ଭୁବନେଶ୍ୱର,୭।୧୧: ଚଳିତ ବର୍ଷର ପାର୍ବଣ ଅବସରରେ ଉତ୍କଳ କନିକା ଗ୍ୟାଲେରିଆ ମଲ୍ ଏବଂ ଏଚ୍ଡିଏଫ୍ସି ବ୍ୟାଙ୍କର ମିଳିତ ଆନୁକୂଲ୍ୟରେ ଏକ ସ୍ବତନ୍ତ୍ର କାର୍ଯ୍ୟକ୍ରମ ‘ଖୁସିୟେଁା କା ତ୍ୟୋହାର’(ଲକି ଡ୍ର)ର ଆୟୋଜନ କରାଯାଇଥିଲା। ଏହି ଅବସରରେ ଓଡ଼ିଆ ଅଭିନେତା ଆକାଶ ଦାସ ନାୟକ ମୁଖ୍ୟ ଅତିଥି ଭାବେ ଯୋଗଦେଇ ଲି ଡ୍ର’ର ବିଜେତା ନିରୋଜ ନାୟକଙ୍କୁ ‘ହିରୋ ପ୍ଲେଜର’ ପ୍ରଦାନ ସମେତ ଅନ୍ୟ ଭାଗ୍ୟଶାଳୀ ଗ୍ରାହକମାନଙ୍କୁ ମଧ୍ୟ ପୁରସ୍କୃତ କରିଥିଲେ। ସେହିପରି ଅମିତ୍ କୁମାର ସାହୁଙ୍କୁ ସୁନା କାନଫୁଲ, ରାଜଦୀପ୍ ଖଟୁଆଙ୍କୁ ଏଲଇଡି ଟିଭି, ଦେବାଶିଷ ନାୟକଙ୍କୁ ଫ୍ରିଜ୍, କୁମାର ଶତ୍ରୁଘନଙ୍କୁ ୱାଶିଂମେଶିନ୍ ଏବଂ ସୀତା ସୁବୁଦ୍ଧିଙ୍କୁ ମାଇକ୍ରୋୱେଭ୍ ସହ ଅନ୍ୟମାନଙ୍କୁ ମଧ୍ୟ ପୁରସ୍କାର ପ୍ରଦାନ କରାଯାଇଥିଲା।
କେବଳ ସେତିକି ନୁହେଁ ଜେ ଆଣ୍ଡ ଟି ଜୁଏଲର୍ସ ପକ୍ଷରୁ ୧୫ଗ୍ରାହକଙ୍କୁ ୧ଗ୍ରାମ୍ର ସୁନା ମୁଦ୍ରା ଏବଂ ୪୫ଜଣଙ୍କୁ ୫ ଗ୍ରାମର ରୁପା ମୁଦ୍ରା ବଣ୍ଟନ କରାଯାଇଥିଲା। ଅନ୍ୟମାନଙ୍କ ମଧ୍ୟରେ ଉତ୍କଳ ବିଲ୍ଡରର ପ୍ରତିଷ୍ଠାତା ସୁବାସ ଭୁରା, ଏମଡି ଶରଦ ବୈଦ ଏବଂ ନିର୍ଦ୍ଦେଶକ ଅମିତ୍ ବୈଦ, ଉତ୍କଳ କନିକା ଗ୍ୟାଲେରିଆ ମଲ୍ର ନିର୍ଦ୍ଦେଶିକା ପୂର୍ଣ୍ଣିମା ବୈଦ, ମଲ୍ର ଜିଏମ କ୍ରିଷ୍ଣେନ୍ଦୁ ପଣ୍ଡିତ,ଏଚ୍ଡିଏଫ୍ସି ବ୍ୟାଙ୍କର ଓଡ଼ିଶା ଭାଇସ୍ ପ୍ରେସିଡେଣ୍ଟ ଅନନ୍ତ ପଟ୍ଟନାୟକ, ଜେ ଆଣ୍ଡ ଟି ଜୁଏଲର୍ସର ନିର୍ଦ୍ଦେଶକ ସୁରେଶ ଚୌଧୁରୀ ଓ ମଧୁଶ୍ରୀ ଚୌଧୁରୀ ପ୍ରମୁଖ ଉପସ୍ଥିତ ଥିଲେ ା ଉକ୍ତ ପୁରସ୍କାର ବିତରଣ କାର୍ଯ୍ୟକ୍ରମକୁ ମଲ୍ର ମାର୍କେଟିଂ ମୁଖ୍ୟ ଦୁଲାଲ ଚନ୍ଦ୍ର ସାହୁ ପରିଚାଳନା କରିଥିଲେ।
