ପାଟନା,୧୫।୧୦: ବିହାର ସରକାରରେ ଆର୍ଜେଡି ନେତା ତଥା ମନ୍ତ୍ରୀ ତେଜ ପ୍ରତାପ ଯାଦବ ବଡ଼ ଦାବି କରିଛନ୍ତି। କେନ୍ଦ୍ରରେ ମହାଗଠବନ୍ଧନର ସରକାର ଗଠନ ହେବ ବୋଲି ସେ ଭବିଷ୍ୟବାଣୀ କରିଛନ୍ତି।
ବିହାର ରାଜନୀତିରେ ତେଜ ପ୍ରତାପ ନିଜର ବୟାନକୁ ନେଇ ଚର୍ଚ୍ଚାରେ ରହିଥାନ୍ତି। ଶନିବାର ଏକ ଖବରଦାତା ସମ୍ମିଳନୀରେ ଭାଜପାର ପ୍ରଶ୍ନ ଉଠାଇବାରେ ସେ ପ୍ରତିକ୍ରିୟା ଦେଇ କହିଛନ୍ତି ଯେ, ଆମେ କାମରେ ବିଶ୍ୱାସ କରୁ। ଭାଜପା କ’ଣ କରୁଛି, କ’ଣ ନୁହେଁ, ସେ ତାଙ୍କ ଘରେ କରୁଛି। ଲୋକଙ୍କୁ ଦେଖୁନାହିଁ। ବିହାରବାସୀ ଭାଜପା ସରକାରକୁ ତଡ଼ି ଦେଇଛନ୍ତି। ଆମେ ତ ଭବିଷ୍ୟବାଣୀ କରୁ। ଗତ ଥର ମୁଁ ମାମୁଙ୍କୁ ନେଇ ଭବିଷ୍ୟବାଣୀ କରିଥିଲି। ଆଜି ସେ ଆମ ସହ ଅଛନ୍ତି। ପୁଣି ଏକ ଭବିଷ୍ୟବାଣୀ କରୁଛି। କେନ୍ଦ୍ରରେ ମହାଗଠବନ୍ଧନ ସରକାର ଗଠନ ହେବା ସମସ୍ତେ ଦେଖିବେ ବୋଲି ସେ ଦୃଢ଼ତାର ସହ କହିଛନ୍ତି।
କହିରଖୁଛୁ ଯେ, ତେଜ ପ୍ରତାପ ଏବେ ନୀତୀଶ ସରକାରଙ୍କ ମନ୍ତ୍ରୀମଣ୍ଡଳରେ ବନ୍ୟ ଏବଂ ପର୍ଯ୍ୟାବରଣ ମନ୍ତ୍ରୀ ଅଛନ୍ତି। ଗତ ଥର ମହାଗଠବନ୍ଧନ ସରକାରରେ ସେ ସ୍ବାସ୍ଥ୍ୟ ମନ୍ତ୍ରୀ ଥିଲେ।
