ମୁମ୍ବାଇ: ଟେଲିଭିଜନ ଧାରାବାହିକ ‘ୟେ ରିସ୍ତା କ୍ୟା କେହେଲାତା’ରୁ ନିଜର ଏକ ଭିନ୍ନ ପରିଚୟ ସୃଷ୍ଟି କରିଥିବା ଅଭିନେତ୍ରୀ ହିନା ଖାଁ ଏବେ ଖୁବ୍ ଚର୍ଚ୍ଚାରେ । ଟେଲିଭିଜନ ଦୁନିଆ ଅପେକ୍ଷା ସୋସିଆଲ ମିଡିଆରେ ଖୁବ୍ ଆକ୍ଟିଭ ଏହି ଅଭିନେତ୍ରୀ । ନିକଟରେ ତାଙ୍କ ଅଭିନୀତ ଗୀତ ‘ବାରିଶ’ ୨୫ କୋଟି ହିଟ୍ସ ପାଇ ସାରିଲାଣି । ଏବେ ବଡ ପରଦାରେ ଦର୍ଶକଙ୍କ ନିକଟତର ହେବାକୁ ଯାଉଥିବା ହିନା ଆସିଛନ୍ତି ଚର୍ଚ୍ଚାକୁ । ତାହା ହେଉଛି ଇନଷ୍ଟାଗ୍ରାମରେ ଅପଲୋଡ ହୋଇଥିବା ତାଙ୍କର ଏକ ଫଟୋକୁ ନେଇ । ଯେଉଁଥିରେ ସେ ସମ୍ପୂର୍ଣ୍ଣ ବ୍ଲାକ କଲରର ଡ୍ରେସ୍ ପିନ୍ଧି ସମସ୍ତଙ୍କ ଦୃଷ୍ଟି ଆକର୍ଷଣ କରିଛନ୍ତି । ବ୍ଲାକ କଲର ଡ୍ରେସ୍ ସହ ସିଲଭର କଲର ନେକଲେସ୍, ଘଡି, ମ୍ୟାଚିଙ୍ଗ ନୋଜ୍ ପିନ୍ ପିନ୍ଧିଛନ୍ତି । ଏସବୁ ସହ ନ୍ୟୁଡ ମେକଅପରେ ଅଛନ୍ତି ହିନା । ଏହାସହ କାଜଲ ଆଖି ଖୁବ୍ ମାନୁଛି ଏହି ଅଭିନେତ୍ରୀଙ୍କୁ । ଏହାସହ କର୍ଲି ହେୟାର ତାଙ୍କୁ ଖୁବ୍ ଷ୍ଟାଇଲିସ୍ ଲୁକ୍ ଦେଉଛି । ଏହି ଫଟୋକି ମାତ୍ର କିଛି ଘଣ୍ଟା ମଧ୍ୟରେ ୫ ଲକ୍ଷରୁ ଅଧିକ ଲାଇକ୍ସ ମିଳିସାରିଛି । ପ୍ରଶଂସକମାନେ ହାର୍ଟ ଓ ଫାୟାର ଇମୋଜି ଦେଇ କମେଣ୍ଟ କରୁଥିବା ଦେଖାଯାଇଛି ।
