ନୂଆଦିଲ୍ଲୀ,୧୧ା୧୦: ଇସ୍ରାଏଲ୍ ଓ ହମାସ୍ ମଧ୍ୟରେ ଯୁଦ୍ଧକୁ ୪ ଦିନ ବିତିଥିବାବେଳେ ୧,୬୦୦ରୁ ଅଧିକ ଲୋକଙ୍କ ଜୀବନ ଯିବା ସହ ୬,୦୦୦ ଆହତ ହେଲେଣି। ଶାନ୍ତି ସ୍ଥାପନ କିମ୍ବା ଯୁଦ୍ଧ ବନ୍ଦ ହେବାର କୌଣସି ସଙ୍କେତ ମିଳୁ ନାହିଁ। ଜି-୨୦ ରାଷ୍ଟ୍ରଗୋଷ୍ଠୀରେ ଆଫ୍ରିକୀୟ ୟୁନିୟନକୁ ଯୋଡ଼ିବା ଏବଂ ବ୍ରିକ୍ସ ସଦସ୍ୟ ସଂଖ୍ୟା ୬କୁ ବଢ଼ାଇବାରେ ଆମେରିକା ସଫଳ ବୁଝାମଣା କରିଥିଲା। ଇସ୍ରାଏଲ୍ ଏବଂ ହମାସ୍ ମଧ୍ୟରେ ଯୁଦ୍ଧର ଅବସାନ ପାଇଁ ଭାରତ ପ୍ରମୁଖ ଭୂମିକା ନେଇପାରିବ ବୋଲି ଇସ୍ରାଏଲ୍ର ପୂର୍ବତନ ସାମରିକ ଗୋଇନ୍ଦା ମୁଖ୍ୟ ମେଜର ଜେନେରାଲ ଆମୋସ୍ ୟାଡଲିନ୍ କହିଛନ୍ତି। ହମାସ୍ କୌଣସି ଶାନ୍ତି ବୁଝାମଣା ପାଇଁ ରାଜି ହେବନାହିଁ। ଆଇଏସ୍ ଭଳି ଏହା ଏକ ଆତଙ୍କବାଦୀ ସଂଗଠନ, ଯିଏ ମହିଳା ଓ ଶିଶୁମାନଙ୍କୁ ହତ୍ୟା କରୁଛି। ଯଦି ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଚମତ୍କାରୀ କରିପାରନ୍ତି, ତେବେ ଆମେ ତାଙ୍କୁ ସମର୍ଥନ ଜଣାଇବୁ ବୋଲି ୟାଡଲିନ୍ ଏକ ଗଣମାଧ୍ୟମକୁ କହିଛନ୍ତି।
