ତୁମକୁ କ୍ଷମା କରୁଛି, ଭୁଲି ପାରିବିନି

ଓ୍ବାଶିଂଟନ,୧୨ା୯: କ୍ରାଇମ୍‌ ଡ୍ରାମା ‘ସିଏସ୍‌ଆଇ: ମାଇଆମି’ ଅଭିନେତ୍ରୀ ଏଭା ଲାରୁଙ୍କ ପଛରେ ୧୨ ବର୍ଷ ଧରି ପଡ଼ିଥିଲେ ଜଣେ ଅପରାଧୀ। ଏଭା ଓ ତାଙ୍କ ଝିଅ କାୟାଙ୍କୁ ବଳାତ୍କାର ପରେ ହତ୍ୟା କରିବାକୁ ସେ ବାରମ୍ବାର ଧମକ ଦେଉଥିଲେ। ମା’ ଝିଅ ଏଥିରେ ଅତିଷ୍ଠ ହୋଇ ରକ୍ଷା ପାଇବା ଲାଗି ବାଟ ଖୋଜୁଥିଲେ। ଅପରାଧୀ ଏକ ଫାଷ୍ଟଫୁଡ୍‌ ଷ୍ଟ୍ରରେ ଛାଡ଼ିଯାଇଥିବା ଡିଏନ୍‌ଏ ଆଧାରରେ ଫେଡେରାଲ ବ୍ୟୁରୋ ଅଫ୍‌ ଇନ୍‌ଭେଷ୍ଟିଗେଶନ (ଏଫ୍‌ବିଆଇ) ତାଙ୍କୁ ଗିରଫ କରିଥିଲା। ଆମେରିକାର ଏକ କୋର୍ଟ ଅଭିଯୁକ୍ତଙ୍କୁ ଦୋଷୀ ସାବ୍ୟସ୍ତ କରି ୪ ବର୍ଷ ଜେଲ ଦଣ୍ଡାଦେଶ ଦେଇଛନ୍ତି। ଅଦାଲତ ରାୟ ଶୁଣାଇବା ପରେ ତାଙ୍କୁ ଏଭା କହିଥିଲେ, ତୁମକୁ ମୁଁ କ୍ଷମା କରିଦେଇଛି କିନ୍ତୁ ଜୀବନରେ ଭୁଲିପାରିବି ନାହିଁ।
ଧମକପୂର୍ଣ୍ଣ ଚିଠି ଆସିବା ଆରମ୍ଭ ହୋଇଥିଲା ୨୦୦୭ରେ। ଏଭା ଲାରୁଙ୍କ ସାଉଥ କାଲିଫର୍ନିଆସ୍ଥିତ ବାସଭବନକୁ କେତେବେଳେ ହାତଲେଖା ଚିଠି ଆସୁଥିଲା ତ ପୁଣି କେବେ ଇ-ମେଲ୍‌ରେ। ଅଚିହ୍ନା ପ୍ରେରକ ସେଗୁଡ଼ିକରେ ନିଜକୁ ‘ଫ୍ରେଡି କ୍ରୁଏଗର’ ବୋଲି ପରିଚୟ ଦେଉଥିଲେ। ଅଭିନେତ୍ରୀଙ୍କ ହସ୍ତଗତ ପତ୍ରଗୁଡ଼ିକର ସାରାଂଶ ଥିଲା, ଫ୍ରେଡି କ୍ରୁଏଗର ତାଙ୍କୁ ଓ ତାଙ୍କ ଝିଅଙ୍କୁ ବଳାତ୍କାର ପରେ ହତ୍ୟା କରିବେ। ୧୨ ବର୍ଷ ମଧ୍ୟରେ ଏଭଳି ୩ ଡଜନରୁ ଅଧିକ ଧମକପୂର୍ଣ୍ଣ ପତ୍ର ହସ୍ତଗତ ହୋଇଥିଲା। ପ୍ରତ୍ୟେକଟି ଚିଠି ଅଭିନେତ୍ରୀ ଓ ତାଙ୍କ ପରିବାର ପାଇଁ ଥିଲା ଯନ୍ତ୍ରଣାଦାୟକ। ଅବସ୍ଥା ଏପରି ହୋଇଯାଇଥିଲା ଯେ, ଏଭାଙ୍କୁ ବାହାରକୁ ଛାଡ଼ିବାକୁ ମଧ୍ୟ ଘର ଲୋକେ ଭୟ କରୁଥିଲେ।
ପୂର୍ବରୁ ଚିଠିଗୁଡ଼ିକ ଏଭାଙ୍କ ନାମରେ ଆସୁଥିଲା, ଯେତେବେଳେ ତାଙ୍କ ଝିଅଙ୍କୁ ୫ ବର୍ଷ ହୋଇଥିଲା। କିନ୍ତୁ ୨୦୧୫ରେ ଝିଅଙ୍କ ନାମରେ ଚିଠି ଆସିବାରେ ଲାଗିଲା। ଏପରି କି ଚିଠି ପ୍ରେରକ ଝିଅଙ୍କ ସ୍କୁଲକୁ ଫୋନ୍‌ କରୁଥିଲେ। କହୁଥିଲେ, ସେ ତାଙ୍କ ବାପା। ଝିଅକୁ ନେବା ପାଇଁ ସ୍କୁଲ ବାହାରେ ଅପେକ୍ଷା କରିଛନ୍ତି। ଏଫ୍‌ବିଆଇ ଅଧିକାରୀମାନେ ଚିଠି ଲଫାପାରୁ ପ୍ରେରକଙ୍କ ଡିଏନ୍‌ଏ ସଂଗ୍ରହ କରି ଏକ ଡାଟାବେସ୍‌ ଜରିଆରେ ତାଙ୍କ ସମ୍ପର୍କୀୟମାନଙ୍କୁ ନେଇ ତାଲିକା ପ୍ରସ୍ତୁତ କରିଥିଲେ। ଶେଷରେ ସେମାନେ ସଫଳ ହେଲେ। ଅହିଓର ଏକ ଛୋଟ ସହରରେ ପରିତ୍ୟକ୍ତ ଆର୍ବି ଷ୍ଟ୍ର ଜରିଆରେ ଜଣେ ୫୮ ବର୍ଷୀୟ ବ୍ୟକ୍ତିଙ୍କ ଡିଏନ୍‌ଏ ସଂଗ୍ରହ କରାଯାଇଥିଲା। ପୂର୍ବ ସଂଗୃହୀତ ଡିଏନ୍‌ଏ ସହ ଏହା ମ୍ୟାଚ୍‌ ହେବା ପରେ ଏଫ୍‌ବିଆଇ ତାଙ୍କୁ ଗିରଫ କରିଥିଲା। ଜେମ୍ସ ଡାଭିଡ୍‌ ରୋଗର୍ସଙ୍କୁ ଗୁରୁବାର ଲସ୍‌ ଏଞ୍ଜେଲସ୍‌ କାଉଣ୍ଟି କୋର୍ଟ ୪ ବର୍ଷ ଜେଲ ଦଣ୍ଡାଦେଶ ଦେଇଛନ୍ତି। କୋର୍ଟ ରୁମ୍‌ରେ ଡାଭିଡ୍‌ଙ୍କୁ ଏଭା କହିଥିଲେ, ତୁମକୁ ମଁୁ କ୍ଷମା କରିଦେଉଛି, କିନ୍ତୁ ଜୀବନରେ କେବେହେଲେ ଭୁଲିପାରିବି ନାହିଁ। ଏ ଭୟ ସବୁଦିନ ପାଇଁ ମୋ ସହ ରହିବ।

