ଲକ୍ଷ୍ନୌ,୮ା୧: ଆଗ୍ରାଠାରେ ସ୍ତ୍ରୀ-ସ୍ବାମୀଙ୍କ ବିବାଦ ଏବଂ ଛାଡ଼ପତ୍ରର ଏକ ନିଆରା ମାମଲା ସାମ୍ନାକୁ ଆସିଛି। ସ୍ବାମୀ ସ୍ତ୍ରୀଙ୍କୁ ଛାଡ଼ପତ୍ର ଦେଇଛନ୍ତି। କାରଣ ତାଙ୍କ ସ୍ତ୍ରୀ କେବଳ ପୁଅ ଜନ୍ମ କରୁଥିଲେ। ମାତ୍ର ସ୍ବାମୀ ଝିଅ ହେଉ ବୋଲି ଚାହୁଁଥିଲେ। ଏହି ବିବାଦକୁ ନେଇ ଏବେ ଅନେକ ଚର୍ଚ୍ଚା।
ସାଧାରଣତଃ ଗୋଟିଏ ପରିବାରରେ ଝିଅ ଜନ୍ମ ହେଲେ କିଛି ଲୋକ ଗ୍ରହଣ କରିପାରନ୍ତିନି। ଫଳରେ ଆକ୍ରମଣ, ଘରୋଇ ହିଂସା ଏବଂ ଛାଡ଼ପତ୍ର ପରି ମାମଲା ଜାଣିବାକୁ ମିଳେ। ମାତ୍ର ଜଣେ ସ୍ବାମୀ ତାଙ୍କ ସ୍ତ୍ରୀ ପୁତ୍ରସନ୍ତାନ ଜନ୍ମ କରିବାରୁ ସେ ସ୍ତ୍ରୀଙ୍କୁ ଛାଡ଼ପତ୍ର ଦେବା ଘଟଣା ଆଲୋଚନାର କେନ୍ଦ୍ରବିନ୍ଦୁ ପାଲଟିଛି। ଆଗ୍ରାରେ ଏହା ହେଉଛି ପ୍ରଥମ ତଥା ପ୍ରସିଦ୍ଧ ମାମଲା।
ଆଗ୍ରାର ଫ୍ୟାମିଲି କାଉନସେଲିଂ ସେଣ୍ଟରରେ ଏକ ମାମଲା ସାମ୍ନାକୁ ଆସିଥିଲା। ଯେଉଁଥିରେ ସ୍ତ୍ରୀ-ସ୍ବାମୀଙ୍କ ମଧ୍ୟରେ ବିବାଦ ଦେଖାଦେଇଥିଲା ଯେ, ସ୍ବାମୀ ତାଙ୍କ ସ୍ତ୍ରୀଙ୍କୁ ଛାଡ଼ପତ୍ର ଦେଇଛନ୍ତି। ସ୍ତ୍ରୀ କହିଛନ୍ତି, ପରିବାରର ଆର୍ଥିକ ଅବସ୍ଥା ଭଲ ନୁହେଁ। ଚତୁର୍ଥ ସନ୍ତାନ ଜନ୍ମ କରିବା ଦ୍ୱାରା ଅଧିକ ଅସୁବିଧା ହେବ। ପରବର୍ତ୍ତୀ ପିଲା ଝିଅ ହେବ ବୋଲି ମଧ୍ୟ କୌଣସି ଗ୍ୟାରେଣ୍ଟି ନାହିଁ। ବିବାଦ ପରେ ଏହି ମାମଲା ଫ୍ୟାମିଲି କାଉନସେଲିଂ ସେଣ୍ଟରରେ ପହଞ୍ଚି ଶାହଗଞ୍ଜ ପୋଲିସ ଷ୍ଟେଶନକୁ ଏଫ୍ଆଇଆର ପାଇଁ ନିର୍ଦ୍ଦେଶ ଦିଆଯାଇଛି।
