ନୂଆଦିଲ୍ଲୀ,୩୧।୧ : ଜାତୀୟ ଖାଦ୍ୟ ସୁରକ୍ଷା ଆଇନ (ଏନଏଫଏସଏ) ସମ୍ପର୍କରେ ସୁପ୍ରିମକୋର୍ଟ କେନ୍ଦ୍ର ସରକାର ଏବଂ ରାଜ୍ୟ ସରକାରଙ୍କୁ ପ୍ରଶ୍ନ କରିଛନ୍ତି। ପଞ୍ଜୀକୃତ ୨୮ କୋଟି ୫୫ ଲକ୍ଷ ଶ୍ରମିକଙ୍କ ମଧ୍ୟରୁ କେତେଜଣଙ୍କର ରାଶନ କାର୍ଡ ଅଛି ଏବଂ କେତେଜଣ ଲୋକ ଏନଏଫଏସଏ ଅଧୀନରେ ଖାଦ୍ୟ ଶସ୍ୟ ପାଉଛନ୍ତି ତାହା କେନ୍ଦ୍ର ଓ ରାଜ୍ୟ ସରକାରଙ୍କୁ କୋର୍ଟ ପଚାରିିଛନ୍ତି।
ବିଚାରପତି ଏମଆର ଶାହା ଏବଂ ଜଷ୍ଟିସ ବିଭି ନାଗରତ୍ନାଙ୍କ ନେତୃତ୍ୱରେ ଗଠିତ ଦୁଇ ଜଣିଆ ବେଞ୍ଚ କହିଛନ୍ତି ଯେ ସମଗ୍ର ମାମଲାର ପରବର୍ତ୍ତୀ ଶୁଣାଣି ଫେବୃଆରୀ ୨୦ ରେ ହେବ। କେବଳ ପଞ୍ଜୀକରଣ ପର୍ଯ୍ୟାପ୍ତ ନୁହେଁ ବୋଲି କୋର୍ଟ କହିଛନ୍ତି।
କେବଳ ପଞ୍ଜୀକରଣ ପର୍ଯ୍ୟାପ୍ତ ନୁହେଁ ବୋଲି କୋର୍ଟ କହିଛନ୍ତି। ମଙ୍ଗଳବାର ସୁପ୍ରିମକୋର୍ଟ କେନ୍ଦ୍ର ସରକାରଙ୍କୁ ଇ-ଲେବର ପୋର୍ଟାଲରୁ ସଂଗୃହିତ ତଥ୍ୟକୁ ରାଜ୍ୟମାନଙ୍କ ସହ ବାଣ୍ଟିବାକୁ କହିଛନ୍ତି। ଏଥିସହ କେତେଜଣ ପ୍ରବାସୀ ଶ୍ରମିକ ଅଛନ୍ତି ତାହା ସୂଚିତ କରିବା ପାଇଁ ରାଜ୍ୟ ସରକାରଙ୍କୁ କହିଛନ୍ତି। ଏହା ବ୍ୟତୀତ ପରବର୍ତ୍ତୀ ଶୁଣାଣିରେ ରାଜ୍ୟ ସରକାରଙ୍କୁ ଉପସ୍ଥିତ ରହିବାକୁ କୋର୍ଟ କହିଛନ୍ତି।
କେନ୍ଦ୍ର ସୂଚନା ପୂର୍ବରୁ ପଞ୍ଜୀକରଣ ପାଇଁ ଜାତୀୟ ସୂଚନା କେନ୍ଦ୍ର ସହଯୋଗରେ ଏଭଳି ପୋର୍ଟାଲ ତିଆରି କରିବାକୁ ପ୍ରସ୍ତୁତ ଥିବା ସୁପ୍ରିମକୋର୍ଟଙ୍କୁ କେନ୍ଦ୍ର ସରକାର ପୂର୍ବରୁ କହିଥିଲେ। ଏହା କରାଯାଉଛି ଯାହାଦ୍ୱାରା ପ୍ରବାସୀ ଶ୍ରମିକମାନେ ଲାଭ ପାଇପାରିବେ । କେନ୍ଦ୍ର ସରକାର କହିଛନ୍ତି ଯେ ପଞ୍ଜୀକରଣର ଉଦ୍ଦେଶ୍ୟ ହେଉଛି ପ୍ରବାସୀ ଶ୍ରମିକଙ୍କୁ ଉପକୃତ କରିବା। ଏଥିପାଇଁ କାର୍ଯ୍ୟ କରାଯାଉଛି ।
