ଜନ୍ମକୁଣ୍ଡଳୀରେ ଶୁକ୍ରଙ୍କ ସ୍ଥିତି ମଜଭୂତ ଥିଲେ ଯେକେହି ଜୀବନ ସୁଖସ୍ବାଚ୍ଛନ୍ଦ୍ୟରେ ଅତିବାହିତ କରେ। ବୃଷ ଏବଂ ତୁଳା ରାଶିର ସ୍ବାମୀ ଶୁକ୍ର ଭୌତିକ ସୁଖର କାରକ। ତେବେ ଆସୁଥିବା ନୂତନ ବର୍ଷ ୨୦୨୨ରେ ଶୁକ୍ର ମୋଟ ୧୫ ଥର ରାଶି ପରିବର୍ତ୍ତନ କରିବେ। ଏହାର ଆରମ୍ଭ ଜାନୁୟାରୀ ୪ରୁ ହେବ। ଏହି ଦିନ ଶୁକ୍ର ଧନୁ ରାଶିରେ ପ୍ରବେଶ କରିବେ। ଜ୍ୟୋତିଷଶାସ୍ତ୍ର ଅନୁଯାୟୀ ଏପରି ଚଳନ ଯୋଗୁ ମେଷ, ବୃଷ, ଧନୁ, ମକର ରାଶିର ଜାତକଧାରୀ ମାଲାମାଲ ହେବେ।
ମେଷ ରାଶି: ଆର୍ଥିକ ସ୍ଥିତି ଭଲ ରହିବ। ସମ୍ପତ୍ତି ଲାଭ ଯୋଗ ରହିଛି। ଜମିଜମାରେ ନିବେଶ କଲେ ଲାଭ ମିଳିବ। କରଜ ମୁକ୍ତ ହେବେ।
ବୃଷ ରାଶି: ଧନର ଆଗମନ ନିରନ୍ତର ରହିବ। ବର୍ଷର ମଧ୍ୟଭାଗରେ ସମ୍ପତ୍ତି ଲାଭର ଯୋଗ ରହିଛି। ନିଜ ଖର୍ଚ୍ଚ ଏବଂ କରଜ ଦେବା ଉପରେ ଧ୍ୟାନ ଦେବାକୁ ହେବ।
ମିଥୁନ ରାଶି: ଆର୍ଥିକ ସ୍ଥିତି ମଧ୍ୟମ ରହିବ। ଜୀବନର ସାମାନ୍ୟ ଆବଶ୍ୟକତା ପୂରଣ ହେବ। ଟଙ୍କାପଇସା ନିବେଶ ଏବଂ ସମ୍ପତ୍ତି ମାମଲାରେ ସାବଧାନ ରହିବେ। ଧନ ଲାଭ କଲେ ହେଁ ନିୟମିତ ଭାବେ କିଛି ନା କିଛି ଦାନ କରନ୍ତୁ।
କର୍କଟ ରାଶି: ଆର୍ଥିକ ସ୍ଥିତିରେ ଧିରେ ଧିରେ ସୁଧାର ଆସି । ଏହି ବର୍ଷ ସମ୍ପତ୍ତି ଲାଭର ଯୋଗ ରହିଛି। ଅଟକି ଥିବା ଅର୍ଥ ପ୍ରାପ୍ତ ହେବ।
ସିଂହ ରାଶି: ଆରମ୍ଭରୁ ଧନକୁ ନେଇ ସମସ୍ୟା ଉପୁଜିପାରେ। ହେଲେ ଧିରେ ଧିରେ ଆର୍ଥିକ ସ୍ଥିତିରେ ସୁଧାର ଆସିବ। ସମ୍ପତ୍ତିରେ ନିର୍ମାଣ ଏବଂ କ୍ରୟର ଯୋଗ ରହିଛି।
କନ୍ୟା ରାଶି: ଏହି ବର୍ଷ ଆର୍ଥିକ ସ୍ଥିତିରେ ସୁଧାର ଆସିବ। ହେଲେ ଖର୍ଚ୍ଚ ପରିମାଣ ବଢ଼ିବ। ଏଥିନେଇ ଜୁଆ, ଲଟେରୀ ଆଦିରୁ ନିବୃତ୍ତ ରୁହନ୍ତୁ।
ତୁଳା ରାଶି: ଆର୍ଥିକ ସ୍ଥିତିକୁ ନେଇ ପ୍ରାରମ୍ଭରୁ କଠିନ ସମସ୍ୟା ଦେଖାଦେଇପାରେ। ହେଲେ ଆବଶ୍ୟକତା ପୂରଣ ହୋଇଯିବ। ସମ୍ପତ୍ତି କିଣାବିକା ସମୟରେ ସାବଧାନତା ଅବଲମ୍ବନ କରିବେ।
ବିଛା ରାଶି: ନିୟମିତ ଧନଆଗମନ ହେବ। ଅଟକିଥିବା ଧନ ପ୍ରାପ୍ତ ହେବ।ହେଲେ ଏହି ବର୍ଷ ଦେଖାଣଆ ଭାବେ ଧନ ବରବାଦ କରନ୍ତୁ ନାହିଁ।
ଧନୁ ରାଶି: ଆର୍ଥିକ ସ୍ଥିତି ଭଲ ରହିବ। ସମ୍ପତ୍ତି ଲାଭର ଯୋଗ ରହିଛି। ଋଣ ପରିଶୋଧ କରିବା ଏବଂ ଟଙ୍କାପଇସା ନେଣଦେଣ ଉପରେ ଧ୍ୟାନ ଦେବେ।
ମକର ରାଶି: ଚାକିରି ଏବଂ କାରୋବାର ଉଭୟରେ ଉନ୍ନତି ପରିଲକ୍ଷିତ ହେବ। ସମ୍ପତ୍ତି କିଣାବିକାର ଯୋଗ ରହିଛି। ପୁରୁଣା ଉଧାର ସୁଝିବେ।
କୁମ୍ଭ ରାଶି: ଆର୍ଥିକ ସ୍ଥିତି ଭଲ ରହିବ। ଧନ ଯେତେ ଆସିବ, ଖର୍ଚ୍ଚ ସେହି ମାତ୍ରାରେ ବଢ଼ିବ। ଏଣୁ ଦେଖିଚାହିଁ ଖର୍ଚ୍ଚ କରିବେ।
ମୀନ ରାଶି: ଆର୍ଥିକ ସ୍ଥିତି କେବେ ଭଲ କେବେ ଖରାପ ରହିବ। ହେଲେ ଆବଶ୍ୟକତା ପୂରଣ ହୋଇଯିବ। ଏହି ବର୍ଷ ଧନ ସଞ୍ଚୟ ଉପରେ ବିଶେଷଭାବେ ଧ୍ୟାନ ଦିଅନ୍ତୁ।
