ବିରାଟ କୋହଲି କେବଳ ଭାରତ ପାଇଁ ନୁହେଁ ବରଂ ବିଶ୍ୱ ପାଇଁ ପ୍ରେରଣା ପାଲଟିଛନ୍ତି। କ୍ରିକେଟ ବ୍ୟତୀତ ବ୍ୟକ୍ତିଗତ ଜୀବନରେ ମଧ୍ୟ କୋହଲି ବେଶ୍ ଶୃଙ୍ଖଳିତ। ତାଙ୍କଠାରୁ ସମସ୍ତେ ପ୍ରେରଣା ନେଇପାରିବେ।
କୋହଲି ତାଙ୍କର କାର୍ଯ୍ୟ ନୀତି ପାଇଁ ମଧ୍ୟ ଜଣାଶୁଣା। ସେ ସବୁବେଳେ ସମୟାନୁବର୍ତ୍ତୀ ହୋଇଆସିଛନ୍ତି। ଆଜିର ଯୁଗରେ ମୋବାଇଲର ବ୍ୟବହାର ବହୁତ ବଢ଼ିଯାଇଛି। କୋହଲି କିନ୍ତୁ ଏସବୁରୁ ଦୂରତା ବଜାୟ ରଖନ୍ତି।
ଗୌରବ ଚୌଧୁରୀ ୟୁଟ୍ୟୁବ ଚ୍ୟାନେଲରେ କଥାବାର୍ତ୍ତା ସମୟରେ କୋହଲିଙ୍କୁ ପଚରାଯାଇଥିଲା, ହାରାହାରି ଦିନକୁ କେତେ ସମୟ ପାଇଁ ଆପଣ ଫୋନ ବ୍ୟବହାର କରନ୍ତି? ଏହାର ଉତ୍ତରରେ କୋହଲି କହିଥିଲେ, ଅତିବେଶୀରେ ଗୋଟିଏ କିମ୍ବା ଦେଢ଼ ଘଣ୍ଟା। ତାହା ମଧ୍ୟ ସମୟ ସମୟରେ ଦେଖେ।
ତା’ପରେ କୋହଲିଙ୍କୁ ପଚରାଗଲା ଯେ, ସେ କେଉଁ ଆପ ସବୁଠାରୁ ଅଧିକ ବ୍ୟବହାର କରନ୍ତି? ଏହାର ଉତ୍ତରରେ କିଙ୍ଗ କୋହଲି କହିଥିଲେ, ମୁଁ ଗୀତ ଶୁଣୁଥିବାରୁ ସବୁଠାରୁ ଅଧିକ ୟୁଟ୍ୟୁବ୍ ବ୍ୟବହାର କରେ।
ଆଜିକାଲି ବିରାଟ କୋହଲି ଚାମ୍ପିଅନ୍ସ ଟ୍ରଫି ୨୦୨୫ ପାଇଁ ପ୍ରସ୍ତୁତିରେ ବ୍ୟସ୍ତ ଅଛନ୍ତି। ସମ୍ପ୍ରତି ସେ ଅଷ୍ଟ୍ରେଲିଆ ଗସ୍ତରେ ବର୍ଡର-ଗାଭାସ୍କର ଟ୍ରଫି ଖେଳିଥିଲେ।
