ନୂଆଦିଲ୍ଲୀ,୧୨।୮: ଭାରତ ସ୍ବାଧୀନତାର ୭୫ ବର୍ଷ ପୂରଣ କରିବାକୁ ଯାଉଛି। ଏହାକୁ ନେଇ ସାରା ଦେଶରେ ଅମୃତ ମହୋତ୍ସବ ପାଳନ କରାଯାଉଛି। ଏହି ଅବସରରେ ଏକ ବଡ଼ ମ୍ୟାଚ୍ ଅନୁଷ୍ଠିତ ହେବାକୁ ଯାଉଛି। ସେପ୍ଟେମ୍ବର ୧୬ରେ କୋଲକାତାର ଐତିହାସିକ ଇଡେନ ଗାର୍ଡେନ ମଇଦାନରେ ଏହି ମ୍ୟାଚ୍ ଖେଳାଯିବ। ସାରା ବିଶ୍ୱର ମହାନ ଖେଳାଳିଙ୍କ ସହ ଭାରତର ପ୍ରମୁଖ ଖେଳାଳିମାନେ ଏଥିରେ ଭାଗ ନେବେ। ତେବେ ଏହି ଟିମ୍ର ନେତୃତ୍ୱ ବିସିସିଆଇ ଅଧ୍ୟକ୍ଷ ସୌରଭ ଗାଙ୍ଗୁଲୀ ନେବେ ବୋଲି ଜଣାପଡ଼ିଛି।
ଲିଜେଣ୍ଡସ୍ କ୍ରିକେଟ ଲିଗ୍-୨ ପୂର୍ବରୁ ଏହି ପ୍ରଦର୍ଶନୀ ମ୍ୟାଚ୍ରେ ଇଣ୍ଡିଆ ମହାରାଜାର ନେତୃତ୍ୱ ଗାଙ୍ଗୁଲି ନେବେ। ସେହିଭଳି ଓ୍ବାଲ୍ଡ ଜିଆଣ୍ଟ୍ସର ନେତୃତ୍ୱ ଇଂଲଣ୍ଡର ପୂର୍ବତନ ଅଧିନାୟକ ଇୟୋନ ମୋର୍ଗାନ ନେବେ। ଏହି ମ୍ୟାଚ୍କୁ ନେଇ ପୂର୍ବକୋଚ୍ ରବି ଶାସ୍ତ୍ରୀ କହିଛନ୍ତି, ଭାରତ ସ୍ବାଧୀନତାର ୭୫ ବର୍ଷ ପାଳନ କରୁଛି। ଏମିତିରେ ଏହା ଗର୍ବର ବିଷୟ। ଏହି କାରଣରୁ ଆମେ ଲିଗ୍କୁ ‘ଆଜାଦି କା ଅମୃତ ମହୋତ୍ସବ’କୁ ସମର୍ପଣ କରୁଛୁ।
ସେହିଭଳି କିମ୍ବଦନ୍ତୀ ଲିଗ୍ର ସହ ପ୍ରତିଷ୍ଠାତା ରମଣ ରହେଜା କହିଛନ୍ତି, ଏହି ସ୍ବତନ୍ତ୍ର ମ୍ୟାଚ୍ ପରେ ଲିଗ୍ ସେପ୍ଟେମ୍ବର ୧୭ରୁ ଆରମ୍ଭ ହୋଇ ଅକ୍ଟୋବର ୮ରେ ଶେଷ ହେବ। ଏଥିରେ ୪ ଭିନ୍ନ ଦଳ ପ୍ରତିଦ୍ୱନ୍ଦ୍ୱିତା କରିବେ। ସିଜନରେ ମୋଟ ୧୫ ମ୍ୟାଚ୍ ଖେଳାଯିବାକୁ ଥିବା ବେଳେ ୨୨ ଦିନ ଯାଏ ଏହି ଲିଗ୍ ଚାଲିବ। ଖେଳାଳିଙ୍କ ପୂରା ତାଲିକା ଖୁବଶୀଘ୍ର ଜାରି କରି ଦିଆଯିବ।
ଇଣ୍ଡିଆ ମହାରାଜା: ସୌରଭ ଗାଙ୍ଗୁଲି(ଅଧିନାୟକ, ବିରେନ୍ଦ୍ର ସେହ୍ବାଗ, ମହମ୍ମଦ କୈଫ, ୟୁସୁଫ ପଠାନ, ଏସ୍. ବଦ୍ରିନାଥ, ଇରଫାନ ପଠାନ, ପାର୍ଥିବ ପଟେଲ, ଷ୍ଟୁଆର୍ଟ ବିନ୍ନି, ଏସ୍ ଶ୍ରୀସନ୍ତ, ହରଭଜନ ସିଂ, ନମନ ଓଝା, ଅଶୋକ ଦିଣ୍ଡା, ପ୍ରଜ୍ଞାନ ଓଝା, ଅଜୟ ଜାଡେଜା, ଆର୍ପି ସିଂ, ଯୋଗୀନ୍ଦର ଶର୍ମା, ରିତେନ୍ଦର ସିଂ ସୋଡି।
ଓ୍ବାଲ୍ଡ୍ ଜିଆଣ୍ଟ୍ସ: ଇଏନ ମୋର୍ଗାନ(ଅଧିନାୟକ),ଲେଣ୍ଡଲ ସିମନ୍ସ, ହର୍ସେଲ ଗିବ୍ସ, ଜ୍ୟାକ୍ କଲିସ, ସନଥ ଜୟସୁରିଆ, ମ୍ୟାଚ୍ ପ୍ରିଅର, ନାଥନ ମ୍ୟାକ୍କୁଲମ, ଜଣ୍ଟି ରୋଡସ୍, ମୁଥେୟା ମୁରଲିଧରନ୍, ଡେଲ ଷ୍ଟେନ୍, ହାମିଲଟନ ମାସାକାଜା, ମଶ୍ରଫେ ମୋର୍ଟାଜା, ଅସଗର ଆଫଗାାନ, ମିଚେଲ ଜନସନ, ବ୍ରେଟ୍ ଲି, କେଭିନ୍ ଓ ବ୍ରାଇନ, ଦିନେଶ ରାମଦିନ
