ମୁମ୍ବାଇ: କିଛି ଦିନ ପୂର୍ବରୁ ବଲିଉଡ୍ ସୁପରଷ୍ଟାର ସଲମାନ ଖାନ୍ ଏବଂ ପୂଜା ହେଗଡେଙ୍କ ସମ୍ପର୍କକୁ ନେଇ ଚର୍ଚ୍ଚା ଜୋର ଧରିଥିଲା। ଦୁହେଁ ଦୁହିଁଙ୍କୁ ଡେଟ୍ କରୁଛନ୍ତି ବୋଲି ଗୁଜବ ସୃଷ୍ଟି ହୋଇଥିଲା। ଯାହାକୁ ନେଇ ସଲମାନଙ୍କ ଜଣେ ବନ୍ଧୁ ଏହି ଗୁଜବ ଉପରେ ପ୍ରତିକ୍ରିୟା ରଖିଛନ୍ତି। ସେ କହିଛନ୍ତି, ଯେଉଁମାନେ ଏପରି ହାସ୍ୟାସ୍ପଦ ଖବର ପ୍ରଚାର କରୁଛନ୍ତି, ସେମାନଙ୍କୁ ଖରାପ ଲାଗିବା କଥା। ପୂଜା ହେଗଡେ ସଲମାନଙ୍କ ଝିଅ ବୟସର ହେବେ। କେବଳ ଯେହେତୁ ସେମାନେ ଏକାଠି ଫିଲ୍ମ କିସି କା ଭାଇ କିସି କି ଜାନ୍ କାମ କରୁଛନ୍ତି। ହେଲେ କିଛି ମୂର୍ଖ ଭାବନ୍ତି ଏହା ଫିଲ୍ମ ପାଇଁ ଏକ ଭଲ ପ୍ରମୋଶନ। କିନ୍ତୁ ଏହା ଲଜ୍ଜାଜନକ ଅଟେ। ବନ୍ଧୁ ଆହୁରି କହିଛନ୍ତି, ସଲମାନ ଖାନ ଏଭଳି ଗୁଜବ ବିଷୟରେ ଚିନ୍ତା କରନ୍ତି ନାହିଁ।
ସଲମାନ ଖାନଙ୍କ ବହୁ ପ୍ରତୀକ୍ଷିତ ଫିଲ୍ମ ‘କିସି କା ଭାଇ କିସି କି ଜାନ୍’ ଖୁବ୍ଶୀଘ୍ର ରିଲିଜ୍ ହେବାକୁ ଯାଉଛି। ଫରହାଦ ସମ୍ଜି ନିର୍ଦ୍ଦେଶିତ ଫିଲ୍ମରେ ଟେଲି ଅଭିନେତ୍ରୀ ଶ୍ୱେତା ତିୱାରୀଙ୍କ ଝିଅ ପଲକ ତିୱାରୀ ଏବଂ ବିଗ୍ବସ୍ ୧୩ ଫେମ୍ ଶାହନାଜ ଗିଲଙ୍କ ଭଳି କିଛି ନୂଆ ଚେହେରାଙ୍କୁ ମଧ୍ୟ ଦେଖିବାକୁ ମିଳିବ।
