ଟାରିଫ୍‌ ପରେ ଏବେ ଭିଜା ‘ବୋମା’: ଟ୍ରମ୍ପ ବଢ଼ାଇଲେ H-1B ଭିଜା ଶୁଳ୍କ, ଭାରତୀୟଙ୍କୁ ବଡ଼ ଝଟ୍‌କା! ଜାଣନ୍ତୁ…

ଓ୍ବାଶିଂଟନ,୨୦।୯: ଅମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଟାରିଫ ଲଗାଇବା ପରେ ଏବେ ‘ଭିଜା ବୋମା’ ଛାଡ଼ିଛନ୍ତି। କହିବାର ଅର୍ଥ ସେ H-1B ଭିଜା ନିୟମକୁ ନେଇ ବଡ଼ ଘୋଷଣା କରିଛନ୍ତି, ଯାହାକୁ ନେଇ ଭାରତୀୟଙ୍କ ମୁଣ୍ଡବିନ୍ଧା ବଢ଼ିଯାଇଛି।
ଟ୍ରମ୍ପ ଶୁକ୍ରବାର ଏକ ଘୋଷଣାପତ୍ରରେ ହସ୍ତାକ୍ଷର କରିଛନ୍ତି, ଯାହା ଅନୁଯାୟୀ H-1B ଭିଜା ଆବେଦନ ଶୁଳ୍କକୁ ବାର୍ଷିକ ୧୦୦,୦୦୦ ଆମେରିକୀୟ ଡଲାର ପର୍ଯ୍ୟନ୍ତ ବୃଦ୍ଧି କରାଯିବ। ଭାରତୀୟ ମୁଦ୍ରାରେ ଏହା ନୂଆ ଆବେଦନ ପାଇଁ ପ୍ରତିବର୍ଷ ୮୮ ଲକ୍ଷ ଟଙ୍କା ଆଦାୟ କରିବ। ବର୍ତ୍ତମାନ H-1B ଭିଜା ଆବେଦନ ଶୁଳ୍କ ୧ରୁ ୬ ଲକ୍ଷ ଟଙ୍କା ପର୍ଯ୍ୟନ୍ତ ରହିଛି।
ଟ୍ରମ୍ପଙ୍କ ଏହି ନିଷ୍ପତ୍ତି ଅନେକ ପ୍ରଶ୍ନ ଉଠାଇଛି। ଯେପରିକି ନୂଆ H-1B ଭିଜା ଆବେଦନ ନିୟମ କ’ଣ? ଅମେରିକା କାହିଁକି ଏହି ନିଷ୍ପତ୍ତି ନେଇଛି? ଏହାର ସିଧା ପ୍ରଭାବ ଭାରତୀୟଙ୍କ ଉପରେ କାହିଁକି ପଡ଼ିବ? H-1B  ଭିଜା ଆବେଦନର ନୂଆ ନିୟମ କ’ଣ? ଆସନ୍ତୁ H-1B  ଭିଜା ସହ ଜଡ଼ିତ ସମସ୍ତ ପ୍ରଶ୍ନର ଉତ୍ତର ଜାଣିବା।
H-୧B ଭିଜା ଆବେଦନର ନୂଆ ନିୟମ କ’ଣ?
ଟ୍ରମ୍ପ ପ୍ରଶାସନ ଘୋଷଣା କରିଛି ଯେ H-୧B ଭିଜା ପାଇଁ ଆବେଦନ କରୁଥିବା ଯେକୌଣସି ବ୍ୟକ୍ତିଙ୍କୁ ଆବେଦନ ପ୍ରକ୍ରିୟା ପାଇଁ ପ୍ରତିବର୍ଷ ୧୦୦,୦୦୦ ଡଲାର (ଭାରତୀୟ ମୁଦ୍ରାରେ ୮୮ ଲକ୍ଷ ଟଙ୍କା) ଶୁଳ୍କ ଦେବାକୁ ପଡ଼ିବ।
ଗୁରୁତ୍ୱପୂର୍ଣ୍ଣ ଯେ, ଏହି ନିୟମ ନୂଆ ଆବେଦନ ସହ ବର୍ତ୍ତମାନ ଚାଲୁଥିବା ଆବେଦନଗୁଡ଼ିକ ଉପରେ ମଧ୍ୟ ଲାଗୁ ହେବ। ଏହି ନୂଆ ଶୁଳ୍କ ବର୍ତ୍ତମାନର ଶୁଳ୍କର ଅତିରିକ୍ତ ହେବ, ଯାହାକି ବହୁତ କମ। ବର୍ତ୍ତମାନର H-1B  ଶୁଳ୍କରେ ବାର୍ଷିକ ଲଟେରୀ ପାଇଁ ୨୧୫ ଡଲାରର ପଞ୍ଜିକରଣ ଶୁଳ୍କ ଏବଂ ଅନ୍ୟ ଆବେଦନ ଶୁଳ୍କ ସାମିଲ ରହିଛି।
