ରାଞ୍ଚି, ୪।୮ : ଝାଡଖଣ୍ଡରେ କଂଗ୍ରେସ ବିଧାୟକମାନଙ୍କୁ ଟଙ୍କା ଦେବା ପଛରେ କ’ଣ ରହସ୍ୟ ରହିଛି ଏବଂ କେଉଁ ଷଡଯନ୍ତ୍ର କରାଯାଇଛି ତାହାର ତଦନ୍ତ ପଣ୍ଚିମବଙ୍ଗ ସିଆଇଡି କରୁଛି। ଏନେଇ ଝାଡଖଣ୍ଡର ମୁଖ୍ୟମନ୍ତ୍ରୀ ହେମନ୍ତ ସୋରେନ କହିଛନ୍ତି ଯେ ସବୁକିଛି ପଛରେ ଭାଜପା ରହିଛି। ଏନଡିଟିଭି ସହ କଥାବାର୍ତ୍ତା କରି ସେ କହିଛନ୍ତି ଯେ ଭାଜପା ଚାହୁଁଛି ଯେ ଦେଶରେ ଅନ୍ୟ କୌଣସି ଦଳ କିମ୍ବା ବ୍ୟକ୍ତି କ୍ଷମତାରେ ରୁହନ୍ତୁ ନାହିଁ।
ଆମେ କ୍ଷମତାରେ ଥିବାରୁ ଭାଜପା ଆମ ସରକାରକୁ କ୍ଷମତାଚ୍ୟୁତ କରିବାକୁ ଚାହୁଁଛି। କିନ୍ତୁ ଲୋକମାନେ ଆମକୁ ନିର୍ବାଚିତ କରିଛନ୍ତି। ସେମାନଙ୍କର ପ୍ରତ୍ୟେକ ଆଶା ପୂରଣ କରିବାକୁ ଆମେ ସର୍ବଦା ଚେଷ୍ଟା କରିବୁ। ସୋରେନ କହିଛନ୍ତି ଯେ ତିନି ଜଣ କଂଗ୍ରେସ ବିଧାୟକ ଜେଲରେ ଅଛନ୍ତି ଏହା ଚିନ୍ତାର ବିଷୟ। ଏହି ପ୍ରୟାସ ଦୀର୍ଘ ସମୟ ଧରି ଚାଲିଥିଲା । ବର୍ତ୍ତମାନ ଅନୁସନ୍ଧାନ ପରେ ଏସମ୍ପର୍କରେ ସବୁ ଜଣା ପଡିବ। ଏହି ପ୍ରୟାସ ଭାଜପା ଶିବିରରୁ ଆରମ୍ଭ ହୋଇଛି ବୋଲି ସୋରେନ୍ କହିଛନ୍ତି।
ଭାଜପା ଗଣତନ୍ତ୍ର ଉପରେ ବିଶ୍ୱାସ ହରାଇଛନ୍ତି। ବର୍ତ୍ତମାନ ସେ ଧନବଳ ରାଜନୀତି ଉପରେ ଅଧିକ ନିର୍ଭର କରୁଛି। ଯେତେବେଳେ ସୋରେନଙ୍କୁ ପଚରାଯାଇଥିଲା ଯେ ସେ ଭାଜପାକୁ ଭୟ କରୁଛନ୍ତି କି? ସେ କହିଛନ୍ତି, ’ଭାଜପା ଏକ ରାଜନୈତିକ ଦଳ ଏବଂ ଆମେ ମଧ୍ୟ। ଏଥିରେ ଭୟଭୀତ ହେବାର ନାହିଁ କିମ୍ବା ଭୟ କରିବାର କିଛି ନାହିଁ । ଏହା ରାଜନୈତିକ ଶକ୍ତି ପ୍ରଦର୍ଶନ କରିବାର ବିଷୟ ।
