ଭୁବନେଶ୍ୱର,୬।୧୧: ବେଦାନ୍ତ ଆଲୁମିନିୟମର ଲାଞ୍ଜିଗଡ଼ ୟୁନିଟ୍ ପରିସରରୁ ନିର୍ଗତ ହେଉଥିବା ବର୍ଜ୍ୟବସ୍ତୁଗୁଡିକୁ ପ୍ରକ୍ରିୟାକରଣ କରାଯାଇ ନୂତନ ମାନର ଫ୍ଲାଏ ଆଶ୍ ଇଟା ଉତ୍ପାଦନ କରାଯାଉଛି। ଫଳରେ କମ୍ପାନୀ ନିକଟବର୍ତ୍ତୀ ଅଞ୍ଚଳର କ୍ଷୁଦ୍ରଶିଳ୍ପ ଉଦ୍ୟୋଗୀମାନେ ବେଶ୍ ଉପକୃତ ଓ ଲାଭବାନ ହେଉଛନ୍ତି। ବିଶେଷକରି କମ୍ପାନୀର ମେଟାଲର୍ଜିକାଲ ଗ୍ରେଡ୍ ଆଲୁମିନା ଉତ୍ପାଦନକାରୀ ବର୍ଜ୍ୟବସ୍ତୁକୁ ସମ୍ପଦରେ ପରିଣତ ପାଇଁ ସ୍ଥାନୀୟ ଏମ୍ଏସ୍ଏମ୍ଇକୁ ପ୍ରୋତ୍ସାହିତ କରୁଛି। ଏପରିକି କମ୍ପାନୀ ସ୍ଥାନୀୟ ଇଟା ଉତ୍ପାଦନକାରୀଙ୍କୁ ଚୂନ ଗ୍ରୀଟ୍ ମଧ୍ୟ ଯୋଗାଇଦେଇ ଆସୁଛି। ଏହାଦ୍ୱାରା ଶିଳ୍ପ ଉପ ଦ୍ରବ୍ୟକୁ ଏକ ବୃତ୍ତିଗତ ଅର୍ଥନୀତି ପାଇଁ ମୂଲ୍ୟଯୁକ୍ତ ଉପତ୍ାଦରେ ପରିଣତ ହେବାରେ ସହାୟତା ମଧ୍ୟ ମିଳୁଛି। ସେହିଭଳି ଆଲୁମିନା (ଆଲୁମିନିୟମ ଅକ୍ସାଇଡ୍) ଉପତ୍ାଦନ ଲାଗି ଚୂନ ଗ୍ରୀଟ୍ ବକ୍ସାଇଟର ଏକ ଉପ ଉତ୍ପାଦ ଭାବେ ଗ୍ରହଣ କରାଯାଇଥାଏ। ବେଦାନ୍ତ ଲାଞ୍ଜିଗଡ଼ ପ୍ରତି ବର୍ଷ ୧୦,୫୦୦ ମେଟ୍ରିକ ଟନ୍ ଚୂନ ଗ୍ରୀଟ୍ ଉତ୍ପାଦନ କରିଥାଏ। ଯେଉଁଥିରୁ ପ୍ରାୟ ଅଧା କାରଖାନା ମଧ୍ୟରେ ପୁନଃ ବ୍ୟବହାର କରାଯାଇଥାଏ। ଜିପ୍ସମ୍ ପରି ସମାନ ଗୁଣ ସହ ଚୂନ ଗ୍ରୀଟ୍ ହେଉଛି ଶକ୍ତି ଓ ଗୁଣରେ ଇଟା ତିଆରି ପାଇଁ ଏକ ଭଲ ବିକଳ୍ପ ଭାବେ ଉପଲବ୍ଧ। ଏହା ବ୍ୟତୀତ ଗ୍ରାମୀଣ ଶିଳ୍ପଗୁଡ଼ିକ ଲାଭବାନ ହୋଇପାରିବେ। କିଛି ବର୍ଷ ହେଲା କମ୍ପାନୀ ସହଯୋଗରେ ୨୦ରୁ ଅଧିକ ଏମ୍ଏସ୍ଏମ୍ଇ କାର୍ଯ୍ୟ କରୁଛନ୍ତି ବୋଲି ବେଦାନ୍ତ ଲିମିଟେଡ୍ର ଡେପୁଟି ସିଇଓ (ଆଲୁମିନା ବିଜ୍ନେସ) ଜି. ଜି. ପାଲ ମତ ପ୍ରକାଶ କରିଛନ୍ତି।