H-୧B ଭିଜା ଧାରକମାନଙ୍କୁ ଭିଜା ପାଇଁ କରାଯାଇଥିବା ପେମେଣ୍ଟର ସାର୍ଟିଫିକେଟ ରଖିବାକୁ ପଡ଼ିବ। ଭିଜା ପ୍ରକ୍ରିୟା ସମୟରେ ରାଜ୍ୟ ସଚିବ ଏହା ନିଶ୍ଚିତ କରିବେ ଯେ ପେମେଣ୍ଟ ହୋଇଛି କି ନାହିଁ। ଯଦି ପେମେଣ୍ଟ ହୋଇ ନ ଥାଏ, ତେବେ ଯାଚିକାକୁ ରାଜ୍ୟ ବିଭାଗ କିମ୍ବା ହୋମଲ୍ୟାଣ୍ଡ ସୁରକ୍ଷା ବିଭାଗ (DHS) ଦ୍ୱାରା ପ୍ରତ୍ୟାଖ୍ୟାନ କରାଯିବ।
ଭାରତୀୟଙ୍କ ଉପରେ କ’ଣ ପ୍ରଭାବ ପଡ଼ିବ?
ଭାରତ ଅମେରିକାକୁ ସାମଗ୍ରୀ ଅପେକ୍ଷା ଅଧିକ ସ୍କିଲ୍ଡ ୱାର୍କର୍ସ ଏକ୍ସପୋର୍ଟ କରେ। ଅମେରିକାର ଆଧିକାରୀକ ଆକଳନ ଅନୁଯାୟୀ, H-୧B ଭିଜା ପାଇଥିବା ଲୋକମାନଙ୍କ ମଧ୍ୟରେ ୭୧% ଭାରତରୁ ଥିବା ବେଳେ ଯେତେବେଳେ ଚାଇନା ୧୧.୭% ସହ ଦ୍ୱିତୀୟ ସ୍ଥାନରେ ରହିଛି। ତେଣୁ କୁହାଯାଉଛି ଯେ ଟ୍ରମ୍ପଙ୍କ ନୂଆ ନିୟମର ସବୁଠାରୁ ଅଧିକ ପ୍ରଭାବ ଭାରତୀୟଙ୍କ ଉପରେ ପଡ଼ିବ। ଯେଉଁଠି H-1B ଭିଜା ପାଇଁ ଭାରତୀୟମାନେ ୬ ଲକ୍ଷ ଟଙ୍କା ଖର୍ଚ୍ଚ କରୁଥିଲେ, ସେମାନେ ଏବେ ୮୮ ଲକ୍ଷ ଟଙ୍କା ଦେବେ।
ଏହି ନୂଆ ପରିବର୍ତ୍ତନ ଯୋଗୁ ଇନ୍‌ଫୋସିସ, ଟିସିଏସ୍‌ ଏବଂ ୱିପ୍ରୋ ଭଳି ଭାରତୀୟ ଆଇଟି କମ୍ପାନୀଗୁଡ଼ିକ ଉପରେ ବଡ଼ ପ୍ରଭାବ ପଡ଼ିବ। ଏହି କମ୍ପାନୀଗୁଡ଼ିକ H-1B ଭିଜାର ବ୍ୟବହାର କରି ଜୁନିୟର୍‌ ଏବଂ ମିଡ-ଲେଭେଲ ଇଞ୍ଜିନିୟର୍ସମାନଙ୍କୁ ଅମେରିକୀୟ କ୍ଲାଏଣ୍ଟ ପ୍ରୋଜେକ୍ଟ ଏବଂ ସ୍କିଲ ଡେଭଲପ୍‌ମେଣ୍ଟ ପାଇଁ ଅମେରିକା ପଠାଇଥାଆନ୍ତି। ଏହି ନୂଆ ପରିବର୍ତ୍ତନରୁ ଭାରତୀୟ ପ୍ରୋଫେଶନାଲ୍‌ମାନେ ଅମେରିକା ବଦଳରେ ୟୁରୋପୀୟ ଦେଶଗୁଡ଼ିକରେ ଯାଇ କାମ କରିବାକୁ ଅଧିକ ପସନ୍ଦ କରିବେ।
କିଏ H-1B ଭିଜା ପାଇଁ ଆବେଦନ କରିପାରିବ?
H-୧B ଭିଜା ପାଇଁ ଯେକୌଣସି ସାଧାରଣ ବ୍ୟକ୍ତି ଆବେଦନ କରିପାରିବେ ନାହଁ, କାରଣ ଏହା କମ୍ପାନୀ ପକ୍ଷରୁ କରାଯାଏ।
– ଆବେଦନକାରୀଙ୍କର ୧୨ ବର୍ଷର କାର୍ଯ୍ୟ ଅନୁଭବ ଥିବା ଉଚିତ। କିଛି ସର୍ତ୍ତ ସହିତ ଏଥିରେ ଛାଡ଼ ମଧ୍ୟ ଦିଆଯାଏ।
