ନୂଆଦିଲ୍ଲୀ,୮।୧୦: ଟିମ ଇଣ୍ଡିଆର ନୂତନ ପ୍ରଶିକ୍ଷକ ଗୌତମ ଗମ୍ଭୀରଙ୍କୁ ନେଇ ଏକ ବଡ଼ ବିବାଦ ଦେଖାଦେଇଛି। ତାଙ୍କ ପୂର୍ବତନ ସାଥୀ ଏବଂ ପୂର୍ବତନ ଭାରତୀୟ କ୍ରିକେଟର ମନୋଜ ତିୱାରୀ ତାଙ୍କ ବିରୋଧରେ ଗମ୍ଭୀର ଅଭିଯୋଗ ଆଣିଛନ୍ତି। ତିୱାରୀ କହିଛନ୍ତି ଯେ ଗମ୍ଭୀର ପ୍ରଶିକ୍ଷକ ହେବା ପରଠାରୁ ଭାରତୀୟ ଦଳ ମଧ୍ୟରେ ବହୁତ ଉତ୍ତେଜନା ଦେଖାଦେଇଛି।
ମନୋଜ ତିୱାରୀ କହିଛନ୍ତି, ଗୌତମ ଗମ୍ଭୀର ଟିମ ଇଣ୍ଡିଆର ପ୍ରଶିକ୍ଷକ ହେବା ପରଠାରୁ ଅନେକ ବିବାଦ ସାମ୍ନାକୁ ଆସିଛି। ଅନେକ ବରିଷ୍ଠ ଖେଳାଳି ଅବସର ନେଇଛନ୍ତି କିମ୍ବା ସେମାନଙ୍କୁ ବାଦ ଦିଆଯାଇଛି। ଏହା ଦେଖାଯାଉଛି ଯେ ଦଳ ଭିତରେ ଏକ ଅସ୍ବସ୍ତିକର ପରିବେଶ ସୃଷ୍ଟି ହୋଇଛି।
ତିୱାରୀ କହିଛନ୍ତି ଯେ, ବରିଷ୍ଠ ଖେଳାଳିମାନଙ୍କ ପ୍ରତି ଗମ୍ଭୀରଙ୍କ ମନୋଭାବ ବହୁତ କଠୋର ଏବଂ ଅସହଯୋଗୀ। ସେ ଅଭିଯୋଗ କରିଛନ୍ତି ଯେ ଗମ୍ଭୀର ଚାହାଁନ୍ତି ଯେ କେହି ତାଙ୍କ ନିଷ୍ପତ୍ତି ଉପରେ ପ୍ରଶ୍ନ ନ ଉଠାଇବେ। ଯଦି ରୋହିତ ଶର୍ମା, ବିରାଟ କୋହଲି, କିମ୍ବା ଆର. ଅଶ୍ୱିନଙ୍କ ଭଳି ଖେଳାଳି କୌଣସି କଥାରେ ମତଭେଦ କରନ୍ତି, ତେବେ ସେମାନଙ୍କୁ ଦଳରୁ ବାହାର କରିଦିଆଯାଏ କିମ୍ବା ଦଳରୁ ବାଦ୍ ଦିଆଯାଏ।
Dharitri – The Most Trusted Odia Daily of Odisha
