ହିରୋର ଅଫ୍‌-ରୋଡ୍‌ ରାଇଡିଂ ଉଦ୍‌ଯାପିତ
9:58 amNovember 9, 2022November 9, 2022 / 41

ନୂଆଦିଲ୍ଲୀ, ୯।୧୧: ହିରୋ ମୋଟୋକର୍ପ ପକ୍ଷରୁ ଅଫ୍‌-ରୋଡ୍‌ ରାଇଡିଂ ଚାମ୍ପିୟନ ସମ୍ପର୍କରେ ଘୋଷଣା କରାଯାଇଛି। ଏପରିକି ଦେଶବ୍ୟାପୀ ଦୀର୍ଘ ୪ମାସର ପ୍ରତିଯୋଗିତା ପରେ ଉକ୍ତ ପ୍ରତିଯୋଗିତାର ବିଜେତାଙ୍କ ନାମ ଘୋଷଣା କରାଯାଇଛି। ସେହିଭଳି ଉକ୍ତ ପ୍ରତିଯୋଗିତାରେ ଅସଦ ଖାନ୍‌ ଚାମ୍ପିୟନ ହୋଇଥିବାବେଳେ ରାକେଶ ଏନ୍‌ ଏବଂ ଗିଦିୟୁନ ଯଥାକ୍ରମେ ପ୍ରଥମ ଏବଂ ଦ୍ୱିତୀୟ ରନର୍ସ ଅପ୍‌ ହୋଇଛନ୍ତି। ଏହି ପରିପ୍ରେକ୍ଷୀରେ ଉପରୋକ୍ତ ବିଜେତାଙ୍କୁ ଲୋକପ୍ରିୟ ହିରୋ ଏକ୍ସପ୍ଲସ୍‌-୨୦୦ ୪-ଭି ମୋଟରସାଇକେଲ ସହ ଯଥାକ୍ରମେ ୧୦ ଲକ୍ଷ, ୬ଲକ୍ଷ ଏବଂ ୪ ଲକ୍ଷ ଟଙ୍କାର ଅର୍ଥ ରାଶି ସହ ସ୍ପନସରଶିପ୍‌ କଣ୍ଟ୍ରାକ୍ଟ ମଧ୍ୟ ପ୍ରଦାନ କରାଯାଇଥିଲା। ସେହିପରି ଓଲେସେ ଡିଆସ୍‌ ଶ୍ରେଷ୍ଠ ମହିଳା ଅଫ୍‌-ରୋଡ୍‌ ଚାଳକ ଭାବେ ସମ୍ମାନିତ ହୋଇଛନ୍ତି। ଉକ୍ତ ପ୍ରତିଯୋଗିତା ଏମ୍‌ଟିଭି ଏବଂ ଭୁଟ୍‌ରେ ଟେଲିକାଷ୍ଟ କରାଯାଇଥିଲା। ସମଗ୍ର ରେସ୍‌ ଏବଂ ପ୍ରତିଯୋଗିତା ଅଭିଜ୍ଞତା ହିରୋ ମୋଟୋକର୍ପର ବିଶ୍ୱସ୍ତରୀୟ ଆର୍‌ ଆଣ୍ଡ ଡି ହବ୍‌ ଇନୋଭେଶନ ଏବଂ ଜ୍ଞାନକୌଶଳ କେନ୍ଦ୍ର ଜୟପୁର ଦ୍ୱାରା କରାଯାଇଥିଲା। ଅପରପକ୍ଷରେ ଫାଇନାଲ ୱିକ୍‌ ହିରୋ ମୋଟୋସ୍ପୋର୍ଟସ ଟିମ୍‌ ରାଲି ଦ୍ୱାରା ସମ୍ପନ୍ନ ହୋଇଥିଲା। ଉକ୍ତ ପ୍ରତିଯୋଗିତା ପାଇଁ ଗତ କିଛି ମାସ ମଧ୍ୟରେ ୧,୦୦,୦୦୦ରୁ ଅଧିକ ପ୍ରତିଯୋଗୀ ନାମ ପଞ୍ଜୀକରଣ କରିଥିଲେ। ଚଳିତ ବର୍ଷ ଜୁଲାଇରେ ଉକ୍ତ ପ୍ରତିଯୋଗିତାର ଶୁଭାରମ୍ଭ ସହ ଦେଶର ୪୧ ସହରରେ ୪ସ୍ତରୀୟ ପ୍ରତିଯୋଗିତା ପରେ ଶ୍ରେଷ୍ଠ ୨୦ଜଣଙ୍କୁ ଶର୍ଟଲିଷ୍ଟ କରାଯାଇଥିଲା। ଏ ସମ୍ପର୍କରେ ହିରୋ ମୋଟୋକର୍ପର ଚିଫ୍‌ ଗ୍ରୋଥ୍‌ ଅଫିସର ରଞ୍ଜିଭିଜିତ୍‌ ସିଂ କହିଛନ୍ତି, ହିରୋ ଡାର୍ଟ ବାଇକିଂ ଚ୍ୟାଲେଞ୍ଜରେ ବୃଦ୍ଧି ପାଉଥିବା ଉତ୍ସାହ ଏବଂ ଅଂଶଗ୍ରହଣ ପ୍ରମାଣିତ କରୁଛି ଯେ, ଦେଶରେ ଅଫ୍‌-ରୋଡ୍‌ ରାଇଡିଂ ସେଗ୍‌ମେଣ୍ଟ ବଢ଼ିବାରେ ଲାଗିଛି।