ଗୁଆହାଟୀ,୧୨ା୧୧: ଆସାମର ଗୁଆହାଟୀ ୟୁନିଭର୍ସିଟି ଏବଂ ଏହାର ସ୍ବୀକୃତିପ୍ରାପ୍ତ ମହାବିଦ୍ୟାଳୟଗୁଡ଼ିକର ଛାତ୍ରୀମାନଙ୍କ ପାଇଁ ଏକ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ନିଆଯାଇଛି। ଛାତ୍ରୀମାନଙ୍କୁ ଏଣିକି ଋତୁସ୍ରାବକାଳୀନ ଛୁଟି ମିଳିବ ବୋଲି ଗୁଆହାଟୀ ୟୁନିଭର୍ସିଟ ପକ୍ଷରୁ କୁହାଯାଇଛି। ବିଶ୍ୱବିଦ୍ୟାଳୟର କୁଳପତି ଏ ନେଇ ଛାତ୍ରୀମାନଙ୍କ ସର୍ବନିମ୍ନ ଶ୍ରେଣୀ ଉପସ୍ଥାନକୁ ୨ ପ୍ରତିଶତ କୋହଳ କରିଛନ୍ତି।
ଅର୍ଥାତ୍ ଛାତ୍ରୀଙ୍କ ସର୍ବନିମ୍ନ ଉପସ୍ଥାନ ୭୩ ପ୍ରତିଶତ ହୋଇଥିଲେ, ସେମାନେ ପରୀକ୍ଷା ଦେଇପାରିବେ। ଉକ୍ତ ଛୁଟି ତତ୍କାଳ ଲାଗୁ ହୋଇଛି। କେନ୍ଦ୍ର ମହିଳା ଓ ଶିଶୁ ବିକାଶ ମନ୍ତ୍ରଣାଳୟର ନିର୍ଦ୍ଦେଶନାମା ଆଧାରରେ ବିଶ୍ୱବିଦ୍ୟାଳୟ କର୍ତ୍ତୃପକ୍ଷ ଉପରୋକ୍ତ ନିଷ୍ପତ୍ତି ନେଇଛନ୍ତି। ଗୁଆହାଟୀ ୟୁନିଭର୍ସିଟିର ଏହି ନିୟମ ଋତୁସ୍ରାବ ସମୟରେ ସମ୍ମୁଖୀନ ହେଉଥିବା ଛାତ୍ରୀଙ୍କ ସମସ୍ୟା ଏବଂ ଏହାର ସମାଧାନରେ ସହାୟକ ହେବ।
