ନୂଆଦିଲ୍ଲୀ,୮।୧: ଆସନ୍ତା ମାର୍ଚ୍ଚ ୩୧ରେ ଶେଷ ହେବାକୁ ଥିବା ୨୦୨୪-୨୫ ଆର୍ଥତ୍କ ବର୍ଷରେ ଭାରତର ଆର୍ଥତ୍କ ଅଭିବୃଦ୍ଧି ହାର ୬.୪ ପ୍ରତିଶତ ରହିବ ବୋଲି ଆକଳନ କରାଯାଇଛି, ଯାହାକି ୪ ବର୍ଷ ମଧ୍ୟରେ ସର୍ବନିମ୍ନ। ମୁଖ୍ୟତଃ ବିନିର୍ମାଣ ଏବଂ ସେବା କ୍ଷେତ୍ରରେ ଦୁର୍ବଳ ପ୍ରଦର୍ଶନ ଯୋଗୁ ଦେଶର ମୋଟ ଘରୋଇ ଉତ୍ପାଦ (ଜିଡିପି) କୋଭିଡ୍ ବର୍ଷ (୨୦୨୦-୨୧) ପରଠାରୁ ସର୍ବନିମ୍ନ ହେବାକୁ ଯାଉଛି। କୋଭିଡ୍ ବର୍ଷରେ ଜିଡିପି ଅଭିବୃଦ୍ଧି ୫.୮ ପ୍ରତିଶତ ଥିବାବେଳେ ୨୦୨୧-୨୨ରେ ୯.୭%, ୨୦୨୨-୨୩ରେ ୭% ଏବଂ ୨୦୨୪ ମାର୍ଚ୍ଚରେ ଶେଷ ହୋଇଥିବା ପୂର୍ବ ଆର୍ଥତ୍କ ବର୍ଷରେ ୮.୨% ରହିଥିଲା।
ଜାତୀୟ ପରିସଂଖ୍ୟାନ କାର୍ଯ୍ୟାଳୟ (ଏନ୍ଏସ୍ଓ) ଦ୍ୱାରା ୨୦୨୪-୨୫ ବର୍ଷ ପାଇଁ ଜାତୀୟ ଆୟର ପ୍ରଥମ ଅଗ୍ରୀମ ଆକଳନ କରାଯାଇଛି। ଅର୍ଥ ମନ୍ତ୍ରଣାଳୟ ପ୍ରାରମ୍ଭିକ ପର୍ଯ୍ୟାୟରେ ଜିଡିପି ଅଭିବୃଦ୍ଧି ୬.୫ରୁ ୭ ପ୍ରତିଶତ ମଧ୍ୟରେ ରହିବ ବୋଲି ଆକଳନ କରିଥିଲା। ୨୦୨୫-୨୬ ଆର୍ଥିକବର୍ଷର ବଜେଟ ପ୍ରସ୍ତୁତିରେ ଅଗ୍ରୀମ ଆକଳନ ଆବଶ୍ୟକ ପଡ଼ିଥାଏ।
ପୂର୍ବ ଆର୍ଥତ୍କ ବର୍ଷରେ ବିନିର୍ମାଣ ସେକ୍ଟର ଆଉଟ୍ପୁଟ୍ ସର୍ବାଧିକ ୯.୯ ପ୍ରତିଶତ ଥିବାବେଳେ ଚଳିତ ଆର୍ଥତ୍କ ବର୍ଷରେ ତାହା ୫.୩ ପ୍ରତିଶତକୁ ହ୍ରାସ ପାଇବା ଆଶଙ୍କା କରାଯାଉଛି। ବାଣିଜ୍ୟ, ହୋଟେଲ, ପରିବହନ, ଯୋଗାଯୋଗ ଆଦିକୁ ନେଇ ସେବା ସେକ୍ଟରର ଅଭିବୃଦ୍ଧି ଗତ ଆର୍ଥତ୍କ ବର୍ଷରେ ୬.୪% ରହିଥିବାବେଳେ ଚଳିତ ଆର୍ଥତ୍କ ବର୍ଷରେ ତାହା ୫.୮%ରେ ସୀମିତ ରହିବ ବୋଲି କୁହାଯାଇଛି। ଅନ୍ୟପକ୍ଷରେ ଗତ ଆର୍ଥତ୍କ ବର୍ଷରେ କୃଷି କ୍ଷେତ୍ରର ଅଭିବୃଦ୍ଧି ୧.୪% ଥିବାବେଳେ ଚଳିତ ଆର୍ଥତ୍କ ବର୍ଷରେ ଏହା ୩.୮%କୁ ବୃଦ୍ଧି ପାଇବ ବୋଲି ଆକଳନ କରାଯାଇଛି। ଚଳିତ ଆର୍ଥତ୍କ ବର୍ଷର ବାସ୍ତବ ଜିଡିପି ଅଭିବୃଦ୍ଧି ୬.୪% ହେବାକୁ ଥିବାବେଳେ ସାଙ୍କେତିକ ଜିଡିପି (ବର୍ତ୍ତମାନର ମୂଲ୍ୟରେ ଜିଡିପି) ଅଭିବୃଦ୍ଧି ୯.୭% ରହିବ। ଗତ ଆର୍ଥତ୍କ ବର୍ଷରେ ବାସ୍ତବ ଜିଡିପି ଅଭିବୃଦ୍ଧି ୮.୨% ଏବଂ ସାଙ୍କେତିକ ଜିଡିପି ଅଭିବୃଦ୍ଧି ୯.୬% ରହିଥିଲା। ତଥ୍ୟ ଅନୁଯାୟୀ ୨୦୨୪-୨୫ ବର୍ଷରେ ସାଙ୍କେତିକ ଜିଡିପି ୩୨୪.୧୧ ଲକ୍ଷ କୋଟି ଟଙ୍କା ସ୍ତରରେ ରହିବ ବୋଲି ଆକଳନ କରାଯାଇଛି, ଯାହାକି ପୂର୍ବ ଆର୍ଥତ୍କ ବର୍ଷରେ ୨୯୫.୩୬ ଲକ୍ଷ କୋଟି ଟଙ୍କା ଥିଲା।
