ନୂଆଦିଲ୍ଲୀ: ନିକଟରେ ଏକ ସମଲିଙ୍ଗୀ ଦମ୍ପତି ତାଙ୍କ ପ୍ରେଗ୍ନାନ୍ସିକୁ ନେଇ ଚର୍ଚ୍ଚାକୁ ଆସିଛନ୍ତି। ଏନେଇ ଦମ୍ପତି ତାଙ୍କ ଇନ୍ଷ୍ଟାଗ୍ରାମରେ ଏକ ପୋଷ୍ଟ ଜରିଆରେ ଜଣାଇଛନ୍ତି। ସେଥିରେ ଦୁହେଁ ସୋନୋଗ୍ରାଫିର ଫଟୋ ଦେଖାଇ ପୋଜ୍ ଦେଇଛନ୍ତି। ଅମିତ୍ ଶାହା ଏବଂ ଆଦିତ୍ୟ ମଦିରାଜୁ ଆମେରିକାର ଏକ ମନ୍ଦିରରେ ହିନ୍ଦୁ ରୀତିନୀତିରେ ୨୦୧୮ରେ ବିବାହ କରି ଚର୍ଚ୍ଚାକୁ ଆସିଥିଲେ। ଏହି ଦମ୍ପତି ଏକ ଭିଡିଓ ମାଧ୍ୟମରେ ଜଣାଇଛନ୍ତି, ସେମାନେ ଜଣେ ସାଙ୍ଗର ଜନ୍ମଦିନ ପାର୍ଟିରେ ଦେଖାହୋଇଥିଲେ। ସେବେଠାରୁ ଦୁହେଁ ଦୁହିଁଙ୍କୁ ପସନ୍ଦ କରିବା ଆରମ୍ଭ କରିଥିଲେ। ହେଲେ ସେମାନଙ୍କ ଘରେ ତାଙ୍କ ଲିଙ୍ଗ ବାବଦରେ ଜଣା ନ ଥିଲା। ପ୍ରଥମେ ସେମାନଙ୍କ ପରିବାର ସହ ପରସ୍ପରଙ୍କୁ ସାଙ୍ଗ କହି ଦେଖା କରାଇଥିଲେ। ପରେ ଘର ଲୋକଙ୍କୁ ସେମାନଙ୍କ ଲିଙ୍ଗ ବାବଦରେ ଜଣାଇ ଦୁହେଁ ଦୁହଁିଙ୍କୁ ପସନ୍ଦ କରୁଥିବା ମଧ୍ୟ କହିଥିଲେ। ଅମିତ ତାଙ୍କ ମା’ଙ୍କୁ ଏହା କହିବା ପରେ ତାଙ୍କୁ ଝଟ୍କା ଲାଗିଥିଲା, ହେଲେ ପରେ ସେ ଏଥିପାଇଁ ଅନୁମତି ଦେଇଥିଲେ। ଆଦିତ୍ୟଙ୍କ ବାପା ଏକଥା ଜାଣିବା ପରେ ସେମାନଙ୍କୁ ବିରୋଧ ନ କରି ତାଙ୍କ ସହିତ ଠିଆ ହୋଇଥିଲେ। ପରେ ପରିବାରର ଉପସ୍ଥିତିରେ ଦୁହଁିଙ୍କ ବିବାହ ସମ୍ପନ୍ନ ହୋଇଥିଲା। ସେମାନେ ବିବାହ କରି ଲୋକଙ୍କ ହୀନ ମାନସିକତା ଦୂର କରିବାକୁ ପ୍ରୟାସ କରିଥିବା କହିଛନ୍ତି। ତେବେ ସେମାନଙ୍କ ୨ ବର୍ଷର ସ୍ବପ୍ନ ଏବେ ସାକାର ହେବାକୁ ଯାଉଛି। ଆସନ୍ତା ମେ’ ବେଳକୁ ସେମାନଙ୍କ ସନ୍ତାନ ଜନ୍ମ ହେବ ବୋଲି ଜଣାପଡ଼ିଛି।
