ନୂଆଦିଲ୍ଲୀ,୨୯।୮ : ହୋଣ୍ଡା ମୋଟରସାଇକେଲ୍ ଆଣ୍ଡ୍ ସ୍କୁଟର ଇଣ୍ଡିଆ (ଏଚ୍ଏମ୍ଏସ୍ଆଇ)ର ବହୁ ପ୍ରତୀକ୍ଷିତ ତଥା ଅତ୍ୟାଧୁନିକ ଜ୍ଞାନକୌଶଳରେ ନିର୍ମିତ ନ୍ୟୁ ହର୍ନେଟ୍-୨.୦କୁ ବଜାର ପ୍ରବେଶ ସହ ସର୍ବଭାରତୀୟ ଉନ୍ମୋଚନ କରାଯାଇଛି। ଏ ସମ୍ପର୍କରେ ଏଚ୍ଏମ୍ଏସ୍ଆଇର ପରିଚାଳନା ନିର୍ଦ୍ଦେଶକ, ସଭାପତି ଏବଂ ସିଇଓ ସୁସ୍ତୁମି ଓଟାନି କହିଛନ୍ତି,ସରକାରଙ୍କ ନିୟମ ଅନୁସାରେ ନୂତନ ମଡେଲଗୁଡ଼ିକୁ ପ୍ରସ୍ତୁତ କରିବା ଲାଗି ଏଚ୍ଏମ୍ଏସ୍ଆଇ ଦ୍ରୁତ ଗତିରେ କାର୍ଯ୍ୟ କରୁଥିବାବେଳେ ଓବିଡି୨ ନିୟମ ପାଳନ କରୁଥିବା ୨୦୨୩ ହର୍ନେଟ୍ ୨.୦କୁ ଉନ୍ମୋଚନ ସହିତ ବଜାର ପ୍ରବେଶ କରାଇ ବେଶ୍ ଉତ୍ସାହିତ ଅଛୁ। ସେହିଭଳି ଏଚ୍ଏମ୍ଏସ୍ଆଇର ନିର୍ଦ୍ଦେଶକ (ସେଲ୍ସ ଆଣ୍ଡ୍ ମାର୍କେଟିଂ) ଯୋଗେଶ ମାଥୁର କହିଛନ୍ତି, ନୂଆ ହର୍ନେଟ୍ ୨.୦କୁ ବଜାର ପ୍ରବେଶ କରାଇ ନୂଆ ପିଢ଼ିର ଗ୍ରାହକମାନଙ୍କ ସ୍ବପ୍ନ ପୂରଣ କରିଛୁ। ବିଶେଷ କରି ଉନ୍ନତ ସୁବିଧା ସୁଯୋଗ ସହିତ ନୂଆ ହର୍ନେଟ୍ ୨.୦ର ଆକର୍ଷଣୀୟ ଗ୍ରାଫିକ୍ ଓ ବିଶାଳ ଟାଙ୍କିର ଡିଜାଇନ୍ ଉକ୍ତ ମୋଟରସାଇକେଲ୍କୁ ଏକ ଭିନ୍ନ ଆକାର ପ୍ରଦାନ କରିଛି। ଏଥିରେ ଏଲ୍ଇଡି ହେଡ୍ଲ୍ୟାମ୍ପ୍, ଏଲ୍ଇଡି ୱିଙ୍କର, ଏକ୍ସ-ଆକାରର ଏଲ୍ଇଡି ଟେଲ୍ ଲ୍ୟାମ୍ପ୍, ପ୍ରିମିୟମ୍ ଛୋଟ ମଫଲର, ଆଲୟ ହ୍ବିଲ୍ ଓ ସ୍ପ୍ଲିଟ୍ ସିଟ୍ ଆଦି ଗାଡ଼ିକୁ ଆକର୍ଷଣୀୟ ତଥା ଆନ୍ତର୍ଜାତିକ ଷ୍ଟାଇଲ୍ ପ୍ରଦାନ କରୁଛି। ଅପରପକ୍ଷରେ ନ୍ୟୁ ୨୦୨୩ ହର୍ନେଟ୍ ୨.୦ରେ ଶକ୍ତିଶାଳୀ ୧୮୪.୪୦ ସିସି, ୪ ଷ୍ଟ୍ରୋକ୍, ସିଙ୍ଗଲ ସିଲିଣ୍ଡର ବିଏସ୍-୬ ଓବିଡି୨ ନିୟମ ପାଳନ କରୁଥିବା ପିଜିଏମ୍-ଏଫ୍ଆଇ ଇଞ୍ଜିନ ରହିଛି, ବିଶେଷ କରି ଚାଳକଙ୍କ ସୁରକ୍ଷା ଓ ସହଜ ଗିୟର ସିଫ୍ଟ ପାଇଁ ନୂଆ ଆସିଷ୍ଟ୍ ଓ ସ୍ଲିପର କ୍ଲଚ୍ ରହିଥିବା ବେଳେ ଅପ୍-ସାଇଡ୍ ଡାଉନ୍ ସାମ୍ନା ଫର୍କ, ସମ୍ପୂର୍ଣ୍ଣ ଡିଜିଟାଲ୍ ଇନଷ୍ଟ୍ରୁମେଣ୍ଟ୍ ପ୍ୟାନେଲ୍, ପେଟାଲ ଡିସ୍କ ବ୍ରେକ୍ ଓ ସିଙ୍ଗଲ-ଚ୍ୟାନେଲ୍ ଏବିଏସ୍ ରହିଛି।
