ନୂଆଦିଲ୍ଲୀ,୯।୧୧: ଦେଶର ପ୍ରମୁଖ ଚାରିଚକିଆ ଯାନ ନିର୍ମାତା ହୋଣ୍ଡା କାର୍ସ ଇଣ୍ଡିଆ ଲିମିଟେଡ (ଏଚ୍ସିଆଇଏଲ୍) ପକ୍ଷରୁ ନିକଟରେ ଭାରତ ବଜାରର ଏକ ବଡ଼ ସଫଳତା ସମ୍ପର୍କରେ ଘୋଷଣା କରାଯାଇଛି। ବିଶେଷକରି ଭାରତରେ ଏଚ୍ସିଆଇଏଲ ମୋଟ ଉତ୍ପାଦନ ୨ ନିୟୁତ ୟୁନିଟ୍ ସହ ଏକ ବିରଳ ମାଇଲଖୁଣ୍ଟ ସ୍ଥାପନ କରିଥିବା ଜଣାପଡ଼ିଛି। ଏପରିକି କମ୍ପାନୀର ପ୍ରିମିୟମ ସେଡାନ ହୋଣ୍ଡା ସିଟି ଆନୁଷ୍ଠାନିକ ଭାବେ ରାଜସ୍ଥାନ ତାପୁକାରାସ୍ଥିତ ଅତ୍ୟାଧୁନିକ ଉତ୍ପାଦନ କାରଖାନାର ଆସେମ୍ବ୍ଲି ଲାଇନରୁ ଉପତ୍ାଦିତ ହେବା ସହ ଭାରତରେ ନିର୍ମିତ ଏହା ୨ ନିୟୁତ ତମ ହୋଣ୍ଡା କାର ହୋଇପାରିଛି। ଏହି ପରିପ୍ରେକ୍ଷୀରେ କମ୍ପାନୀ ପକ୍ଷରୁ ଆୟୋଜିତ ଏକ ସ୍ବତନ୍ତ୍ର କାର୍ଯ୍ୟକ୍ରମରେ ଏସିଆନ ହୋଣ୍ଡା ମୋଟର କମ୍ପାନୀ ଲିମିଟେଡର ଏକ୍ଜିକ୍ୟୁଟିଭ ଭାଇସ ପ୍ରେସିଡେଣ୍ଟ ହିରୋଶି ଟୋକୁଟାକେ, ଡାଇରେକ୍ଟର କାଟ୍ସୁହିରୋ କାନେଡାଙ୍କ ସମେତ କମ୍ପାନୀର ଆଞ୍ଚଳିକ କାର୍ଯ୍ୟାଳୟର ବରିଷ୍ଠ ନେତୃବୃନ୍ଦ ଓ ଏଚ୍ସିଆଇଏଲର ପରିଚାଳନାମଣ୍ଡଳୀ ପ୍ରମୁଖ ଉପସ୍ଥିତ ଥିଲେ।
ଏ ସମ୍ପର୍କରେ ଏଚସିଆଇଏଲର ସଭାପତି ତଥା ସିଇଓ ତାକୁୟା ସୁମୁରା କହିଛନ୍ତି, ଭାରତରେ କମ୍ପାନୀ ୨ ନିୟୁତ ଉପତ୍ାଦନର ଏକ ଐତିହାସିକ ମାଇଲଖୁଣ୍ଟରେ ପହଞ୍ଚତ୍ଛି। ଗତ ୨୫ ବର୍ଷ ଧରି ‘ମେକ୍ ଇନ୍ ଇଣ୍ଡିଆ’ ପ୍ରୟାସ ପ୍ରତି ହୋଣ୍ଡାର ପ୍ରତିବଦ୍ଧତାର ଏହା ଏକ ନିଦର୍ଶନ ହୋଇପାରିଛି। ଆମେ ଆମର ସମସ୍ତ ଗ୍ରାହକ, ଡିଲର ସହଭାଗୀ ଏବଂ ସପ୍ଲାୟର ସହଭାଗୀଙ୍କୁ ସେମାନଙ୍କର ଆମ ଉପରେ ରହିଥିବା ବିଶ୍ୱାସ ଏବଂ ହୋଣ୍ଡାକୁ ଦେଶରେ ଏକ ପ୍ରିୟ ଏବଂ ବିଶ୍ୱସନୀୟ ବ୍ରାଣ୍ଡ୍ ଭାବେ ପ୍ରତିଷ୍ଠିତ କରାଇବାରେ ସହାୟତା ପାଇଁ ଗଭୀର କୃତଜ୍ଞତା ଜଣାଉଛୁ।
