ଶ୍ରୀନଗର, ୧୮ା୩: ପ୍ରଧାନମନ୍ତ୍ରୀଙ୍କ କାର୍ଯ୍ୟାଳୟ (ପିଏମ୍ଓ)ର ବରିଷ୍ଠ ପଦାଧିକାରୀ ପରିଚୟ ଦେଇ ୩ ଥର କଶ୍ମୀର ଉପତ୍ୟକାକୁ ଗସ୍ତ କରିଥିବା ଗୁଜରାଟର ଠକ କିରନ ପଟେଲଙ୍କୁ ଗତ ୩ ତାରିଖରେ ସୁରକ୍ଷା ବଳ ଗିରଫ କରିଛି। ତାଙ୍କ ଗସ୍ତ ବେଳେ କଡ଼ା ସୁରକ୍ଷା ବ୍ୟବସ୍ଥା ଗ୍ରହଣ କରାଯାଉଥିଲା। ତେବେ ନିର୍ଦ୍ଦିଷ୍ଟ ସୂତ୍ରରୁ ସୂଚନା ପାଇ ସୁରକ୍ଷା ଅଧିକାରୀମାନେ ଶ୍ରୀନଗରର ଏକ ପଞ୍ଚତାରକା ହୋଟେଲରୁ ତାଙ୍କୁ ଗିରଫ କରିଥିଲେ। ସ୍ଥାନୀୟ କୋର୍ଟ ଶୁକ୍ରବାର ତାଙ୍କୁ ୧୫ ଦିନ ପାଇଁ ବିଚାର ବିଭାଗୀୟ ହାଜତକୁ ପଠାଇଦେଇଛନ୍ତି। ପୋଲିସ ଅଭିଯୋଗ ଅନୁଯାୟୀ ଯଦି କିରନ ଉପତ୍ୟକାର ବିପଦପୂର୍ଣ୍ଣ ସ୍ଥାନକୁ ଯାଉଥିଲେ, ତେବେ ତାଙ୍କ ପକ୍ଷେ ପ୍ରୋଟୋକର ପରିଚାଳନା କିପରି ସମ୍ଭବ ହେଉଥିଲା ବୋଲି ତାଙ୍କ ଓକିଲ ପ୍ରଶ୍ନ କରିଛନ୍ତି। ଏହି ମାମଲାରେ କିରନଙ୍କ ବ୍ୟତୀତ ଅନ୍ୟ କେହି ସମ୍ପୃକ୍ତ ଥିବା ସେ ଅଭିଯୋଗ କରିଛନ୍ତି।
