ନୂଆଦିଲ୍ଲୀ,୧୮ା୩ ହୋଣ୍ଡା ମୋଟରସାଇକଲ ଆଣ୍ଡ ସ୍କୁଟର ଇଣ୍ଡିଆ ପ୍ରାଇଭେଟ୍ ଲିମିଟେଡ୍ର ନୂଆ ୨୦୨୨ ଆଫ୍ରିକା ଟୁଇନ୍ ଆଡ୍ଭେଞ୍ଚର ସ୍ପୋର୍ଟସ୍ ବାଇକର ଉନ୍ମୋଚିତ ସହ ସାରା ଭାରତରେ କମ୍ପାନୀର ସ୍ବତନ୍ତ୍ର ବିଗ୍ ୱିଙ୍ଗ୍ ଟପ୍ଲାଇନ୍ ଶୋ’ରୁମ୍ରେ ବୁକିଂ ଆରମ୍ଭ ମଧ୍ୟ ହୋଇଥିବା ସମ୍ପର୍କରେ ଘୋଷଣା କରାଯାଇଛି। ସିକେଡି (କମ୍ପ୍ଲିଟ୍ଲି ନକ୍ ଡାଉନ୍) ଭାବେ ଏହି ନୂଆ ମୋଟରସାଇକଲ ଭାରତୀୟ ବଜାରରେ ପହଞ୍ଚିବ। ୨୦୨୨ ଆଫ୍ରିକା ଟୁଇନ୍ ଆଡ୍ଭେଞ୍ଚର୍ସ ସ୍ପୋର୍ଟସ୍ ମଡେଲର ୨ଟି ଭାରିଆଣ୍ଟ-ଡୁଆଲ୍ କ୍ଲଚ୍ ଟ୍ରାନ୍ସମିସନ୍ରେ ମ୍ୟାଟ୍ ବାଲିଷ୍ଟିକ୍ ବ୍ଲାକ୍ ମେଟାଲିକ୍ ରଙ୍ଗ ଏବଂ ମାନୁଆଲ୍ ଟ୍ରାନ୍ସମିସନ୍ରେ ପର୍ଲ ଗ୍ଲେୟାର ହ୍ବାଇଟ୍ ଟ୍ରାଇକଲର ସ୍କିମ୍ ସହିତ ନୂଆ ଆକର୍ଷଣୀୟ ଷ୍ଟ୍ରାଇପ୍ରେ ଉପଲବ୍ଧ ହେବ।
ଏ ସମ୍ପର୍କରେ ହୋଣ୍ଡା ମୋଟରସାଇକଲ ଆଣ୍ଡ ସ୍କୁଟର ଇଣ୍ଡିଆ ପ୍ରାଇଭେଟ୍ ଲିମିଟେଡ୍ର ପରିଚାଳନା ନିର୍ଦ୍ଦେଶକ, ସଭାପତି ଓ ସିଇଓ ଆତସୁସି ଓଗାତା କହିଛନ୍ତି, ୨୦୧୭ରେ ଆସିବା ପରଠାରୁ ଭାରତରେ ଆଫ୍ରିକା ଟୁଇନ୍ ଆଡ୍ଭେଞ୍ଚର ଗାଡ଼ି ଚାଳନାର ସଂଜ୍ଞା ନିରୂପଣ କରିଛି। କିଛି ପାଦ ଆଗକୁ ବଢ଼ି ୨୦୨୨ ଆଫ୍ରିକା ଟୁଇନ୍ ଆଡ୍ଭେଞ୍ଚର ସ୍ପୋର୍ଟସ୍ ନିଜର ପଥ ବାଛିବା ଏବଂ ଅଜଣା ସ୍ଥାନର ଅନୁସନ୍ଧାନ କରିବା ଲାଗି ଏହା ଚାଳକମାନଙ୍କୁ ଅନୁପ୍ରାଣିତ କରିଛି। ଅପରପକ୍ଷରେ ଏହାର ବୁକିଂ ସମ୍ପର୍କରେ ହୋଣ୍ଡା ମୋଟରସାଇକଲ ଆଣ୍ଡ ସ୍କୁଟର ଇଣ୍ଡିଆର ନିର୍ଦ୍ଦେଶକ, ବିକ୍ରି ଓ ମାର୍କେଟିଂ ୟଦବିନ୍ଦର ସିଂହ ଗୁଲେରିଆ କହିଛନ୍ତି, ଅନୁସନ୍ଧାନ ପାଇଁ ଭାରତ ଏକ ବିବିଧ ଦୃଶ୍ୟପଟ ଓ ପଥ ପ୍ରଦର୍ଶନ କରୁଥିବା ବେଳେ ରୋମାଞ୍ଚ ଚାହୁଁଥିବା ଚାଳକଙ୍କ ଗୋଷ୍ଠୀ ମଧ୍ୟ ଦ୍ରୁତ ଗତିରେ ବୃଦ୍ଧି ପାଉଛି। ଆଫ୍ରିକା ଟୁଇନ୍ର ସମ୍ପ୍ରଦାୟ ଏହାର ଡାକାର ରାଲି ଡିଏନ୍ଏ ସହିତ ଭାରତରେ ବୃଦ୍ଧି ପାଉଥିବା ବେଳେ ସବୁ ପ୍ରକାର ପଥରେ ଏହାର ଅତୁଳନୀୟ ଦକ୍ଷତାକୁ ଉପଭୋଗ କରୁଛି ଏବଂ ଏବେ ୨୦୨୨ ଆଫ୍ରିକା ଟୁଇନ୍ ସହିତ ଏହି ରୋମାଞ୍ଚ ସଂସ୍କୃତି ଆହୁରି ଉପରକୁ ଯିବ। ଆଫ୍ରିକା ଟୁଇନ୍ ଆଡ୍ଭେଞ୍ଚର ସ୍ପୋର୍ଟସ୍ର ମାନୁଆଲ୍ ଟ୍ରାନ୍ସମିସନ୍ ମଡେଲର ପର୍ଲ ଗ୍ଲେୟାର ହ୍ବାଇଟ୍ କଲର ଏକ୍ସ ଶୋ’ରୁମ୍ ମୂଲ୍ୟ ୧୬,୦୧,୫୦୦ ଟଙ୍କା ଓ ଡୁଆଲ୍ କ୍ଲଚ୍ ଟ୍ରାନ୍ସମିସନର ମ୍ୟାଟ୍ ବାଲିଷ୍ଟିକ୍ ବ୍ଲାକ୍ ମେଟାଲିକ୍ ମଡେଲର ଏକ୍ସ ଶୋ’ରୁମ୍ ଦାମ୍ ୧୭,୫୫,୫୦୦ ଟଙ୍କା ରହିଛି।