୧୨ ବର୍ଷର ଆତଙ୍କ

ଅଭିନେତ୍ରୀ ଏଭା ଲାରୁ ପୂର୍ବରୁ ଜଣେ ବ୍ୟୁଟି କୁଇନ୍‌ ଥିଲେ। ୨୦୧୨ରେ ସିଜନ ଶେଷ ହୋଇଥିବା କ୍ରାଇମ୍‌ ଡ୍ରାମା ‘ସିଏସ୍‌ଆଇ: ମାଇଆମି’ରେ ମାଇଆମି-ଡେଡ୍‌ ପୋଲିସ ଡିପାର୍ଟମେଣ୍ଟ ପାଇଁ କାମ କରୁଥିବା ଜଣେ ଡିଏନ୍‌ଏ ଆନାଲିଷ୍ଟ ଚରିତ୍ରରେ ସେ ନଜର ଆସିଥିଲେ। ତାଙ୍କ ଘରକୁ ଆସିଥିବା ପ୍ରଥମ ଧମକପୂର୍ଣ୍ଣ ପତ୍ରରେ ଲେଖାଥିଲା, ମୃତ୍ୟୁ ପର୍ଯ୍ୟନ୍ତ ବଳାତ୍କାର କରିବି। ତୁମ ଝିଅକୁ ବି ଛାଡ଼ିବି ନାହିଁ। ପ୍ରେରକ ନିଜ ନାମ ଲେଖିଥିଲେ ‘ଫ୍ରେଡି କ୍ରୁଏଗର’, ଯାହାକି ଏକ ଆମେରିକୀୟ କ୍ରାଇମ୍‌ ଥ୍ରୀଲରର କାଳ୍ପନିକ ଚରିତ୍ର। ଏଫ୍‌ବିଆଇ ଅନେକ ଏନ୍‌ଭଲପ୍‌ରୁ ପ୍ରେରକଙ୍କ ଡିଏନ୍‌ଏ ସଂଗ୍ରହ କରିଚାଲିଥିଲା। କିନ୍ତୁ ୨୦୧୯ ପର୍ଯ୍ୟନ୍ତ ତାଙ୍କ ପରିଚୟ ପାଇପାରି ନ ଥିଲା। ‘ସିଏସ୍‌ଆଇ: ମାଇଆମି’ରେ ଏଭା ଜଣେ ଅପରାଧୀଙ୍କ ଡିଏନ୍‌ଏ ବିଶ୍ଲେଷଣ ବେଳେ ‘ଜେନେଟିକ୍‌ ଜେନିଓଲୋଜି’ର ଉପଯୋଗ କରିଥିଲେ। ଏହି ବିଜ୍ଞାନ ଜରିଆରେ ୨୦୧୯ ନଭେମ୍ବରରେ ଷ୍ଟକରଙ୍କୁ ଠାବ କରାଯାଇଥିଲା।


Enter your email to get our daily news in your inbox.

All Right Reserved By Dharitri.Com

ଦିଲ୍ଲୀରେ ଚାଞ୍ଚଲ୍ୟ: ଟ୍ରାଏଲ୍‌ ରୁମ୍‌ରେ ମହିଳା କର୍ମଚାରୀଙ୍କୁ ଗଳାକାଟି ହତ୍ୟା

ନୂଆଦିଲ୍ଲୀ,୧୫ା୧୧: ଦିଲ୍ଲୀର ଏକ ପୋଷାକ ଶୋ’ରୁମ୍‌ରେ କାମ କରୁଥିବା ଜଣେ ୧୮ ବର୍ଷୀୟା କର୍ମଚାରୀଙ୍କୁ ଟ୍ରାଏଲ୍‌ ରୁମ୍‌ରେ ଗଳାକାଟି ହତ୍ୟା କରାଯାଇଛି। ବ୍ୟକ୍ତିଗତ ସମ୍ପର୍କରେ ଫାଟ ଏବଂ…

ଏହି ୪ଟି ରାଶି ପାଇଁ ଆଗକୁ ରହିଛି କଠିନ ସମୟ, ସତର୍କ ନ ରହିଲେ ବଡ଼ ବିପଦ…

୧୬ ନଭେମ୍ବର ୨୦୨୬ରେ ସୂର୍ଯ୍ୟଦେବ ବିଛା ରାଶିକୁ ପ୍ରବେଶ କରିବେ। ଜ୍ୟୋତିଷ ଶାସ୍ତ୍ର ଅନୁସାରେ, ଏହି ଗୋଚରର ପ୍ରଭାବ କିଛି ରାଶିର ଜାତକଙ୍କ ଜୀବନରେ ପଡ଼ିପାରେ। ବିଶେଷକରି…

ଅତି ଖରାପ ସ୍ଥିତିରେ ଦିଲ୍ଲୀ ବାୟୁ ଗୁଣବତ୍ତା, ଘେରି ରହୁଛି ଧୂଳି, ଧୂଆଁର ଘନ ଆସ୍ତରଣ

ନୂଆଦିଲ୍ଲୀ,୧୫ା୧୧: ଦିଲ୍ଲୀର ବାୟୁ ଗୁଣବତ୍ତା ସୂଚକାଙ୍କ (ଏକ୍ୟୁଆଇ) ରବିବାର ସକାଳେ ଅଧିକାଂଶ ପର୍ଯ୍ୟବେକ୍ଷଣ କେନ୍ଦ୍ରରେ ଅତି ଖରାପ ଦର୍ଶାଇଥିବା ବେଳେ ୭ଟିରେ ଗମ୍ଭୀର ସ୍ଥିତି ଦର୍ଶାଇଛି। ମୋଟାମୋଟି…

