ଆମେରିକା ଉପରାଷ୍ଟ୍ରପତି ହେବା ପରେ ପ୍ରଥମ କରି ବିଦେଶ ଯାତ୍ରାରେ ବାହାରିଥିବା କମଲା ହାରିସ୍ଙ୍କ ବିମାନ ଯାନ୍ତ୍ରିକ ତ୍ରୁଟି ଯୋଗୁ ଅଧା ବାଟରୁ ଫେରିଆସିଛି। ହାରିସ୍ ରବିବାର ଗୁଏତ୍ମାଲା ଏବଂ ମେକ୍ସିକୋ ଯିବାକୁ ବାହାରିବାର ଅଧଘଣ୍ଟା ପରେ ଯାନ୍ତ୍ରିକ ତ୍ରୁଟି ଦେଖାଯିବାରୁ କ୍ରିଉ ମେମ୍ବର ପ୍ଲେନ୍କୁ ମେରିଲାଣ୍ଡର ଜଏଣ୍ଟ ବେସ୍ ଆଣ୍ଡ୍ର୍ୟସ୍କୁ ଫେରାଇ ଆଣିଥିଲେ। ପରେ ହାରିସ୍ ଅନ୍ୟ ବିମାନରେ ଗସ୍ତରେ ବାହାରିଯାଇଥିଲେ। ହାରିସ୍ଙ୍କ ଏହି ଗସ୍ତ ଆମେରିକା ଓ ଉକ୍ତ ଦୁଇ ଦେଶ ମଧ୍ୟରେ ସମ୍ପର୍କ ମଜଭୁତ କରିବ ବୋଲି ଆଶା କରାଯାଉଛି। ବିଶେଷ କରି ଏହି ଦୁଇ ଦେଶରୁ ପ୍ରବାସୀମାନେ ବ୍ୟାପକ ସଂଖ୍ୟାରେ ବେଆଇନ ଭାବେ ଆମେରିକାକୁ ଆସିବା ହ୍ବାଇଟ୍ ହାଉସ୍ ପାଇଁ ଚିନ୍ତାର କାରଣ ହୋଇଛି।