ଭୁବନେଶ୍ୱର,୧ା୨(ସରୋଜ ଜେନା): ଓଡିଶା ଫୁଟବଲ କ୍ଲବ(ଓଏଫ୍ସି) ସହ ଯୋଗ ଦେଇଛନ୍ତି ପ୍ରତିଭାବାନ ମିଡ ଫିଲ୍ଡର ହିତେଶ ଶର୍ମା। ପୂର୍ବରୁ ଏଟିକେ ଓ ହାଇଦ୍ରାବାଦ ଏଫ୍ସି ପକ୍ଷରୁ ଖେଳି ସାରିଛନ୍ତି ହିତେଶ। ଟାଟା ଫୁଟବଲ ଏକାଡେମୀରେ ପ୍ରଶିକ୍ଷିତ ହିତେଶ ମୁମ୍ବାଇ ପକ୍ଷରୁ ଆଇ ଲିଗ୍ ଖେଳିଥିଲେ। ତେବେ ଏଟିକେ ପକ୍ଷରୁ ଇଣ୍ଡିଆନ ସୁପର ଲିଗ୍ରେ ଶର୍ମାଙ୍କୁ ପ୍ରଥମ ବ୍ରେକ୍ ମିଳିଥିଲା। ଏଟିକେ ପକ୍ଷରୁ ଶର୍ମା ୩୪ ମ୍ୟାଚ୍ ଖେଳିଥିଲେ। ଏହା ପରେ ୨୦୧୯-୨୦ ସିଜନ ପାଇଁ ହାଇଦ୍ରାବାଦ ଏଫ୍ସିରେ ଯୋଗ ଦେଇଥିଲେ ଶର୍ମା। ୨୦୨୧-୨୨ରେ ହାଇଦ୍ରାବାଦ ଏଫ୍ସିକୁ ଚାମ୍ପିୟନ କରିବାରେ ହିତେଶଙ୍କ ବଡ ଭୂମିକା ରହିଥିଲା।
ଓଏଫ୍ସିରେ ଯୋଗ ଦେବାକୁ ନେଇ ହିତେଶ ସନ୍ତୋଷ ପ୍ରକାଶ କରିଛନ୍ତି। କଳିଙ୍ଗ ଓ୍ବାରିୟର୍ସ ପ୍ରତି ସିଜନରେ ସଫଳତାର ଏକ ନୂଆ ସୋପାନ ଅତିକ୍ରମ କରୁଛି। ଏଭଳି କ୍ଲବ ସହିତ ଯୋଡି ହେବା ମୋ ପାଇଁ ସୌଭାଗ୍ୟ ବୋଲି କହିଛନ୍ତି ହିତେଶ। ଅନ୍ୟ ପକ୍ଷରେ ହିତେଶଙ୍କୁ ଜଣେ ଚାଲାକ ଖେଳାଳି ଭାବେ ବର୍ଣ୍ଣନା କରିଛନ୍ତି ଓଏଫ୍ସି ମୁଖ୍ୟ କୋଚ୍ ସର୍ଗିଓ ଲୋବେରା। ହିତେଶଙ୍କ ଗେମ୍ ସେନ୍ସ ଅତ୍ୟନ୍ତ ଚମତ୍କାର ରହିଥିବା ବେଳେ ସେ ଓଏଫ୍ସି ପାଇଁ ଭବିଷ୍ୟତରେ ଜଣେ ଭଲ ଖେଳାଳି ହୋଇ ପାରନ୍ତି ବୋଲି ଲୋବେରା କହିଛନ୍ତି।