ବିର୍ସା ମୁଣ୍ଡାଙ୍କ ୧୫୧ତମ ଜନ୍ମ ଜୟନ୍ତୀ: ଏକାଠି ହେଲେ କନ୍ଧମାଳ,ଗଜପତିର ଆଦିବାସୀ ସମାଜ

ବ୍ରାହ୍ମଣୀଗାଁ,୧୫।୧୧(ମନୋରଞ୍ଜନ ରଣା): କନ୍ଧମାଳ ଜିଲା ଦାରିଙ୍ଗବାଡ଼ି ବ୍ଲକ ଅନ୍ତର୍ଗତ ବ୍ରାହ୍ମଣୀଗାଁ ଶିବ ମନ୍ଦିର ପଡ଼ିଆରେ ରବିବାର ଭଗବାନ ବିର୍ସା ମୁଣ୍ଡାଙ୍କ ୧୫୧ତମ ଜନ୍ମ ଜୟନ୍ତୀ ପାଳିତ ହୋଇଯାଇଛି।…

ଗୁଣପୁରରେ ମହିଳାଙ୍କୁ ଧାରୁଆ ଅସ୍ତ୍ରରେ ମରଣାନ୍ତକ ଆକ୍ରମଣ

ଗୁଣପୁର,୧୫।୧୧(ସୁଜାତା ପାଢ଼ୀ): ରାୟଗଡ଼ା ଜିଲା ଗୁଣପୁର ଥାନା ଅନ୍ତର୍ଗତ ହାଉସିଂ ବୋର୍ଡ କଲୋନୀରେ ଜଣେ ମହିଳାଙ୍କୁ ମରଣାନ୍ତକ ଆକ୍ରମଣ ହୋଇଥିବା ଘଟଣା ସାମ୍ନାକୁ ଆସିଛି। ମିଳିଥିବା ସୂଚନା…

କେରଳ ହାଇକୋର୍ଟଙ୍କ ବଡ଼ ପ୍ରସ୍ତାବ, କିଶୋର ବୟସର ସୀମା ୧୮ରୁ ୧୬ ବର୍ଷକୁ ହ୍ରାସ….

କୋଚି,୧୫ା୧୧: ନାବାଳକ ବୟସ ସୀମାକୁ ନେଇ ବଡ଼ କଥା କହିଛନ୍ତି କେରଳ ହାଇକୋର୍ଟ । ଅପରାଧର ବଦଳୁଥିବା ସ୍ବରୂପ ଏବଂ ପିଲାମାନଙ୍କଠାରେ ଦେଖାଯାଉଥିବା ପରିପକ୍ୱତାକୁ ଦୃଷ୍ଟିରେ ରଖି…

ଠେଙ୍ଗାରେ ଆକ୍ରମଣ କରି ହତ୍ୟା ଉଦ୍ୟମ, ଜେଲ ଗଲେ ଅଭିଯୁକ୍ତ

ଦିଗପହଣ୍ଡି,୧୫।୧୧(ଅଶେଷ ନାଥ ମିଶ୍ର): ଗଞ୍ଜାମ ଜିଲା ସାନଖେମୁଣ୍ଡି ବ୍ଲକ ଶ୍ରୀଚନ୍ଦନପୁର ଗ୍ରାମର ବିରୁପାକ୍ଷ ମହାପାତ୍ରଙ୍କୁ ଗ୍ରାମର ହିନ ଗଉଡ଼(୫୦) ଶନିବାର ଅପରାହ୍ନରେ ଏକ ଠେଙ୍ଗାରେ ଆକ୍ରମଣ କରି…

ମାଡ଼ି ଆସୁଛି ବାତ୍ୟା: ମୁକାବିଲା ପାଇଁ ଗଞ୍ଜାମ ପ୍ରଶାସନର ଆଗୁଆ ପ୍ରସ୍ତୁତି

ପୁରୁଷୋତ୍ତମପୁର,୧୫।୧୧(ସବିତା ମିଶ୍ର): ପୁଣି ଏକ ସାମ୍ଭାବ୍ୟ ବାତ୍ୟାର ମୁକାବିଲା ପାଇଁ ପୁରୁଷୋତ୍ତମପୁର ପ୍ରଶାସନ ପକ୍ଷରୁ ଆଗୁଆ ପ୍ରସ୍ତୁତି ସହ ବ୍ୟାପକ ସତର୍କତାମୂଳକ ପଦକ୍ଷେପ ଗ୍ରହଣ କରାଯାଇଛି। ଏନେଇ…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?