ଦାରିଙ୍ଗବାଡ଼ି,୧୮ା୯(ଅରୁଣ ସାହୁ): ଦେଶର ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଜନ୍ମଦିବସ ପାଳନ ଅବସରରେ ଆଶୀର୍ବାଦ ପାଇଁ କନ୍ଧମାଳ ଜିଲା ଦାରିଙ୍ଗବାଡ଼ି ଅଞ୍ଚଳରେ ଆଶୀର୍ବାଦର ଦୀପଟିଏ କାର୍ଯ୍ୟକ୍ରମ ବ୍ଲକ ନୋଡାଲ ଅଫିସର ତଥା ବିଡିଓ ପ୍ରୀତିରଞ୍ଜନ ରଥଙ୍କ ନେତୃତ୍ୱରେ ଅନୁଷ୍ଠିତ ହୋଇଥିଲା। ଭାରତ ସରକାର ଯେଉଁ ପ୍ରଚେଷ୍ଟା କରୁଛନ୍ତି ବିକଶିତ ଗ୍ରାମ ବିକଶିତ ଭାରତ ନିର୍ମାଣ ତାକୁ ସଫଳ କରିବା ଓ ଆସନ୍ତା ୨୦୪୭ ସୁଦ୍ଧା ଭାରତର ସମଗ୍ର ବିକାଶ ଓ ପ୍ରଧାନମନ୍ତ୍ରୀଙ୍କ ଦୀର୍ଘାୟୁ କାମନା ସହ ତାଙ୍କ ପ୍ରତି ଆଶୀର୍ବାଦ ରହିବା ପାଇଁ ହଜାର ସଂଖ୍ୟାରେ ଦୀପ ପ୍ରଜ୍ବଳନ କରାଯାଇଥିଲା।
ଚ୍ଏହି ଅବସରରେ ମା’ପାଟ୍ଟଖଣ୍ଡାଙ୍କ ପୀଠରେ ପୂଜାର୍ଚ୍ଚନା ସହ ଶାନ୍ତି ପାଠ ଓ ମନ୍ତ୍ରଜପରେ ମନ୍ଦିର ପରିସର ପ୍ରକମ୍ପିତ ହୋଇଥିଲା ଏହି କାର୍ଯ୍ୟକ୍ରମରେ ବିଡିଓଙ୍କ ସମେତ ବ୍ଲକର ସମସ୍ତ କର୍ମଚାରୀ, ଇଞ୍ଜିନିୟର, ମିଶନଶକ୍ତିର ମହିଳାମାନେ ଯୋଗଦେଇଥିଲେ।