ମୁମ୍ବାଇ: ଅନ୍ତରାଷ୍ଟ୍ରୀୟ ଭାରତୀୟ ଫିଲ୍ମ ଏକାଡେମୀ ୱିକେଣ୍ଡ ଆଣ୍ଡ ଆୱାର୍ଡସର ୨୨ତମ ସଂସ୍କରଣ ୧୮ ଓ ୧୯ ମାର୍ଚ୍ଚ ୨୦୨୨ରେ ୟାଶ ଆଇଜଲ୍ୟାଣ୍ଡ ବା ୟାଶ ଦ୍ୱିପ ଆବୁଧାବିରେ ଏତିହାଦ ଏରିନାରେ ଆୟୋଜିତ ହୋଇଛି । ଏହି ଆୱାର୍ଡ ନାଇଟକୁ ସୁପରଷ୍ଟାର ସଲମାନ ଖାଁ ହୋଷ୍ଟ କରିବେ ବୋଲି ସୂଚନା ମିଳିଛି ।
ସିନେମାର ଉତ୍କର୍ସତାର ପର୍ବ ପାଳନ କରିବା ଓ ଏହାର ପ୍ରଶଂସା କରିବା ସହ ସଂସ୍କୃତି ଓ ପର୍ଯ୍ୟଟନ ବିଭାଗ ଆବୁଧାବି (ଡିଟିସି-ଆବୁଧାବି) ସହିତ ମିଳିତ ଭାବରେ ଆୟୋଜିତ ହୋଇଥିବା ପୁରସ୍କାର ଗୁଡିକ ଭାରତ ସ୍ୱାଧିନତାର ୭୫ ବର୍ଷ ଓ ସଂଯୁକ୍ତ ଆରବ ଏମିରେଟସ୍ରେ ବର୍ଷ ତମାମ ପାଳନ କରାଯାଉଥିବା ସ୍ୱର୍ଣ୍ଣ ଜୟ୍ନ୍ତି ସମାରୋହକୁ ଚିହ୍ନିତ କରିବ । ୫୦ ତମ ବର୍ଷ ପୂର୍ତ୍ତି, ଭାରତ ଓ ୟୁଏଇ ମଧ୍ୟରେ ସାଂସ୍କୃତିକ ସମ୍ପର୍କକୁ ମଜଭୁତ କରୁଛି, କାରଣ ଏଥିରେ ସାରା ବିଶ୍ୱର ଗଣ୍ୟମାନ୍ୟ ବ୍ୟକ୍ତି, ପ୍ରଶଂସକ ଓ ଫିଲ୍ମ ପ୍ରତି ଉତ୍ସାହ ରଖୁଥିବା ବ୍ୟକ୍ତି ସାମିଲ ହେବେ ।
ବହୁ ପ୍ରତିକ୍ଷିତ ପୁରସ୍କାର ବିଷୟରେ କଥା ହୋଇ, ଇଭେଣ୍ଟ ହୋଷ୍ଟ ସଲମାନ ଖାଁ କହିଛନ୍ତି, ମୁଁ ସବୁବେଳେ ଆଇଫା ପରିବାର ଅଂଶ ହୋଇ ରହିବା ସହ, ଭଲ ଭଲ ସ୍ଥାନ ଯାତ୍ରା କରିବାର ଆନନ୍ଦ ନେଇଛି । ହେଲେ ଏଥର ଖୁସି ଲାଗୁଛି କି ଆମେ ନିଜ ପସନ୍ଦର ଏକ ସ୍ଥାନ ୟାଶ ଦ୍ୱିପ, ଆବୁଧାବି ଯାଉଛୁ । ସେ ଆହୁରି ମଧ୍ୟ କହିଛନ୍ତି ଆଇଫା ସବୁବେଳେ ଏକ ମନେ ରଖିବା ଭଳି ସମୟ ହୋଇଥାଏ, ଏଥର ଆହୁରି ବଡ ଉତ୍ସବ ହେବ, କାରଣ ଆମେ ଆମ ଦେଶର ୭୫ତମ ସ୍ୱାଧିନତା ଦିବସ ଓ ସଂଯୁକ୍ତ ଆରବ ଏମିରେଟ୍ସର ୫୦ତମ ସ୍ୱର୍ଣ୍ଣ ଜୟନ୍ତି ସମାରୋହ ପାଳନ କରୁଛୁ ।
