ନୂଆଦିଲ୍ଲୀ, ୨୯।୯ : ଯେଉଁମାନେ ନକଲି ପରିଚୟ ମାଧ୍ୟମରେ ସିମ କାର୍ଡ କିଣୁଛନ୍ତି ଏବଂ ହ୍ବାଟସ ଆପ, ସିଗ୍ନାଲ କିମ୍ବା ଟେଲିଗ୍ରାମରେ ମିଥ୍ୟା ପରିଚୟ ଦେଖାଉଛନ୍ତି ସେମାନଙ୍କ ଉପରେ ସରକାର କଠୋର କାର୍ଯ୍ୟାନୁଷ୍ଠାନ ଗ୍ରହଣ କରିବାକୁ ଯାଉଛନ୍ତି। ଧରାପଡ଼ିଲେ ଏଭଳି ବ୍ୟକ୍ତିଙ୍କୁ ଏକ ବର୍ଷ ଜେଲ ସହିତ ୫୦ ହଜାର ଟଙ୍କା ଜରିମାନା ଦେବାକୁ ପଡିବ।
ଦେଶର ଟେଲିକମ ମନ୍ତ୍ରଣାଳୟ ତରଫରୁ ଟେଲିକମ ବିଭାଗ ନୂତନ ଟେଲିକମ ବିଲ ଡ୍ରାଫ୍ଟରେ ଏହି ବ୍ୟବସ୍ଥା ପ୍ରସ୍ତାବ ଦେଇଛି। ଏହି ପ୍ରସ୍ତାବଗୁଡିକ ଅଣାଯାଇଛି ଯାହା ଦ୍ୱାରା ଅନଲାଇନ ଆର୍ଥିକ ଠକେଇ କିମ୍ବା ଅନ୍ୟାନ୍ୟ ବେଆଇନ କାର୍ଯ୍ୟକଳାପ ବନ୍ଦ ହୋଇପାରିବ। ବିଲରେ ଉଲ୍ଲେଖ କରାଯାଇଛି ଯେ. ପ୍ରତ୍ୟେକ ଟେଲିକମ ବ୍ୟବହାରକାରୀ ଜାଣିବା ଉଚିତ ଯେ କାହା ମାଧ୍ୟମରେ କଲ ସେମାନଙ୍କ ପାଖକୁ ଆସୁଛି ।
ସାଇବର ଅପରାଧୀଙ୍କ ଦ୍ୱାରା ଆର୍ଥିକ ଠକେଇ ମାମଲା ଦେଶରେ ବଢ଼ିବାରେ ଲାଗିଛି। ଅପରାଧୀମାନେ ନକଲି ପରିଚୟ ଆଧାରରେ ସିମ କାର୍ଡ ପାଇଥାନ୍ତି । ଏହି ନିୟମ ଆସିବା ସହିତ ଟେଲିକମ ସେବା ମାଧ୍ୟମରେ ସାଇବର ଠକେଇ ବନ୍ଦ ହୋଇଯିବ। ତେଣୁ ଉପଯୁକ୍ତ ସ୍ଥାନରେ ଲୋକଙ୍କୁ ଚିହ୍ନଟ କରିବାର ବ୍ୟବସ୍ଥା ବିଲରେ ଅନ୍ତର୍ଭୁକ୍ତ କରାଯାଇଛି। ଟେଲିକମ ବ୍ୟବହାରକାରୀମାନେ ଡ୍ରାଫ୍ଟ ଟେଲିକମ ବିଲର ଧାରା ୪ର ଉପ-ଧାରା ୭ ଅନୁସାରେ ସେମାନଙ୍କର ପରିଚୟ ପ୍ରକାଶ କରିବା ଆବଶ୍ୟକ।
ଏହାକୁ ଏକ ଜଣାଶୁଣା ଅପରାଧ ଭାବରେ ବ୍ୟାଖ୍ୟା କରାଯାଇଛି। ଏଭଳି ଅପରାଧୀଙ୍କୁ ପୋଲିସ ଅଧିକାରୀ ବିନା ୱାରେଣ୍ଟରେ ଗିରଫ କରିପାରିବେ ଏବଂ କୋର୍ଟର ଅନୁମତି ବିନା ତଦନ୍ତ ଆରମ୍ଭ କରିପାରିବେ।
