କୋଲକାତା,୨୬।୭: ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜୀ ବିରୋଧୀ ଦଳର ମେଣ୍ଟ ‘ଇଣ୍ଡିଆ’ ଉପରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ବିବୃତ୍ତିରେ କହିଛନ୍ତି ଯେ, ପ୍ରଧାନମନ୍ତ୍ରୀ ମୋଦିଙ୍କୁ ‘ଇଣ୍ଡିଆ’ ନାମ ପସନ୍ଦ। ସେ କହିଛନ୍ତ,ଭାରତୀୟ ଜନତା ପାର୍ଟି (ଭାଜପା) ବିରୋଧୀ ଦଳ ବିଷୟରେ ଯେତେ ଭୁଲ ଆଲୋଚନା କରିବ, ସେତେ ଅଧିକ ନାମ ପାଇଁ ତାଙ୍କର ପସନ୍ଦ ପ୍ରମାଣିତ ହେବ।
ମମତା କହିଛନ୍ତି, ଆମ ପ୍ରଧାନମନ୍ତ୍ରୀଙ୍କୁ ଧନ୍ୟବାଦ। ମୁଁ ଭାବୁଛି ସେ ‘ଇଣ୍ଡିଆ’ନାମକୁ ପସନ୍ଦ କରନ୍ତି। ସାଧାରଣ ଲୋକଙ୍କ ପରି ସେ ମଧ୍ୟ ଏହାକୁ ଗ୍ରହଣ କରିଛନ୍ତି। ସେ ଏଥିପାଇଁ କହିଛନ୍ତି ଯେ, ଖବରଦାତାମାନେ ତାଙ୍କୁ ପ୍ରଶ୍ନ ପଚାରିଥିଲେ ଏବଂ ତାଙ୍କୁ ଉତ୍ତର ଦେବାର ଥିଲା। ସେ ଏହି ନାମ ବିଷୟରେ ଯେତେ ଖରାପ କହିବେ, ସେତେ ଅଧିକ ସେ ଏହା ପ୍ରତି ନିଜର ପସନ୍ଦ ପ୍ରମାଣିତ କରିବେ। ରାଜ୍ୟପାଳ ସିବି ଆନନ୍ଦ ବୋଷଙ୍କ ସହ ବୈଠକ ପରେ ଖବରଦାତାମାନଙ୍କ ସହ କଥାବାର୍ତ୍ତା ବେଳେ ମୁଖ୍ୟମନ୍ତ୍ରୀ ଏହା କହିଛନ୍ତି।