– ଆବେଦନକାରୀ ଯେଉଁ କାମ ପାଇଁ ଡାକରା ପାଇଛନ୍ତି, ସେଥିରେ ଦକ୍ଷ ହେବା ଉଚିିତ।
– ବେତନ ଅତି କମ ୪୦ ଲକ୍ଷ ଟଙ୍କା ବାର୍ଷିକ ହେବା ଉଚିତ।
– ଆବେଦନକାରୀଙ୍କର ଅମେରିକାର ବ୍ୟାଚଲର୍‌ ଡିଗ୍ରୀ କିମ୍ବା ବିଦେଶୀ ବିଶ୍ୱବିଦ୍ୟାଳୟରୁ ଯାହା ଅମେରିକାର ବ୍ୟାଚଲର୍‌ ଡିଗ୍ରୀର ସମକକ୍ଷ ରହିବା ଉଚିତ।
ଟ୍ରମ୍ପ ପ୍ରଶାସନ କ’ଣ ଯୁକ୍ତି ଦେଇଛି?
-ଟ୍ରମ୍ପ ପ୍ରଶାସନ କହିଛି ଯେ ଏହି ପଦକ୍ଷେପର ଉଦ୍ଦେଶ୍ୟ ଦେଶକୁ ଅଣାଯାଉଥିବା ଲୋକମାନେ “ବାସ୍ତବରେ ଅତ୍ୟଧିକ ଦକ୍ଷ” ହେବା ଏବଂ ଅମେରିକୀୟ କର୍ମଚାରୀଙ୍କ ସ୍ଥାନ ନ ନେବା।
-ଟ୍ରମ୍ପଙ୍କ ଅଭିଯୋଗ ଅନୁଯାୟୀ, ଭାରତ ଏବଂ ଚାଇନାର ଲୋକମାନଙ୍କ କାରଣରୁ ଅମେରିକାବାସୀମାନେ ନିଜ ଦେଶରେ କାମ ପାଇପାରୁନାହାନ୍ତି। ରାଷ୍ଟ୍ରପତି ହେବା ପୂର୍ବରୁ ସେ ନିର୍ବାଚନୀ ଅଭିଯାନରେ ମଧ୍ୟ ଏହି ବିଷୟକୁ ଉଠାଇଥିଲେ ଯେ ଯଦି ସେ ନିର୍ବାଚିତ ହୁଅନ୍ତି, ତେବେ ପ୍ରବାସୀଙ୍କ ଉପରେ ନିୟନ୍ତ୍ରଣ କରିବେ। ଟ୍ରମ୍ପ ଏବେ ତାହାହିଁ କରୁଛନ୍ତି।
-ଯଦିଓ ପ୍ରବାସୀଙ୍କ ଉପରେ ନିୟନ୍ତ୍ରଣ କରି ଟ୍ରମ୍ପ ନିଜେ ସାବାସୀ ଦେଉଥାନ୍ତି, କିନ୍ତୁ ବିଶେଷଜ୍ଞମାନଙ୍କ ମତ ଅନୁଯାୟୀ ଏହି ନିଷ୍ପତ୍ତିର ଅମେରିକୀୟ ଅର୍ଥନୀତି ଉପରେ ନକାରାତ୍ମକ ପ୍ରଭାବ ପଡ଼ିପାରେ, ବିଶେଷକରି ସେହି ଉଦ୍ୟୋଗଗୁଡ଼ିକରେ ଯାହା ବିଶ୍ୱବ୍ୟାପୀ ପ୍ରତିଭା ଉପରେ ନିର୍ଭରଶୀଳ।
H-1B  ଭିଜାର ଇତିହାସ କ’ଣ?
ଏବେ H-1B ଭିଜାର ଇତିହାସ ବିଷୟରେ ଜାଣିବା। ଏହାର ଆରମ୍ଭ ୧୯୯୦ରେ ଅମେରିକୀୟ ରାଷ୍ଟ୍ରପତି ଜର୍ଜ ବୁଶଙ୍କ କାର୍ଯ୍ୟକାଳରେ ହୋଇଥିଲା। ସରକାରଙ୍କ ଉଦ୍ଦେଶ୍ୟ ଥିଲା ଯେ ଅମେରିକୀୟ କମ୍ପାନୀଗୁଡ଼ିକରେ ବିଶ୍ୱର ସର୍ବୋତ୍ତମ ସ୍କିଲ୍ଡ ୱାର୍କର୍ସ କାମ କରନ୍ତୁ। ଏବେ କିନ୍ତୁ ଟ୍ରମ୍ପଙ୍କୁ ନୂଆ ନିଷ୍ପତ୍ତି ଟେକ୍‌ ଇଣ୍ଡଷ୍ଟ୍ରୀକୁ ବଡ଼ ଆଘାତ ପହଞ୍ଚାଇପାରେ, ଯାହା ଭାରତ ଏବଂ ଚାଇନାରୁ ଆସୁଥିବା କର୍ମୀଙ୍କ ଉପରେ ନିର୍ଭରଶୀଳ। ଏହା ଆଗକୁ ଆଇନଗତ ଚ୍ୟାଲେଞ୍ଜ ନଚେତ ବିରୋଧର ସାମ୍ନା କରିପାରେ।

