ପାରଳାଖେମୁଣ୍ଡି,୧୨।୯: ଘର ପାଖରେ ଗଣେଶ ପୂଜା ଦେଖବାକୁ ଯାଇ ବଳାତ୍କାର ଶିକାର ହୋଇଛନ୍ତି ନାବାଳିକା। ଏଭଳି ଅଭାବନୀୟ ଘଟଣା ଘଟିଛି ଗଜପତି ଜିଲା କାଶୀନାଗର ଥାନା ଅଞ୍ଚଳରେ। ପୀଡ଼ିତାଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିବା ବେଳେ। ଅଭିଯୁକ୍ତ ନାବାଳକଙ୍କୁ ଡାକ୍ତରୀମାଇନା ପାଇଁ ମଧ୍ୟ ପଠାଯାଇଛି। ଅନ୍ୟପଟେ ପୋଲିସ ଘଟଣାର ତଦନ୍ତ ଆରମ୍ଭ କରିଛି।
ମିଳିଥିବା ସୂଚନାନୁସାରେ, ଶନିବାର ସା ସମୟରେ ଗଣେଶ ପୂଜା ଦେଖିବା ପାଇଁ ନାବାଳିକା ପୀଡ଼ିତା ଘର ନିକଟ ଅନ୍ୟ ସାହିକୁ ଯାଇଥିଲେ। ସେ ମଣ୍ଡପ ନିକଟରେ ଖେଳୁଥିବା ସମୟରେ ତାଙ୍କୁ ଡାକି ନେଇ ଜଣେ ନାବାଳକ ବଳାତ୍କାର କରିଥିବା ଅଭିଯୋଗ ହୋଇଛି। ଖବରପାଇ ଘଟଣାସ୍ଥଳରେ ପୋଲିସ ପହଞ୍ଚି ତଦନ୍ତ ଚଳାଇଛି। ପୀଡିତାଙ୍କ ମାଇଁଙ୍କ ଅଭିଯୋଗ ପ୍ରକାରେ, ଅଭିଯୁକ୍ତ ଝିଅକୁ ପୂଜା ମଣ୍ଡପ ନିକଟରୁ ନିଛାଟିଆ ଛାତ ଉପରକୁ ଡାକି ନେଇ ବଳାତ୍କାର କରିଥିଲେ। ପରେ ପୀଡିତା ବାପା ମା’ଆଙ୍କୁଜଣାଇଥିଲେ। ଅନ୍ୟପଟେ ନାବାଳିକାଙ୍କ ସ୍ବାସ୍ଥ୍ୟବସ୍ଥା ସ୍ଥିର ରହିଛି ଓ ଚିକିତ୍ସା ଜାରି ରହିଥିବା ଡାକ୍ତର କହିଛନ୍ତି। ଉଭୟ ନାବାଳକନାବଳିକା ହୋଇଥିବା ବେଳେ ପୋଲିସ ଘଟଣାକୁ ଗୁରୁତର ସହ ନେଇ ତଦନ୍ତ ଜାରି ରଖିଛି। ଏ ନେଇ ଥାନାରେ କେସ ୯୭/୨୧ ମାମଲା ରୁଜୁ ହୋଇଛି। ପରବର୍ତ୍ତୀ ସମୟରେ ଜୁଭେନାଇଲ କୋର୍ଟରେ ଅଭିଯୁକ୍ତଙ୍କୁ ହାଜର କରିବ ବୋଲି ପୋଲିସ କହିଛି।
