ହରାରେ,୩।୯: ଜିମ୍ବାୱେର ପୂର୍ବତନ କ୍ରିକେଟର ହିଥ୍ ଷ୍ଟ୍ରିକଙ୍କ ପରଲୋକ ଘଟିଛି। ୪୯ ବର୍ଷ ବୟସରେ ସେ ଦୁନିଆରୁ ବିଦାୟ ଦେଇଛନ୍ତି। ଏଥର ତାଙ୍କ ଦେହାନ୍ତ ଖବର ସମ୍ପୂର୍ଣ୍ଣ ସଠିକ। କାରଣ ମୃତ୍ୟୁ ଖବର ତାଙ୍କ ପରିବାର ପରିବାର ଦ୍ୱାରା ନିଶ୍ଚିତ ହୋଇଛି। ଏହାପୂର୍ବରୁ ତାଙ୍କ ଦେହାନ୍ତ ବିଷୟରେ ଗୁଜବ ପ୍ରଚାରିତ ହୋଇଥିଲା। ଏଥିରେ ହିଥ୍ ଷ୍ଟ୍ରିକ ନିଜେ କ୍ରୋଧ ପ୍ରକାଶ କରିଥିଲେ।
ହିଥ୍ ଷ୍ଟ୍ରିକଙ୍କ ସ୍ତ୍ରୀ ନାଦିନ ଫେସବୁକ ମାଧ୍ୟମରେ ହିଥ ଷ୍ଟ୍ରିକଙ୍କ ମୃତ୍ୟୁ ଖବରକୁ ନିଶ୍ଚିତ କରିଛନ୍ତି। ସୂଚନା ବାଣ୍ଟିବାବେଳେ ନାଦିନ ଏକ ସୁନ୍ଦର ବାର୍ତ୍ତା ଲେଖିଥିଲେ।
ଜିମ୍ବାୱେ ପାଇଁ ଅନ୍ତର୍ଜାତୀୟ କ୍ୟାରିୟରରେ ହିଥ ଷ୍ଟ୍ରିକ ୬୫ ଟେଷ୍ଟ ଏବଂ ୧୮୯ଟି ଦିନିକିଆ ମ୍ୟାଚ ଖେଳିଥିଲେ। ନଭେମ୍ବର ୧୯୯୩ରେ ସେ ଜିମ୍ବାୱେ ପାଇଁ ଅନ୍ତର୍ଜାତୀୟ ସ୍ତରରେ ଡେବ୍ୟୁ କରିଥିଲେ। ହିଥ୍ ବହୁତ ଭଲ ଅଲରାଉଣ୍ଡର ଥିଲେ। ସେ ଟେଷ୍ଟର ୧୦୨ ଇନିଂସରେ ବୋଲିଂ କରି ହାରାହାରି ୨୮.୧୪ରେ ୨୧୬ ଉଇକେଟ ନେଇଥିଲେ। ଟେଷ୍ଟର ୧୦୭ ଇନିଂସରେ ବ୍ୟାଟିଂ କରୁଥିବାବେଳେ ହେଥ ହାରାହାରି ୨୨.୩୫ରେ ୧୯୯୦ ରନ ସଂଗ୍ରହ କରିଥିଲେ। ଏହି ସମୟ ମଧ୍ୟରେ ସେ ଗୋଟିଏ ଶତକ ଏବଂ ୧୧ ଅର୍ଦ୍ଧଶତକ ହାସଲ କରିଥିଲେ।
https://www.facebook.com/nadine.streak/posts/10161441615497392
