ନୂଆଦିଲ୍ଲୀ, ୧୯।୯: ଶିକ୍ଷା ବ୍ୟବସ୍ଥାର ସୁଧାର ପାଇଁ ସରକାରଙ୍କ ପକ୍ଷରୁ ରାଷ୍ଟ୍ରୀୟ ଶିକ୍ଷା ନୀତି(ଏନ୍ଇପି)-୨୦୦ର ପ୍ରଚଳନ କରାଯାଇଛି। ଏହାଦ୍ୱାରା ସମାଜରେ ଗୁଣବତ୍ତାଯୁକ୍ତ ଶିକ୍ଷାର ପ୍ରସାର ସମ୍ଭବ ହେବ। ଏନ୍ଇପି ଶିକ୍ଷା ପ୍ରଣାଳୀକୁ ପୁନର୍ଜୀବିତ କରିବାକୁ ସକ୍ଷମ ହେବ ବୋଲି ରାଷ୍ଟ୍ରପତି ରାମ ନାଥ କୋବିନ୍ଦ ଶନିବାର ପ୍ରକାଶ କରିଛନ୍ତି। ଏହା ଏକବିଂଶ ଶତାବ୍ଦୀର ଶିକ୍ଷା ଅବାଶ୍ୟକତା ପୂରଣ କରିବାକୁ ସକ୍ଷମ ହେବ। ଭଲ ନମ୍ବର ଏବଂ ଗ୍ରେଡ୍ ରଖିବା ପାଇଁ ଏହି ନୂତନ ଶିକ୍ଷା ନୀତି ଶିକ୍ଷାର୍ଥିଙ୍କୁ ହତୋତ୍ସାହିତ କରିବ। ଘୋଷି ଘୋଷି ପାଠକୁ ମନେରଖିବା ଦ୍ୱାରା ଅନ୍ତନିର୍ହିତ ଜ୍ଞାନର ବିକାଶ ହୋଇ ନ ଥାଏ। ସୃଜନଶୀଳତାର ବିକାଶ କରାଇବା ନୂତନ ଶିକ୍ଷାର ମୂଳ ଲକ୍ଷ୍ୟ। ମହତ୍ତ୍ୱପୂର୍ଣ୍ଣ ଚିନ୍ତାଧାରା ଏବଂ ପରୀକ୍ଷା ନିରୀକ୍ଷାକୁ ନୂତନ ଶିକ୍ଷାନୀତିରେ ପ୍ରୋସାହିତ କରାଯିବ। ଯାହାଦ୍ୱାରା ଶିକ୍ଷାର୍ଥୀଙ୍କ ଜ୍ଞାନ ବିକାଶ ସମ୍ଭବ ହୋଇପାରିବ। ପ୍ରାଚୀନ କାଳରେ ଭାରତ ବିଶ୍ୱସ୍ତରରେ ଗୁଣବତ୍ତାଯୁକ୍ତ ଶିକ୍ଷାଦାନର ପ୍ରମୁଖ କେନ୍ଦ୍ର ଥିଲା। ସେତେବେଳେ ତକ୍ଷଶୀଳା ଏବଂ ନାଳନ୍ଦା ବିଶ୍ୱବିଦ୍ୟାଳୟ ଉତ୍କର୍ଷତାର ଶୀର୍ଷରେ ପହଞ୍ଚିଥିଲା। ଏବେ ଭାରତ ଶିକ୍ଷାଦାନ କ୍ଷେତ୍ରରେ ଉଚ୍ଚତମସ୍ତରରେ ନାହିଁ ବୋଲି ରାଷ୍ଟ୍ରପତି କହିଛନ୍ତି। ଏନ୍ଇପି ଦ୍ୱାରା ପୁଣିଥରେ ଭାରତକୁ ଶିକ୍ଷାଦାନ କ୍ଷେତ୍ରରେ ଉଚ୍ଚତମସ୍ତରରେ ପହଞ୍ଚାଇବା ଲାଗି ଲକ୍ଷ୍ୟ ଧାର୍ଯ୍ୟ କରାଯାଇଛି। ଶିକ୍ଷାର୍ଥୀଙ୍କ ବୌଦ୍ଧିକ ବିକାଶକୁ ନିଶ୍ଚିତ କରାଇବା ଏନ୍ଇପିର ମୁଖ୍ୟ ଲକ୍ଷ୍ୟ ବୋଲି ସେ କହିଛନ୍ତି।
