ନୂଆଦିଲ୍ଲୀ,୨୫।୧୧: ହାର୍ଦ୍ଦିକ ପାଣ୍ଡ୍ୟା ଗୁଜୁରାଟ ଟାଇଟନ୍ସ ଛାଡିବାକୁ ଯାଉଛନ୍ତି। ଆଇପିଏଲରେ ଗୁଜୁରାଟ ଟାଇଟନ୍ସ ଦଳ ୨୦୨୨ରେ ଆରମ୍ଭ ହୋଇଥିଲା ଏବଂ ଏହି ଦଳ ହାର୍ଦ୍ଦିକ ପାଣ୍ଡ୍ୟାଙ୍କୁ ଅଧିନାୟକ କରି ସମଗ୍ର ବିଶ୍ୱକୁ ଆଶ୍ଚର୍ଯ୍ୟ କରିଥିଲା, କାରଣ ସେପର୍ଯ୍ୟନ୍ତ କେହି ଭାବି ନଥିଲେ ଯେ ସେ ଜଣେ ଭଲ ଅଧିନାୟକ ହୋଇପାରିବେ। ଗୁଜୁରାଟର ଏହି ପଦକ୍ଷେପ ଏତେ ସଫଳ ହୋଇଥିଲା ଯେ ହାର୍ଦ୍ଦିକ ପ୍ରଥମ ପ୍ରୟାସରେ ଗୁଜୁରାଟକୁ ଆଇପିଏଲ ଚାମ୍ପିଅନ କରିଥିଲେ।
ଏହା ପରେ, କିଛି କ୍ରିକେଟ ପ୍ରଶଂସକ ଭାବିଥିଲେ ଯେ ବୋଧହୁଏ ହାର୍ଦ୍ଦିକ ତୁକ୍କେରେ ଭଲ ଅଧିନାୟକତ୍ୱ କରିଛନ୍ତି ଏବଂସୌଭାଗ୍ୟବଶତଃ ତାଙ୍କ ପାଇଁ ସବୁକିଛି ଭଲରେ ଚାଲିଛି, ଯେଉଁଥିପାଇଁ ସେ ଚାମ୍ପିଅନ ହୋଇଥିଲେ। ହାର୍ଦ୍ଦିକ ମଧ୍ୟ ତାଙ୍କ ଦଳକୁ ଆଇପିଏଲ ୨୦୨୩ରେ ଫାଇନାଲକୁ ନେଇ ଲୋକଙ୍କ ଏହି ସନ୍ଦେହର ଦୂର କରିଥିଲେ। ତେବେ ଆଇପିଏଲ ୨୦୨୩ର ଫାଇନାଲ ମ୍ୟାଚ ଏକ ରୋମାଞ୍ଚକର ମ୍ୟାଚରେ ଧୋନିଙ୍କ ଦଳ ଚେନ୍ନାଇ ସୁପର କିଙ୍ଗ୍ସ ଗୁଜୁରାଟ ଟାଇଟନ୍ସକୁ ପରାସ୍ତ କରି ଟାଇଟଲ ଜିତିଛି।
ବର୍ତ୍ତମାନ ଯଦି ଲଗାତାର ପ୍ରଥମ ଦୁଇ ସିଜନରେ ଗୁଜୁରାଟ ଟାଇଟନ୍ସକୁ ଏପରି ଉଚ୍ଚତାକୁ ନେଇଥିବା ଏକମାତ୍ର ତଥା ସଫଳ ଅଧିନାୟକ ହାର୍ଦ୍ଦିକ ପାଣ୍ଡ୍ୟା ଗୁଜୁରାଟ ଛାଡିଛନ୍ତି, ତେବେ କିଏ ଏହି ଦଳର ଅଧିନାୟକ ହେବେ ତାକୁ ନେଇ ଚର୍ଚ୍ଚା ଚାଲିଛି। ଏବେୁ ଏକ ଗୁରୁତ୍ୱପୂର୍ଣ୍ଣ ପ୍ରଶ୍ନର ଉତ୍ତର ଜାଣିବା। ଭାରତର ଅନେକ କ୍ରିକେଟ ପ୍ରଶଂସକ ସ୍ପଷ୍ଟ ଭାବରେ କହିଛନ୍ତି ଯେ ହାର୍ଦ୍ଦିକଙ୍କ ପରେ ଶୁବମନ ଗିଲ ପ୍ରଥମ ବିକଳ୍ପ ହେବା ଉଚିତ, ଯିଏ ଗୁଜୁରାଟ ଟାଇଟନ୍ସର ଅଧିନାୟକତ୍ୱ ପାଇପାରିବେ। ଗୁଜୁରାଟରେ ବର୍ତ୍ତମାନ ଶୁବମାନ ଗିଲଙ୍କ ବ୍ୟତୀତ ଅଧିନାୟକତ୍ୱ ପାଇଁ ଅନ୍ୟ କୌଣସି ଭାରତୀୟ ବିକଳ୍ପ ନାହିଁ, କିନ୍ତୁ ଗିଲଙ୍କର କୌଣସି ଅଧିନାୟକତ୍ୱ ଅଭିଜ୍ଞତା ନାହିଁ। ଅବଶ୍ୟ, ଗୁଜୁରାଟରେ ସେମାନଙ୍କ ପାଇଁ ବିଦେଶୀ କ୍ୟାପଟେନଙ୍କ ଅନେକ ଭଲ ବିକଳ୍ପ ଅଛି, ଯାହାଙ୍କୁ ସେମାନେ ହାର୍ଦ୍ଦିକଙ୍କ ପରେ ଅଧିନାୟକତ୍ୱ ହସ୍ତାନ୍ତର କରିପାରିବେ।
ଏହି ରେସରେ ବିଦେଶୀ ଖେଳାଳି ଭାବେ ରହିଛନ୍ତି , କେନ ଓ୍ବିଲିୟମସନ ଯେକି ନ୍ୟୁଜିଲାଣ୍ଡର କ୍ୟାପଟେନ। ଗୁଜରାଟ ଟାଇଟନ୍ସ ଟିମ ପାଇଁ ରାଶିଦ ଖାନ ମଧ୍ୟ ଆଗଧାଡିରେ ରହିବେ। ସେହିପରି ସାଉଥ ଆଫ୍ରିକାର ଖେଳାଳି ଡେଭିଡ ମିଲର ବି ଏହି ରେସରେ ରହିଛନ୍ତି।
