ନୂଆଦିଲ୍ଲୀ,୧।୪:କମର୍ସିଆଲ LPG ଦର ବଢ଼ାଇଛନ୍ତି କେନ୍ଦ୍ର ସରକାର। କମର୍ସିଆଲ LPG ସିଲିଣ୍ଡର ପିଛା ଦର ୧୯୫ ଟଙ୍କା ୫୦ ପଇସା ବୃଦ୍ଧି ହୋଇଛି। ନୂଆଦିଲ୍ଲୀରେ ୧୯ କେଜି କମର୍ସିଆଲ LPG ଦର ୨୦୭୮ ଟଙ୍କା ୫୦ ପଇସାରେ ପହଞ୍ଚିଛି। ଭୁବନେଶ୍ୱରରେ ୧୯ କେଜି କମର୍ସିଆଲ LPG ଦର ୨୧୭୩ ଟଙ୍କା ରହିଛି। ଏହାସହ ଘରୋଇ ଗ୍ୟାସ ଦର ବଢାଯାଇନାହିଁ। ଏହା ସାଧାରଣ ଲୋକଙ୍କ ପାଇଁ ଏକ ବଡ଼ ଆଶ୍ୱସ୍ତି।
IOCL ତଥ୍ୟ ଅନୁଯାୟୀ, ଦେଶର କୌଣସି ମହାନଗର ଅଞ୍ଚଳରେ ଘରୋଇ ଗ୍ୟାସ ସିଲିଣ୍ଡରର ମୂଲ୍ୟରେ କୌଣସି ବୃଦ୍ଧି ହୋଇନାହିଁ। ସରକାର ଏବଂ ତୈଳ କମ୍ପାନୀଗୁଡ଼ିକ ଜନସାଧାରଣଙ୍କୁ ଗୁରୁତ୍ୱପୂର୍ଣ୍ଣ ଆଶ୍ୱସ୍ତି ପ୍ରଦାନ କରିଛନ୍ତି। ମାର୍ଚ୍ଚ ୭ରେ ଘରୋଇ ଗ୍ୟାସ ସିଲିଣ୍ଡରର ମୂଲ୍ୟ ପ୍ରତି ସିଲିଣ୍ଡର ପାଇଁ ୬୦ ବୃଦ୍ଧି କରାଯାଇଥିଲା, ଯାହା ଫଳରେ ଦିଲ୍ଲୀରେ ୯୧୩, କୋଲକାତାରେ ୯୩୯, ମୁମ୍ବାଇରେ ୯୧୨.୫୦ ଏବଂ ଚେନ୍ନାଇରେ ୯୧୨.୫୦ ମୂଲ୍ୟ ବୃଦ୍ଧି ପାଇଥିଲା।
Dharitri – Odisha’s No.1 Odia Daily
