କରୋନା ଭାଇରସ୍ ଯୋଗୁ ଲୋକେ ବର୍ତ୍ତମାନ ସେମାନଙ୍କ ସ୍ବାସ୍ଥ୍ୟ ପ୍ରତି ଅଧିକ ଯତ୍ନବାନ ହୋଇଛନ୍ତି। ବିଶେଷ ଭାବରେ ରୋଗ ପ୍ରତିରୋଧକ ଶକ୍ତି ବଢ଼ାଇବା ପାଇଁ ବିଭିନ୍ନ ପ୍ରକାର ଟିପ୍ସ ଅପାଣାଉଛନ୍ତି। ମାତ୍ର କିଛି ଖରାପ ଅଭ୍ୟାସ ଅଛି ଯାହାକୁ ପରିହାର ନ କଲେ ରୋଗ ପ୍ରତିରୋଧକ ଶକ୍ତି କମିପାରେ ବୋଲି ସ୍ବାସ୍ଥ୍ୟ ବିଶେଷଜ୍ଞମାନେ କୁହନ୍ତି। ତେବେ ଜାଣନ୍ତୁ ଏସବୁ ଖରାପ ଅଭ୍ୟାସ ସମ୍ପର୍କରେ…
୧. ଗୋଟିଏ କିମ୍ବା ଦୁଇ ଗ୍ଲାସ ମଦ ପିଇବା ଦେହ ପକ୍ଷେ ହାନିକାରକ ନୁହେଁ। ମାତ୍ର ଅତ୍ୟଧିକ ମଦ୍ୟପାନ ଆପଣଙ୍କ ରୋଗ ପ୍ରତିରୋଧକ କ୍ଷମତାକୁ ନଷ୍ଟ କରିଦେଇଥାଏ। ଜର୍ଣ୍ଣାଲ ଅଫ୍ ଆଲ୍କହଲ ରିସର୍ଚ୍ଚରେ ପ୍ରକାଶିତ ଏକ ରିପୋର୍ଟରୁ ଜଣାପଡ଼ିଛି, ଅତ୍ୟଧିକ ମଦ୍ୟପାନ ଏବଂ ଦୁର୍ବଳ ପ୍ରତିରୋଧକତା ମଧ୍ୟରେ ଏକ ସଂଯୋଗ ଅଛି ଯାହା ଦୀର୍ଘ ସମୟ ଧରି ରହିଥାଏ। ଏହି କାରଣରୁ ନିମୋନିଆ ଏବଂ ସଂକ୍ରମଣ ସମସ୍ୟା ଦେଖାଦେଇପାରେ। ଫଳରେ ଶୀଘ୍ର କରୋନା ବ୍ୟାପିବାର ଆଶଙ୍କା ଦେଖା ଦେଇଥାଏ।
୨. ଅଧିକ ଲୁଣ ଖାଇବା ଦ୍ୱାରା ଉଚ୍ଚ ରକ୍ତଚାପ ସୃଷ୍ଟି ହୁଏ। କିନ୍ତୁ ଜର୍ମାନୀର ବୋନ୍ ୟୁନିଭରସିଟି ହସ୍ପିଟାଲର ଏକ ନୂତନ ଅଧ୍ୟୟନ ଅନୁଯାୟୀ, ଅତ୍ୟଧିକ ଲୁଣ ଶରୀରରେ ରୋଗ ପ୍ରତିରୋଧକ ଅଭାବ ମଧ୍ୟ ସୃଷ୍ଟି କରିପାରେ। ଅନୁସନ୍ଧାନକାରୀଙ୍କ ଅନୁଯାୟୀ, ଅଧିକ ସୋଡିୟମ ହେତୁ ଶରୀରର ଜୀବାଣୁ ସହିତ ଲଢ଼ିବା କ୍ଷମତା ହ୍ରାସ ପାଇଥାଏ।
୩. ଖାଦ୍ୟରେ ଚିନି ପରିମାଣ ହ୍ରାସ କରିବା ସ୍ବାସ୍ଥ୍ୟ ପାଇଁ ଲାଭଦାୟକ ହୋଇଥାଏ। ଏହା ରୋଗ ପ୍ରତିରୋଧକ ଶକ୍ତି ମଧ୍ୟ ଠିକ୍ କରିଥାଏ। ମାତ୍ର ‘ଦ ଆମେରିକୀୟ ଜର୍ଣ୍ଣାଲ ଅଫ୍ କ୍ଲିନିକାଲ ନ୍ୟୁଟ୍ରେସନ୍ର ଏକ ରିପୋର୍ଟ ଅନୁଯାୟୀ, ଅଧିକାଂଶ ଲୋକ ସକାଳୁ ଉଠିବା ମାତ୍ରେ ଅତି କମରେ ୧୦୦ ଗ୍ରାମ ଚିନି ଖାଆନ୍ତି, ଫଳରେ ଶରୀରରେ ଜୀବାଣୁ ପ୍ରତିରୋଧକ କ୍ଷମତା ହ୍ରାସ ପାଇଥାଏ। ସେହିପରି ଅତ୍ୟଧିକ ଚା’ କଫି ଶରୀର ପାଇଁ କ୍ଷତିକାରକ। ଏହି କୁଅଭ୍ୟାସ ଶରୀରରେ ଧୀରେ ଧୀରେ ରୋଗ ପ୍ରତିରୋଧକ ଶକ୍ତି କମାଇଥାଏ।
