ବିବାହ ପୂର୍ବରୁ ଏଠାରେ ସନ୍ତାନ ଜନ୍ମ କରିବା ରହିଛି ପରମ୍ପରା, କାରଣ ଜାଣିଲେ…
05 ଦିଲ୍ଲୀ, ମୁମ୍ବାଇ ଭଳି ବଡ଼ ସହରରେ ଯୁବତୀ/ଯୁବକମାନେ ବିବାହ ପୂର୍ବରୁ ଗୋଟିଏ ଘରେ ପରସ୍ପର ସହ ରହିବା ଏକ ସାଧାରଣ କଥା ହୋଇଗଲାଣି। ଏହାକୁ ଲିଭ୍ ଇନ୍ ରିଲେସନ୍ଶିପ୍ କୁହାଯାଏ। ତଥାପି ଛୋଟ ସହରଗୁଡିକରେ ଏହା ଏକ ପାପ ଭାବରେ ଦେଖାଯାଏ। ଅନେକ ଯୁବତୀ/ଯୁବକଙ୍କୁ ଏହା ନିଜ ଘରେ ଲୁଚାଇବାକୁ ପଡ଼େ। ଯଦି ଏହା ଏକ ଗାଁରେ ଘଟିଥାଏ, ତେବେ ଏପରି ପରମ୍ପରା ବିଷୟରେ ଶୁଣିବା ପରେ ତୁମ୍ବିତୋଫାନ ହୋଇଥାଏ। କିନ୍ତୁ ଆପଣ ଜାଣନ୍ତି କି ଭାରତରେ ଏପରି ଏକ ସ୍ଥାନ ଅଛି ଯେଉଁଠାରେ ଲିଭ୍-ଇନ ରିଲେସନ୍ଶିପ୍ ଅତି ସାଧାରଣ ଏବଂ ମାତାପିତା ନିଜ ପିଲାମାନଙ୍କୁ ଅନୁମତି ଦିଅନ୍ତି। କେବଳ ଏତିକି ନୁହେଁ, ଏଠାରେ ଯୁବତୀମାନେ ବିବାହ ପୂର୍ବରୁ ମଧ୍ୟ ମାଆ ହୁଅନ୍ତି।
ଆମେ ରାଜସ୍ଥାନ ଏବଂ ଗୁଜରାଟରେ ରହୁଥିବା ଗରାସିଆ ଜନଜାତି ବିଷୟରେ କହୁଛୁ। ଯଦି ଆପଣ ଏହି ଜନଜାତିର ପରମ୍ପରାକୁ ଅତି ନିକଟରୁ ଦେଖନ୍ତି ତେବେ ଆପଣ ଆଧୁନିକ ସମୟର ଭିଭ୍-ଇନ୍ ସମ୍ପର୍କର ଝଲକ ପାଇବେ। ଏହି ଜନଜାତିରେ ଯୁବତୀ ଏବଂ ସୁବକ ବିବାହ ବିନା ଏକାଠି ରୁହନ୍ତି।
ବିବାହ ପାଇଁ ଏଠାରେ ଦୁଇ ଦିନିଆ ମେଳା ଆୟୋଜିତ ହୋଇଥାଏ। ଝିଅ ଏବଂ ପୁଅମାନେ ଏହି ମେଳାରେ ଏକାଠି ହୁଅନ୍ତି। ଯଦି ସେମାନେ କାହାକୁ ପସନ୍ଦ କରନ୍ତି, ସେମାନେ ସେହି ବ୍ୟକ୍ତିଙ୍କ ସହିତ ମେଳାରୁ ପୁଅ ସହ ଯାଇଥାନ୍ତି। ତା’ପରେ ସେମାନେ ବିବାହ ନକରି ପରସ୍ପର ସହିତ ରହିବା ଆରମ୍ଭ କରନ୍ତି।ଏହି ସମୟ ମଧ୍ୟରେ, ସେମାନଙ୍କର ଏକ ସନ୍ତାନ ମଧ୍ୟ ହୋଇପାରେ ଯାହା ସେମାନଙ୍କର ଇଚ୍ଛା ଅନୁଯାୟୀ ଘଟେ। ତା’ପରେ ସେମାନେ ନିଜ ଗାଁକୁ ଫେରିଯାଆନ୍ତି ଏବଂ ସେମାନଙ୍କ ମାତାପିତା ସେମାନଙ୍କୁ ବିବାହ କରାଇଥାନ୍ତି।
ଏହି ଜନଜାତି ଦୀର୍ଘବର୍ଷ ହେଲା ବସବାସ କରିଆସୁଛନ୍ତି। ବିଶ୍ୱାସ କରାଯାଏ, ବର୍ଷେ ପୂର୍ବରୁ ଏହି ଜନଜାତିର ୪ ଭାଇ ଯାଇ ଅନ୍ୟତ୍ର ରହିଥିଲେ। ଏଥିମଧ୍ୟରୁ ୩ ଜଣ ଭାରତୀୟ ରୀତିନୀତି ଅନୁଯାୟୀ ବିବାହ କରିଥିଲେ, କିନ୍ତୁ ଜଣେ ଭାଇ ବିବାହ ନ କରି ଜଣେ ଝିଅ ସହିତ ଲିଭ୍-ଇନ ରିଲେସନ୍ଶିପ୍ରେ ରହିବାକୁ ଲାଗିଲେ। ସେହି ତିନି ଭାଇଙ୍କର କୌଣସି ସନ୍ତାନ ନ ଥିଲେ କିନ୍ତୁ ଚତୁର୍ଥ ଭାଇଙ୍କର ଏକ ସନ୍ତାନ ଥିଲା।ସେବେଠାରୁ ଏଠାରେ ଲିଭ୍-ଇନ୍ ପରମ୍ପରା ଆରମ୍ଭ ହୋଇଛି।