ଆଜିର ସମୟରେ ଲୋକମାନେ ଫିଟ୍ନେସ ରହିବା ପାଇଁ ବହୁତ କିଛି ଉପାୟ ଅବଲମ୍ବନ କରୁଛନ୍ତି। ସେମାନଙ୍କର ଓ୍ବାର୍କଆଉଟ ରୁଟିନକୁ ନେଇ ବେଶ୍ ସଚେତନ ରହୁଛନ୍ତି। ଏପରି ପରିସ୍ଥିତିରେ ଲଣ୍ଡନସ୍ଥିତ ଫିଟ୍ନେସ କୋଚ୍ ସନ୍ସାଇନ୍ଙ୍କ ପ୍ରକୃତ ବୟସ ଲୋକଙ୍କ ସହ ଶେୟାର କରିଛନ୍ତି। ମାତ୍ର କେହି ଏହାକୁ ବିଶ୍ୱାସ କରପାରୁନାହାନ୍ତି। ଆଣ୍ଡ୍ରିଆଙ୍କ ବୟସ ୬୦ ଛୁଇଁଲାଣି। ମାତ୍ର ସେ ୨୫ ବର୍ଷୀୟା ଯୁବତୀ ପରି ଦେଖାଯାଉଛନ୍ତି। ଆଣ୍ଡ୍ରିଆ ତାଙ୍କ ଲୁକ୍ର ରାଜ୍ ଲୋକଙ୍କୁ
କହିଛନ୍ତି। ସେ ଜିମ୍ ଯିବାକୁ ଭଲ ପାଆନ୍ତି। ପ୍ରତିଦିନ ୮ ଘଣ୍ଟା କାମ କରନ୍ତି। ବ୍ୟାୟାମ ପାଇଁ ସେ ଏତେ କ୍ରେଜ୍ ପାଇଲେ ଯେ, ସେ ଏକ ଫିଟନେସ୍ କୋଚ ହେବାକୁ ସ୍ଥିର କଲେ। କାର୍ଯ୍ୟ ସମୟରେ ଅନ୍ୟମାନଙ୍କୁ ଶିକ୍ଷା ଦେବାବେଳେ ମଧ୍ୟ ସେ ବ୍ୟାୟାମ କରନ୍ତି। ଯଦି ଦିନେ ସେ ଭଲ ମନୋଭାବରେ ନଥାନ୍ତି ତେବେ ସେ କେବଳ ୩ ଘଣ୍ଟା ବ୍ୟାୟାମ କରନ୍ତି।
ଆଣ୍ଡ୍ରିଆ କହିଛନ୍ତି, ତାଙ୍କୁ ସମସ୍ତେ ଯୁବତୀ ବୋଲି ଭାବିଥାନ୍ତି। ଏପରିକି ଅନେକ ପୁଅ ତାଙ୍କୁ ପ୍ରେମ ନିବେଦନ କରନ୍ତି। କିନ୍ତୁ ସମସ୍ତେ ତାଙ୍କ ବୟସର ଅଧା। ଯେତେବେଳେ ସେ କୁହନ୍ତି, ତାଙ୍କର ଦୁଇ ନାତି ଅଛନ୍ତି, କେହି ଏହାକୁ ବିଶ୍ୱାସ କରନ୍ତି ନାହିଁ। ଆଣ୍ଡ୍ରିଆ ତାଙ୍କ ଜୀବନକୁ ବହୁତ ଭଲ ପାଆନ୍ତି। ସେ ସାରା ଜୀବନ ଜିମ୍ରେ ବିତାଇ ପାରିବେ।
ସେ କହିଛନ୍ତି, ଖାଦ୍ୟ ଏବଂ ବ୍ୟାୟାମ ହେଉଛି ତାଙ୍କ ଫିଟ୍ନେସ୍ର ରହସ୍ୟ। ଏହି ଶରୀର ପାଇଁ ସେ ବ୍ୟାୟାମ ଏବଂ ଖାଦ୍ୟପେୟ ପ୍ରତି ବିଶେଷ ଧ୍ୟାନ ଦେଇଥାନ୍ତି। ସୁନ୍ଦରତା ପାଇଁ ସୁସ୍ଥ ଖାଦ୍ୟ ଗ୍ରହଣ କରନ୍ତି। ତାଙ୍କ ଖାଦ୍ୟରେ ନିଶ୍ଚିତ ଭାବରେ ବ୍ରୋକୋଲି ଏବଂ ପ୍ରୋଟିନ ଅଛି। ସେ ଅନ୍ୟ ମହିଳାମାନଙ୍କୁ ମଧ୍ୟ ସେମାନଙ୍କ ସ୍ବାସ୍ଥ୍ୟ ପ୍ରତି ଧ୍ୟାନ ଦେବାକୁ ନିବେଦନ କରିଛନ୍ତି।