ଆଗ୍ରା ଶାହାଗଞ୍ଜର ଜଣେ ଝିଅ ୧୦ ବର୍ଷ ପୂର୍ବେ ମାଲପୁରାର ଜଣେ ଯୁବକଙ୍କୁ ବିବାହ କରିଥିଲେ। ଏହା ପରେ ସେମାନଙ୍କର ତିନୋଟି ସନ୍ତାନ ଥିଲେ। ତିନିଜଣ ପୁଅ ଥିଲେ, କିନ୍ତୁ ପିତା ଚାହୁଁଥିଲେ ଯେ, ତାଙ୍କ ଘରେ ଗୋଟିଏ ଝିଅ ମଧ୍ୟ ଜନ୍ମ ହେବା ଉଚିତ। ଯେଉଁଥିପାଇଁ ସେ ତାଙ୍କ ସ୍ତ୍ରୀଙ୍କୁ କହିଥିଲେ ସେ ଝିଅ ଚାହୁଁଛନ୍ତି। ପ୍ରତ୍ୟେକ ଥର ସ୍ତ୍ରୀଙ୍କର ପୁଅ ଥିଲେ।
ଯଦି ଏହା ପୁଅ ହୋଇଯାଏ ତେବେ କ’ଣ ହେବ? ଏହି ପ୍ରସଙ୍ଗରେ ସ୍ତ୍ରୀ-ସ୍ବାମୀଙ୍କ ମଧ୍ୟରେ ଅନେକ ବିବାଦ ଲାଗି ରହିଥିଲା। ଯାହା ପରେ ସ୍ବାମୀ ସ୍ତ୍ରୀଙ୍କୁ ଛାଡ଼ିଥିଲେ। ଏହା ପରେ ଆଗ୍ରାସ୍ଥିତ ଫ୍ୟାମିଲି କାଉନ୍ସେଲିଂ ସେଣ୍ଟରରେ ପହଞ୍ଚିଥିଲା। ଯେଉଁଠାରେ ଉଭୟଙ୍କୁ ପରାମର୍ଶଦାତା ବୁଝାଇଥିଲେ କିନ୍ତୁ ଉଭୟ ସ୍ତ୍ରୀ ଏବଂ ସ୍ବାମୀ ସେମାନଙ୍କ ମତ ଉପରେ ଜିଦ୍ ଧରିଥିଲେ। ପରାମର୍ଶଦାତା ଡକ୍ଟର ଅମିତ ଗୌଡ଼ କହିଛନ୍ତି, ପରିବାର ପରାମର୍ଶ କେନ୍ଦ୍ରକୁ ୧୦୦ରୁ ଅଧିକ ମାମଲା ଆସିଛି। ଯେଉଁଥିରେ ଏହି ମାମଲା ମଧ୍ୟ ଆସିଥିଲା ଯେଉଁଥିରେ ଜଣେ ସ୍ବାମୀ ସ୍ତ୍ରୀଙ୍କଠାରୁ ଝିଅ ଦାବି କରୁଥିଲେ। ସେ କହିଥିଲେ, ଆମର ତିନୋଟି ପୁଅ ଅଛନ୍ତି ଏବଂ ବର୍ତ୍ତମାନ ମୁଁ ଗୋଟିଏ ଝିଅ ଚାହୁଁଛି। ଯେତେବେଳେ ପରିବାରର ଆର୍ଥିକ ସ୍ଥିତିକୁ ବିଚାର କରି ସ୍ତ୍ରୀ ଏହାକୁ ମନା କରିଦେଲେ, ସ୍ବାମୀ ତାଙ୍କ ସ୍ତ୍ରୀଙ୍କୁ ଛାଡ଼ି ଚାଲିଗଲେ। ଏହି ଘଟଣାରେ କୌଣସି ସମାଧାନ ନ ହେବାରୁ ଏଫଆଇଆର୍ ପଞ୍ଜୀକରଣ କରିବାକୁ ଶାହାଗଞ୍ଜ ଥାନାକୁ ନିର୍ଦ୍ଦେଶ ଦିଆଯାଇଥିଲା।
