁ, ମୋତେ ସୁଯୋଗ ମିଳିଲା ନାହିଁ । ଏହା ନ୍ୟାୟ କି ବୋଲଇ ସେ ପ୍ରଶ୍ନ କରିଛନ୍ତି।