Enter your email to get our daily news in your inbox.

All Right Reserved By Dharitri.Com

ଏହି କ୍ରିକେଟର୍‌ଙ୍କୁ ଟାର୍ଗେଟ କଲେ କୋହଲିଙ୍କ ଭାଇ: କହିଲେ, କରିବା ଅପେକ୍ଷା କହିବା ସହଜ

ନୂଆଦିଲ୍ଲୀ,୨୦।୧: ଭାରତୀୟ ଷ୍ଟାର କ୍ରିକେଟର୍‌ ବିରାଟ କୋହଲିଙ୍କ ଭାଇ ବିକାଶ କୋହଲି ପୁଣି ଥରେ ପୂର୍ବତନ ଭାରତୀୟ କ୍ରିକେଟର ଏବଂ ପ୍ରସିଦ୍ଧ ଭାଷ୍ୟକାର ସଞ୍ଜୟ ମାଞ୍ଜରେକରଙ୍କୁ...

ଚା’ ବଦଳରେ ସକାଳୁ ଏଥିରୁ ପିଅନ୍ତୁ ଗୋଟିଏ ଗ୍ଲାସ, ଉପକାରିତା ଜାଣିଲେ ଆଶ୍ଚର୍ଯ୍ୟ ହେବେ

ନୂଆଦିଲ୍ଲୀ: ଅଧିକାଂଶ ଭାରତୀୟଙ୍କ ସକାଳ ଗରମ ଚା’ ସହିତ ଆରମ୍ଭ ହୁଏ। ତଥାପି, ଖାଲି ପେଟରେ ଚା ପିଇବା ସ୍ବାସ୍ଥ୍ୟକର ନୁହେଁ। ଯଦି ଆପଣ ଏକ...

ଓଡ଼ିଶା ନାଁ ନେଇ ଏମିତି କଥା କହିଲେ ପ୍ରଧାନମନ୍ତ୍ରୀ ମୋଦି: ସବୁଠି ହେଉଛି ଚର୍ଚ୍ଚା

ନୂଆଦିଲ୍ଲୀ,୨୦।୧: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଭାଜପାର ନୂଆ ଅଧ୍ୟକ୍ଷ ନୀତିନ ନବୀନଙ୍କୁ ଅଭିନନ୍ଦନ ଜଣାଇଛନ୍ତି। ପ୍ରଧାନମନ୍ତ୍ରୀ ମୋଦି କହିଛନ୍ତି, ମୁଁ ବିଶ୍ୱର ସର୍ବବୃହତ ରାଜନୈତିକ ଦଳର...

