ଥିରୁଭାନନ୍ତପୁରମ୍,୨୧।୧୧ : କେରଳର ମୁଖ୍ୟମନ୍ତ୍ରୀ ପିନାରାଇ ବିଜୟନଙ୍କ ସରକାର ଏବଂ ରାଜ୍ୟପାଳ ଆରିଫ ମହମ୍ମଦ ଖାନଙ୍କ ମଧ୍ୟରେ ବିବାଦ ଲାଗି ରହିଛି। ଏକ ସପ୍ତାହ ପୂର୍ବରୁ ରାଜ୍ୟ ସରକାର ଏହି ନିୟମରେ ସଂଶୋଧନ କରି ରାଜ୍ୟପାଳ ଆରିଫଙ୍କୁ ବିଶ୍ୱବିଦ୍ୟାଳୟର କୁଳପତି ପଦରୁ ହଟାଇ ଦେଇଥିଲେ। କିନ୍ତୁ, ସରକାରଙ୍କ ପ୍ରତି ଆରିଫଙ୍କ ଆଭିମୁଖ୍ୟ ସମାନ ରହିଛି। ସୋମବାର ଗଣମାଧ୍ୟମ ସହ କଥାବାର୍ତ୍ତା କରି ସେ କହିଛନ୍ତି ଯେ ଯେପର୍ଯ୍ୟନ୍ତ ମୁଁ ଏଠାରେ ଅଛି, ମୁଁ ଏହାକୁ ଅନୁମତି ଦେବି ନାହିଁ। କେବଳ ସେହି ଲୋକମାନଙ୍କୁ ନିଯୁକ୍ତ କରାଯିବ ଯେଉଁମାନେ ଯୋଗ୍ୟ ଏବଂ ୟୁଜସିର ସମସ୍ତ ଆବଶ୍ୟକତା ପୂରଣ କରିଛନ୍ତି।
ରାଜ୍ୟପାଳ ଆରିଫ ମହମ୍ମଦ ଖାନ ଗଣମାଧ୍ୟମ ସହ କଥା ହୋଇଥିଲେ। ମୁଁ ବାରମ୍ବାର କହିଛି ଯେ ମୁଁ ବ୍ୟକ୍ତିଗତ ସମର୍ଥନ ଖୋଜୁନାହିଁ। କାହା ସହିତ କୌଣସି ବ୍ୟକ୍ତିଗତ ଝଗଡା ନାହିଁ। ମୋର କାମ ହେଉଛି ଯେ ଦେଶର ନିୟମ ପାଳନ କରାଯାଉ। ମୋର କାମ ହେଉଛି ବିଶ୍ୱବିଦ୍ୟାଳୟଗୁଡ଼ିକ କାର୍ଯ୍ୟନର୍ବାହୀ ହସ୍ତକ୍ଷେପରୁ ମୁକ୍ତ ହୁଅନ୍ତୁ।
ରାଜ୍ୟପାଳ ଆରିଫ ମହମ୍ମଦ କହିଛନ୍ତି ଯେ ପକ୍ଷପାତିତା ଏବଂ ଆତ୍ମୀୟତା ଆଧାରରେ ନିଯୁକ୍ତିକୁ ଅନୁମତି ଦିଆଯିବା ମୋର କର୍ତ୍ତବ୍ୟ ନୁହେଁ। ମୁଁ ଯେପର୍ଯ୍ୟନ୍ତ ଏଠାରେ ଅଛି, ମୁଁ ଏହାକୁ ଅନୁମତି ଦେବି ନାହିଁ।
ସୂଚନାଯୋଗ୍ୟ ଯେ ଏକ ସପ୍ତାହ ପୂର୍ବରୁ କେରଳ ସରକାର ରାଜ୍ୟପାଳ ଆରିଫ ମହମ୍ମଦ ଖାନଙ୍କୁ ରାଜ୍ୟର କଲାମଣ୍ଡାଲମ ଡିମିଡ ବିଶ୍ୱବିଦ୍ୟାଳୟର କୁଳପତି ପଦରୁ ହଟାଇ ଦେଇଥିଲେ। ଏଥିପାଇଁ ସରକାର ବିଶ୍ୱବିଦ୍ୟାଳୟର ନିୟମରେ ମଧ୍ୟ ପରିବର୍ତ୍ତନ କରିଥିଲେ।
