ନୂଆଦିଲ୍ଲୀ,୩୦।୫ : ଦେଶରେ ବର୍ଦ୍ଧିତ ଇନ୍ଧନ ମୂଲ୍ୟ ନେି କଂଗ୍ରେସ ସରକାରଙ୍କୁ ଘେରିବା ଆରମ୍ଭ କରିଛି। କଂଗ୍ରେସର ବରିଷ୍ଠ ନେତା ପି ଚିଦାମ୍ବରମ ମଙ୍ଗଳବାର ଇନ୍ଧନ ଉପରେ ଅଧିକ ଟିକସ ଦେଇ ଲୋକଙ୍କ ଖର୍ଚ୍ଚ ବୃଦ୍ଧି କରି ଭାଜପା ସରକାର ଲାଭବାନ ହେଉଥିବା ଅଭିଯୋଗ କରିଛନ୍ତି। ମୁଦ୍ରାସ୍ଫୀତି ବୃଦ୍ଧି ହେବାର ଅନ୍ୟତମ କାରଣ ହେଉଛି ପେଟ୍ରୋଲ ଏବଂ ଡିଜେଲର କୃତ୍ରିମ ମୂଲ୍ୟ ବୃଦ୍ଧି।
ପୂର୍ବତନ କେନ୍ଦ୍ର ମନ୍ତ୍ରୀ ସରକାରଙ୍କୁ କଡ଼ା ସମାଲୋଚନା କରି ଅର୍ଥମନ୍ତ୍ରୀ ନିର୍ମଳା ସୀତାରମଣଙ୍କୁ ଏକ ଇଂଲିଶ ଖବରକାଗଜ ସମ୍ପାଦକୀୟ ପଢ଼ିବାକୁ ଅନୁରୋଧ କରିଛନ୍ତି। ଯେଉଁଥିରେ ଉଲ୍ଲେଖ କରାଯାଇଛି ୟୁପିଏ ଏବଂ ଏନଡିଏ ସରକାରଙ୍କ ସମୟରେ ୨୦୧୦ ରୁ ୨୦୧୪ମଧ୍ୟରେ ପେଟ୍ରୋଲ ଦର ନିୟନ୍ତ୍ରଣ କରାଯାଇଛି। ତେବେ ସେପ୍ଟେମ୍ବର ୨୦୧୪ଠାରୁ ନିୟନ୍ତ୍ରଣ ସଂସ୍କାର ଅଟକି ରହିଛି ।
ରିପୋର୍ଟରେ ଦର୍ଶାଯାଇଛି ୨୦୧୪ ରୁ ୨୦୨୧ ମଧ୍ୟରେ ଅଶୋଧିତ କୈଳ ମୂଲ୍ୟ ୬୦ ଡଲାରରୁ କମ ଥିଲା। ଯେତେବେଳେ ଫେବୃଆରୀ ୨୦୨୨ ରେ ରୁଷିଆ ୟୁକ୍ରେନ ଉପରେ ଆକ୍ରମଣ କରିଥିଲା, ସେତେବେଳେ ଏହାହ ଅଧିକ ଥିଲା। ତେବେ ପୁନର୍ବାର ଏହା ୭୫ ଡଲାରକୁ ଖସି ଆସିଥିଲା। ତଥାପି, ପେଟ୍ରୋଲ ଏବଂ ଡିଜେଲ ବ୍ୟବହାର କରୁଥିବା ଗ୍ରାହକଙ୍କୁ ଅଶୋଧିତ ତୈଳ ମୂଲ୍ୟର ଲାଭ ସରକାର ଦେଇ ନାହାଁନ୍ତି।
ସାଧାରଣ ଲୋକଙ୍କ ମୂଲ୍ୟରେ ସରକାର ଅଧିକ ଟିକସ ଏବଂ ସେସ ମାଧ୍ୟମରେ ଲାଭବାନ ହେଉଛନ୍ତି। ସରକାର ଲୋକଙ୍କୁ ମିଛ କହି ଠକିବାରେ ଲାଗିଛନ୍ତି ବୋଲି ଚିଦାମ୍ବରମ ଅଭିଯୋଗ କରିଛନ୍ତି।
