ନୂଆଦିଲ୍ଲୀ,୪ା୧: ଭେନେଜୁଏଲା ରାଷ୍ଟ୍ରପତି ନିକୋଲାସ୍ ମାଦୁରୋଙ୍କୁ ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ୍ ମୋଦି କାହିଁକି ନୁହେଁ। ଆମେରିକାର ଆକରତ୍ମକ ଆଭିମୁଖ୍ୟକୁ ନେଇ ବିଶ୍ୱରେ ଚର୍ଚ୍ଚା ଚାଲିଥିବା ବେଳେ AIMIM ମୁଖ୍ୟ ଅସଦୁଦ୍ଦିନ ଓୱାଇସି ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କୁ ତୀବ୍ର ବ୍ୟଙ୍ଗ କରିଛନ୍ତି। ଯଦି ଟ୍ରମ୍ପ୍ ଏପରି କରିପାରିଲେ, ତେବେ ମୋଦି ସରକାର ୨୬/୧୧ ମୁମ୍ବାଇ ଆତଙ୍କବାଦୀ ଆକ୍ରମଣର ମାଷ୍ଟରମାଇଣ୍ଡ ମାସୁଦ ଆଝାରଙ୍କୁ ପାକିସ୍ତାନରୁ ଭାରତ ଆଣିବା ପାଇଁ ସେନା କାହିଁକି ପଠାଉ ନାହାଁନ୍ତି ବୋଲି ସେ ପ୍ରଶ୍ନ କରିଛନ୍ତି।
ମୁମ୍ବାଇରେ ଏକ କାର୍ଯ୍ୟକ୍ରମକୁ ସମ୍ବୋଧିତ କରି ଓୱାଇସି କହିଛନ୍ତି ଯେ, “ଆମେ ଶୁଣିଲୁ ଯେ ଟ୍ରମ୍ପ୍ଙ୍କ ସେନା ଭେନେଜୁଏଲା ରାଷ୍ଟ୍ରପତି ନିକୋଲାସ୍ ମାଦୁରୋଙ୍କୁ ଧରି ଆମେରିକା ନେଇଗଲେ। ଯଦି ସେ ଏହା କରିପାରିଲେ, ତେବେ ଆପଣ (ପ୍ରଧାନମନ୍ତ୍ରୀ ମୋଦି) ମଧ୍ୟ ପାକିସ୍ତାନ ଯାଇ ୨୬/୧୧ ଆତଙ୍କବାଦୀ ଆକ୍ରମଣର ମାଷ୍ଟରମାଇଣ୍ଡ୍କୁ ଭାରତକୁ ଆଣିପାରିବେ।”
ସେ ଆହୁରି ମଧ୍ୟ କହିଛନ୍ତି, “ମୋଦିଜୀ, ଆମେ ଆପଣଙ୍କୁ କହୁଛୁ, ଆପଣ ପାକିସ୍ତାନକୁ ସୈନ୍ୟ କାହିଁକି ପଠାଉ ନାହାଁନ୍ତି ଏବଂ ଲସ୍କର-ଏ-ତୈବାର ମାସୁଦ ଆଝାର କିମ୍ବା ଅନ୍ୟ କୌଣସି ଆତଙ୍କବାଦୀଙ୍କୁ ଭାରତ ଆଣନ୍ତୁ।”
ପୂର୍ବରୁ ମୋଦିଙ୍କର “ଅବ୍କି ବାର୍ ଟ୍ରମ୍ପ୍ ସରକାର” ମନ୍ତବ୍ୟକୁ ସ୍ମରଣ କରାଇ ଓୱାଇସି ବ୍ୟଙ୍ଗ କରି କହିଛନ୍ତି ଯେ, “ଯଦି ଟ୍ରମ୍ପ୍ ପାରିଲେ, ମୋଦିଜୀ, ଆପଣ କୌଣସି ଗୁଣରେ କମ୍ ନୁହଁନ୍ତି। ଯଦି ଟ୍ରମ୍ପ୍ ପାରିଲେ, ତେବେ ଆପଣଙ୍କୁ ମଧ୍ୟ କରିବାକୁ ପଡିବ।”
