ନୂଆଦିଲ୍ଲୀ,୧୮।୧୧: ଏଥର କ୍ରିକେଟ ବିଶ୍ୱକପ ଅନେକ ରେକର୍ଡ ସୃଷ୍ଟି କରୁଛି। ପ୍ରସାରଣ ଦର୍ଶକଙ୍କ ସଂଖ୍ୟା ହେଉ କିମ୍ବା ଷ୍ଟାଡିୟମରେ ଉପସ୍ଥିତ ଦର୍ଶକଙ୍କ ସଂଖ୍ୟା ହେଉ କିମ୍ବା ପ୍ରଯୋଜକ ଏବଂ ଟିଭି ରାଇଟ୍ସରୁ ଟଙ୍କା ରୋଜଗାର ହେଉ … ଏହି ଘଟଣା ପ୍ରତ୍ୟେକ କ୍ଷେତ୍ରରେ ଏକ ଅଦ୍ଭୁତପୂର୍ବ ସଫଳତା। ଭାରତ ଏବଂ ନ୍ୟୁଜିଲ୍ୟାଣ୍ଡ ମଧ୍ୟରେ ପ୍ରଥମ ସେମିଫାଇନାଲ ମ୍ୟାଚ ଓଟିଟି ପ୍ଲାଟଫର୍ମ ଡିଜନି ପ୍ଲସ ହଟଷ୍ଟାର ରେକର୍ଡ ୫.୩ କୋଟି ଲୋକ ଲାଇଭ୍ ଦେଖିଥିଲେ।
ଅନ୍ତର୍ଜାତୀୟ କ୍ରିକେଟ ପରିଷଦ (ଆଇସିସି) ବିଶ୍ୱକପ -୨୦୨୩ ପାଇଁ ୨୦ ପ୍ରଯୋଜକଙ୍କ ସହ ଭାଗିଦାରୀ କରିଛି। ଏହାର ୬ଟି ବିଶ୍ୱସ୍ତରୀୟ ଅଂଶୀଦାର ଅଛନ୍ତି। ଏଥିମଧ୍ୟରେ ଏମଆରଏଫ ଟାୟାର, ବୁକିଂ ଡଟ କମ, ଇଣ୍ଡସ ଇଣ୍ଡ ବ୍ୟାଙ୍କ, ମାଷ୍ଟରକାର୍ଡ, ଆରାମକୋ ଏବଂ ଏମିରେଟ୍ସ ଅନ୍ତର୍ଭୁକ୍ତ । ବିଶେଷଜ୍ଞଙ୍କ କହିବାନୁସାରେ, ଆଇସିସି ଏହି କାର୍ଯ୍ୟକ୍ରମରୁ ୧୫୦ କୋଟି ଡଲାର ଅର୍ଥାତ୍ ପ୍ରାୟ ୧,୨୪୯ କୋଟି ଟଙ୍କା ରୋଜଗାର କରିବ ବୋଲି ଆଶା କରାଯାଉଛି।