US Tariff:‘ପଦ ଛାଡିବେ ଫ୍ରାନ୍ସ ରାଷ୍ଟ୍ରପତି’, କାହିଁକି ଏମିତି କହିଲେ ଟ୍ରମ୍ପ? ଜାଣନ୍ତୁ ସମ୍ପୂର୍ଣ୍ଣ ଖବର

ଓ୍ବାଶିଂଟନ,୨୦।୧: ଆମେରିକାର ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ଫରାସୀ ମଦ ଏବଂ ସାମ୍ପେନ ଉପରେ ୨୦୦ ପ୍ରତିଶତ ଶୁଳ୍କ ଲାଗୁ କରିବାକୁ ଧମକ ଦେଇଛନ୍ତି। ଫ୍ରାନ୍ସ ରାଷ୍ଟ୍ରପତି...

ପ୍ରମିଳାଙ୍କ ଘରେ ବୈଠକ ପରେ ପ୍ରୀତିରଞ୍ଜନ ଘଡ଼ାଇଙ୍କ ବିସ୍ଫୋରଣ, କହିଲେ ନିଜକୁ ବାଘ…

ଭୁବନେଶ୍ବର, ୨୦|୧ : ପ୍ରମିଳା ମଲ୍ଲିକଙ୍କ ଘରେ ପୁଣିଥରେ ଯାଜପୁର ବିଜେଡି ନେତାଙ୍କ ମେଳି ଦେଖିବାକୁ ମିଳିଛି । ପ୍ରଣବ ପ୍ରକାଶ ଦାସ, ପ୍ରଣବ ବଳବନ୍ତରାୟ, ପ୍ରୀତିରଞ୍ଜନ...

ନୀତିନ ନବୀନ କହିଲେ ରାଜନୀତି ଲଙ୍ଗ ମାରାଥନ, ଏଠି ସ୍ପିଡ ନୁହେଁ ଷ୍ଟାମିନାର ଟେଷ୍ଟ ହୋଇଥାଏ

ନୂଆଦିଲ୍ଲୀ,୨୦।୧: ଭାଜପାର ରାଷ୍ଟ୍ରୀୟ ଅଧ୍ୟକ୍ଷ ହେବା ପରେ, ନୀତିନ ନବୀନ ପ୍ରଥମ ଥର ପାଇଁ ଦଳୀୟ କର୍ମୀ ଏବଂ ନେତାମାନଙ୍କୁ ସମ୍ବୋଧିତ କରିଥିଲେ। ସେ କହିଥିଲେ...

ରାଜସ୍ବ ବିଭାଗର ବିଜ୍ଞପ୍ତି, ଓଡ଼ିଶାରେ ଏହି ତାରିଖରୁ ହେବ ପ୍ରଥମ ପର୍ଯ୍ୟାୟ ଜନଗଣନା

ଭୁବନେଶ୍ୱର, ୨୦|୧:  ଜନଗଣନା ନେଇ ରାଜସ୍ବ ବିଭାଗ ପକ୍ଷରୁ ପ୍ରକାଶ ପାଇଲା ବିଜ୍ଞପ୍ତି । ଓଡ଼ିଶାରେ ଏପ୍ରିଲ୍‌ ୧୬ରୁ ପ୍ରଥମ ପର୍ଯ୍ୟାୟ ଜନଗଣନା ଆରମ୍ଭ ହେବ...

ଭାରତୀୟ ରେଳବାଇର ନୂଆ ନିୟମ, ଟ୍ରେନରେ ଅଧିକ ଘିଅ ନେଇ ଯାତ୍ରା କଲେ ଜେଲ୍…

ନୂଆଦିଲ୍ଲୀ,୨୦।୧: ଯାତ୍ରୀଙ୍କ ପାଇଁ ଭାରତୀୟ ରେଳବାଇର ଅନେକ ନିୟମ ରହିଛି । କିଛି ନିୟମ ବିଷୟରେ ଅବଗତ ହେବା ଉଚିତ, କାରଣ ଏକ ଛୋଟ ଭୁଲ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri