ନୂଆଦିଲ୍ଲୀ,୨୮।୯: ଦେଶର ପ୍ରମୁଖ ଷ୍ଟାର୍ଟଅପ୍ କମ୍ପାନୀ ‘ଗୋଲ୍ଡି ସୋଲାର’ ପକ୍ଷରୁ ବ୍ୟବସାୟ ବିସ୍ତାର ଯୋଜନାର ଏକ ଅଂଶ ଭାବେ ପ୍ରାୟ ୫୦୦୦ କୋଟି ଟଙ୍କାର ନିବେଶ ଯୋଜନା ସମ୍ପର୍କରେ ଘୋଷଣା କରାଯାଇଛି। ଏପରିକି ଗୋଲ୍ଡି ସୋଲାର ୨୦୨୫ ସୁଦ୍ଧା କ୍ଷମତା ସମ୍ପ୍ରସାରଣ ସହ ଏଚ୍ଜେଟି ଟେକ୍ନୋଲୋଜିରେ ପ୍ରବେଶ କରିବାକୁ ମଧ୍ୟ ଘୋଷଣା କରିଛି। ଏହା ବ୍ୟତୀତ ହେଲୋକ ପ୍ଲସ୍ ପ୍ରଦାନ କରୁଥିବା ଏକ ନୂଆ ଉପତ୍ାଦକୁ ମଧ୍ୟ ଉନ୍ମୋଚନ କରାଯାଇଛି। ଏହା ଉଚ୍ଚ ଦକ୍ଷତା ଓ ହେଟେରୋଜେକ୍ସନ ଟେକ୍ନୋଲୋଜି ସହ ମଡ୍ୟୁଲ ସିରିଜର। ବିଶେଷକରି ଥରେ ଲଞ୍ଚ ହେବା ପରେ ଏହା ଭାରତରେ ବୃହତ୍ ୭୧୦ଡବ୍ଲ୍ୟୁପି ସୋଲାର ମଡ୍ୟୁଲ ଭାବେ ସମ୍ପୂର୍ଣ୍ଣ ସ୍ବଦେଶୀ ଭାବେ ଉପତ୍ାଦିତ ହେବ। ଗୋଲ୍ଡି ସୋଲାର ଏକ ମଡ୍ୟୁଲ, ସେଲ୍ ଏବଂ କଞ୍ଚାମାଲ ଉତ୍ପାଦନ କ୍ଷମତା ସହିତ ଏକ ଏଣ୍ଡ-ଟୁ-ଏଣ୍ଡ ଏବଂ ଭୂଲମ୍ବ ଭାବେ ଏକୀକୃତ କମ୍ପାନୀ ହେବାକୁ ଲକ୍ଷ୍ୟ ରଖିଛି। ସେହି ଅନୁସାରେ ଗୁଜରାଟଠାରେ ଏହାର ସେଲ୍ ଉତ୍ପାଦନ ୟୁନିଟ୍ ଆରମ୍ଭ କରିବାକୁ ଯୋଜନା କରିଛି। ପରବର୍ତ୍ତୀ ସମୟରେ ଏହାର କ୍ଷମତାକୁ ୫ଜିଡବ୍ଲ୍ୟୁକୁ ବୃଦ୍ଧି କରିବାକୁ କମ୍ପାନୀ ଲକ୍ଷ୍ୟ ରଖିଛି। ଗୋଲ୍ଡି ସୋଲାର ବିଭିନ୍ନ କାର୍ଯ୍ୟରେ ୪୫୦୦ରୁ ଅଧିକ ଲୋକଙ୍କୁ ନିଯୁକ୍ତି ଦେବାକୁ ମଧ୍ୟ ଯୋଜନା କରିଛି, ଯାହାକି ବର୍ତ୍ତମାନର କର୍ମଜୀବୀ ସମେତ ୫,୫୦୦ରୁ ଅଧିକକୁ ବୃଦ୍ଧି ପାଇବ। ଏ ସମ୍ପର୍କରେ ଗୋଲ୍ଡି ସୋଲାରର ପରିଚାଳନା ନିର୍ଦ୍ଦେଶକ କ୍ୟାପ୍ଟେନ ଈଶ୍ୱର ଢୋଲକିଆ କହିଛନ୍ତି, ତୃଣମୂଳ ସ୍ତରରେ ନିଯୁକ୍ତ ସୃଷ୍ଟି କରିବା ପାଇଁ ଗୋଲ୍ଡି ସୋଲାର ଏହାର ପ୍ରସ୍ତାବିତ ଉପତ୍ାଦନ ସୁବିଧା ସହ ସ୍ଥାନୀୟ ଆଦିବାସୀ ଅଞ୍ଚଳରୁ ୨୫% କର୍ମନିଯୁକ୍ତି ପ୍ରଦାନ କରିବ। ନବୀକରଣ ଯୋଗ୍ୟ କ୍ୟାରିୟର ପାଇଁ ମଧ୍ୟ ଏହା ନିଯୁକ୍ତି କ୍ଷେତ୍ରରେ ଉପଯୁକ୍ତ ତାଲିମ ବ୍ୟବସ୍ଥା ରଖିବ ଯାହା ଗୁଜରାଟରେ ନାଭସାରିରେ (ରାଷ୍ଟ୍ରୀୟ ଦକ୍ଷତା ପରିଷଦ) ସହଯୋଗରେ ଖୋଲିବାକୁ ଯୋଜନା ରଖିଛି। ସେହିଭଳି ଗୋଲ୍ଡି ସୋଲାରର ନିର୍ଦ୍ଦେଶକ ଭାରତ ଭୂତ କହିଛନ୍ତି, ଗୋଲ୍ଡି ସୋଲାର କ୍ରମାଗତ ଭାବେ ଗୁଣାତ୍ମକ ମଡ୍ୟୁଲ ସୃଷ୍ଟି ଓ ବିତରଣ କରି ଆସିଛି। ଆମର ମନ୍ତ୍ର ହେଉଛି ଉନ୍ନତ ତଥା ଅଧିକ ଦକ୍ଷ ଉପତ୍ାଦ ଯୋଗାଇବା। ଆମର ଗୁଣାତ୍ମକ ନୈତିକତା ଅନୁଯାୟୀ ଆମେ ଏକ ଉତ୍ସର୍ଗୀକୃତ ଉପତ୍ାଦ ବିକାଶ ଓ ଆଣ୍ଡ ଡି ଦଳ ଗଠନ କରିବାକୁ ଇଚ୍ଛା କରୁଛୁ ଯାହା ଉଚ୍ଚ ଦକ୍ଷତା ମଡ୍ୟୁଲ ଗଠନକୁ ତ୍ୱରାନ୍ବିତ କରିବ। ସେହିପରି ଗୋଲ୍ଡି ଷ୍ଟାରର ପ୍ରେସିଡେଣ୍ଟ ଓ ଗ୍ଲୋବାଲ ହେଡ୍, ସେଲ୍ସ ଓ ମାର୍କେଟିଂ ହରଦୀପ ସିଂ କହିଛନ୍ତି, ଆମର ଘର୍ ଘର୍ କି ଗୋଲ୍ଡି ମନ୍ତ୍ର ଭାରତରେ ଗୋଲ୍ଡି ସୋଲାରକୁ ଏକ ବ୍ରାଣ୍ଡ୍ କରିବାରେ ଆମର ଅଭିଳାଷକୁ ପ୍ରମାଣ କରେ। ସମ୍ପ୍ରତି ଆମେ ଆଇପିପି, ସି ଆଣ୍ଡ ଆଇ, ଇପିସି, ରପ୍ତାନି ଓ ଉପତ୍ାଦନ ବିଭାଗକୁ ନେଇ କାର୍ଯ୍ୟ କରୁଛୁ। ଭାରତର ଘରୋଇ ବଜାରରେ ଆମର ଉପସ୍ଥିତିକୁ ଅଧିକ ବ୍ୟାପକ କରିବାକୁ ଲକ୍ଷ୍ୟ ରଖିଛୁ। ପ୍ରସ୍ତାବିତ ସମ୍ପ୍ରସାରଣ ଆମର ଏକ ଗୁରୁତ୍ୱପୂର୍ଣ୍ଣ ପଦକ୍ଷେପ।
