ନୂଆଦିଲ୍ଲୀ,୧୯ା୧୧: ଭାରତ ଏବଂ ଅଷ୍ଟ୍ରେଲିଆ ମଧ୍ୟରେ ବିଶ୍ୱକପ୍ ର ଅନ୍ତିମ ମ୍ୟାଚ୍ ଜାରି ରହିଛି। ଏହି ମ୍ୟାଚରେ ଅଷ୍ଟ୍ରେଲିଆ ଟସ୍ ଜିତି ଭାରତକୁ ବ୍ୟାଟିଂ କରିବାକୁ ଆମନ୍ତ୍ରଣ କରିଥିଲା ଏବଂ ପରେ ରୋହିତ ଅଳ୍ପ ସମୟ ମଧ୍ୟରେ ଏକ ନୂତନ ବିଶ୍ୱ ରେକର୍ଡ ସୃଷ୍ଟି କରିଥିଲେ। ଅଧିନାୟକ ଭାବେ ରୋହିତ ଶର୍ମା ବିଶ୍ୱକପ ସିଜନରେ ସର୍ବାଧିକ ରନ୍ ସ୍କୋରର ହୋଇଛନ୍ତି।
୩୧ ଟି ବଲରେ ୪୭ ରନ୍ ସ୍କୋର କରିବା ପରେ ରୋହିତ ଶର୍ମା ଏହି ବିଶ୍ୱକପ୍ ର ଅନ୍ତିମ ମ୍ୟାଚ୍ ରେ ଆଉଟ୍ ହୋଇଥିଲେ ମଧ୍ୟ ଏକ ଉଜ୍ଜ୍ୱଳ ବିଶ୍ୱ ରେକର୍ଡ ସୃଷ୍ଟି କରିବାକୁ ଆଗେଇ ଆସିଥିଲେ। ଯେକୌଣସି ଗୋଟିଏ ବିଶ୍ୱକପ ଟୁର୍ନାମେଣ୍ଟରେ ସର୍ବାଧିକ ରନ୍ ସହ ରୋହିତ ବର୍ତ୍ତମାନ ଅଧିନାୟକ ହୋଇଛନ୍ତି। ଏହି ବିଶ୍ୱକପ୍ର ୧୧ ଟି ମ୍ୟାଚରେ ରୋହିତ ଶର୍ମା ମୋଟ ୫୯୭ ରନ୍ ସଂଗ୍ରହ କରିଛନ୍ତି, ଯାହାକି ବିଶ୍ୱକପ ଇତିହାସରେ କୌଣସି ଅଧିନାୟକଙ୍କ ଦ୍ୱାରା ସର୍ବାଧିକ ରନ୍ ରେକର୍ଡ ହୋଇଛି। ଏହି ରେକର୍ଡରେ ରୋହିତ ନ୍ୟୁଜିଲ୍ୟାଣ୍ଡର ଅଧିନାୟକ କେନ୍ ୱିଲିୟମସନ, ଶ୍ରୀଲଙ୍କାର ପୂର୍ବତନ ଅଧିନାୟକ ମହେଲା ଜୟୱର୍ଦ୍ଧନେ, ଅଷ୍ଟ୍ରେଲିଆର ପୂର୍ବତନ ଅଧିନାୟକ ରିକି ପଣ୍ଟିଂ ଏବଂ ଅଷ୍ଟ୍ରେଲିଆର ପୂର୍ବତନ ଅଧିନାୟକ ଆରୋନ ଫିଞ୍ଚଙ୍କୁ ପଛରେ ପକାଇଛନ୍ତି।
ରେକର୍ଡ ଅନୁଯାୟୀ ଅନୁଯାୟୀ ୨୦୧୯ ବିଶ୍ୱକପରେ ଅଧିନାୟକ ଭାବରେ କେନ୍ ୱିଲିୟମ୍ସନ୍ ୫୭୮ ରନ୍ ସ୍କୋର କରିଥିଲେ, ତାଙ୍କ ପଛକୁ ୨୦୦୭ ବିଶ୍ୱକପରେ ଅଧିନାୟକ ଭାବରେ ମହେଲା ଜୟୱର୍ଦ୍ଧନେ ୫୪୮ ରନ୍ ସଂଗ୍ରହ କରିଥିଲେ। ସେହିଭଳି ୨୦୦୩ ରେ ଅଧିନାୟକ ଭାବରେ ରିକି ପଣ୍ଟିଂ ୫୩୯ ରନ୍ ସଂଗ୍ରହ କରିଥିଲେ ଏବଂ ୨୦୧୯ ରେ ଅଧିନାୟକ ଭାବରେ ଆରୋନ୍ ଫିଞ୍ଚ ୫୦୭ ରନ୍ ସ୍କୋର କରିଥିଲେ।
