ନୂଆଦିଲ୍ଲୀ,୧।୧୧: ଗତ କିଛି ଦିନ ହେବ ରାଜଧାନୀରେ ବାୟୁ ପ୍ରଦୂଷଣର ପରିସ୍ଥିତିକୁ ଦୃଷ୍ଟିରେ ରଖି ଦିଲ୍ଲୀ ସରକାର ଜିଆର୍ଏପି-୨(GRAP-2 )ଲାଗୁ କରିବାକୁ ନିଷ୍ପତ୍ତି ନେଇଛନ୍ତି। ଏହା ଆଜି ସକାଳଠାରୁ କାର୍ଯ୍ୟକାରୀ ହୋଇଛି। ଏହାର ଉଦ୍ଦେଶ୍ୟ ହେଉଛି ଦିଲ୍ଲୀରେ ପ୍ରଦୂଷଣକୁ ନିୟନ୍ତ୍ରଣ କରିବା। ବର୍ତ୍ତମାନ ଦିଲ୍ଲୀରେ ରହୁଥିବା ଏବଂ ନିଜ ଗାଡିରେ ରାଜଧାନୀ ଦେଇ ଯାଉଥିବା ଲୋକଙ୍କୁ ଜିଆର୍ଏପି-୨ ନିୟମ ପାଳନ କରିବାକୁ ପଡିବ।
ଦେଶର ରାଜଧାନୀରେ ପ୍ରଦୂଷଣ ବଢୁଥିବା ବିପଦକୁ ଦୃଷ୍ଟିରେ ରଖି ଦିଲ୍ଲୀ ସରକାରଙ୍କ ପରିବେଶ ମନ୍ତ୍ରୀ ଗୋପାଳ ରାୟ କହିଛନ୍ତି ଯେ ଜିଆର୍ଏପି-୨ର ବ୍ୟବସ୍ଥା କାର୍ଯ୍ୟକାରୀ ହେବା ପରେ ଅନ୍ୟ ରାଜ୍ୟର ଡିଜେଲ ବସ୍ ନଭେମ୍ବର ୨ତାରିଖରୁ ଦିଲ୍ଲୀରେ ପ୍ରବେଶ କରିପାରିବ ନାହିଁ। ଜିଆର୍ଏପି-୨ର ନିୟମକୁ ମଧ୍ୟ ଅନୁସରଣ କରିବାକୁ ପଡିବ। ଦିଲ୍ଲୀ ସରକାରଙ୍କ ପରିବହନ ବିଭାଗ ହରିୟାଣା, ଉତ୍ତରପ୍ରଦେଶ, ଉତ୍ତରପ୍ରଦେଶ, ହିମାଚଳ ପ୍ରଦେଶ, ରାଜସ୍ଥାନ ଏବଂ ପଞ୍ଜାବରୁ ନଭେମ୍ବର ୧ ରୁ ଡିଜେଲ ବସ୍ ଉପରେ କଟକଣା ଜାରି କରିଛି। ବର୍ତ୍ତମାନ କେବଳ ସେହି ଡିଜେଲ ବସ୍ ଦିଲ୍ଲୀରେ ପ୍ରବେଶ କରିବାକୁ ଅନୁମତି ପାଇବେ ଯାହା ବିଏସ୬ ବର୍ଗର। ଏହା ବ୍ୟତୀତ ସିଏନଜି ଏବଂ ଇଲେକ୍ଟ୍ରିକ ବସ୍ର ପ୍ରବେଶ ମଧ୍ୟ ରହିବ।
ଶୀତକାଳୀନ ଆକ୍ସନ ପ୍ଲାନ ଅଧୀନରେ ଜିଆର୍ଏପି-୨ ଲାଗୁ ହେବା ପରେ ଆଜିଠାରୁ ଦିଲ୍ଲୀରେ ଘରୋଇ ଯାନର ବ୍ୟବହାରକୁ ହ୍ରାସ କରିବା ପାଇଁ ପାର୍କିଂ ଦେୟ ବୃଦ୍ଧି ପାଇବ। ଏହାର ଅର୍ଥ ହେଉଛି ପାର୍କିଂ ଚାର୍ଜ ଆକାରରେ ଲୋକଙ୍କୁ ଅଧିକ ଅର୍ଥ ଦେବାକୁ ପଡିପାରେ। ଆଜିଠାରୁ ଦିଲ୍ଲୀରେ ସିଏନଜି, ଇଲେକ୍ଟ୍ରିକ ବସ ଏବଂ ମେଟ୍ରୋ ସେବାକୁ ପ୍ରୋତ୍ସାହନ ଦିଆଯିବ। ଦିଲ୍ଲୀରେ ଡିଜେଲ ଜେନେରେଟର ବ୍ୟବହାର ସମ୍ପୂର୍ଣ୍ଣ ନିଷେଧ କରାଯାଇଛି। ଘରୋଇ ଯାନ ହ୍ରାସ ପାଇଁ ପାର୍କିଂ ଫି ବୃଦ୍ଧି କରିବାକୁ ନିଷ୍ପତ୍ତି ନିଆଯାଇପାରେ।
